كۇندەلىكتى ومىردە ءوز-ءوزىمدى تاربيەلەپ, الدىما ماقسات قويدىم. مەن ەسىرتكىسىز ءومىردى تاڭدادىم. سول ماقساتقا جەتۋ ءۇشىن ادامي قۇندىلىقتاردى باعالاي وتىرىپ , ء«وز ءومىرىم وزىمە قۇندى» دەگەن قاعيدانى باستى نازاردا ۇستايمىن.
ءومىر – كوپىر, وت ۇستىنە سالىنعان,
دىڭگەكتەرى زاندەم وتقا مالىنعان.
قورقۋ بىلمە, اياقتارىڭ تايماسىن,
ويناپ وتپەن, شارپۋ كورمە جالىننان!
ءبىر-اق رەت بەرىلەتىن باعا جەتپەس قىمبات سىيدى ماعان سىيلاعان كىم؟…
ارينە ماعان وسىنداي باعا جەتپەس سىي سىيلاعان ەڭ قىمبات ادامدارىم – ول مەنىڭ اتا-انام. سوندىقتان مەن ولاردى رەنجىتپەۋىم كەرەك. سەبەبى, بىرىنشىدەن ول ماعان ء“ومىر” سىيلادى, جارىق دۇنيەنى كورسەتتى, مەنى ءوسىردى, ءتۇن ۇيقىسىن ءتورت ءبولىپ, ايالادى. مەن انام سىيلاعان ءومىردى لايىقتى سۇرۋگە ءتيىسپىن.
عاجايىپ ءومىر! سۇلۋلىق پەن ۇيلەسىمدىلىكتى تالاپ ەتەتىن ءتاتتى ءومىر! ادام مەن ادامگەرشىلىكتى قالايتىن تاماشا ءومىر! ء«ومىر» شىنىمەن دە ءتاتتى, عاجاپ, تاماشا. الايدا وسى سۇلۋلىقتى, عاجاپ ءومىردىڭ قادىرىن تۇسىنبەيتىندەر كوپ قوي. قايتالانىپ كەلمەيتىن, اللانىڭ بەرگەن سىيىن ادامگەرشىلىك, يماندىلىقپەن نەگە وتكىزبەسكە؟
دەگەنمەن, اركىمنىڭ ارمانى ءارتۇرلى ەكەن. ءتۇرلى اقپارات كوزدەرىنەن اڭعارسام, «ەسىرتكى» ماسەلەسىنىڭ قانشالىقتى اۋىر ەكەندىگىن ءبىلدىم. بۇل تاقىرىپتاعى مالىمەتتەردە ناشاقورلىق اۋرۋىنا دۋشار بولعانداردىڭ جان تۇرشىگەرلىك كورىنىستەرى جانە ونداي جاعدايعا ەسىرتكىنىڭ كەسىرىنەن ءوزىن-ءوزى جەتكىزگەندىگىنە كۋا بولدىم. ناشاقورلارعا اناسى دا, دوستارى دا, وقۋى دا قاجەت ەمەس ەكەن. ولاردىڭ بۇكىل الەمى – ەسىرتكى.
مەن قازىر جەر بەتىندە "ناشاقورلىق" دەپ اتالاتىن ز ۇلىمدىق جايلاعان ۋاقىتتا ءومىر سۇرۋدەمىن. بۇل اۋرۋ – اعزاسىنىڭ اۋىر پسيحيكالىق جانە فيزيكالىق بۇزىلۋىنا اكەپ سوقتىراتىن ەسىرتكى قولدانۋعا قۇمارلىق. الايدا كوپشىلىكتى "قورقىنىش" سەزىمىنە باۋليتىن زاتتار, جاس بالالاردى قىزىقتىرىپ, كوبىسىنىڭ ومىرىنە «بالتا شابادى».
نەلىكتەن ادامدار ناشاقورعا اينالادى؟ ولاردى ناشاقورلىققا ماجبۇرلەيتىن نە! مۇندا قورقىنىشتى الداۋ جاتىر. ەسىرتكى ساتۋشىلار ۇلكەن پايدا تابادى, ولارعا ساتىپ الۋشىلار قاجەت, ال ناشاقورلار ەسىرتكى ءۇشىن كەز-كەلگەن اقشانى بەرۋگە دايىن. سوندىقتان, جاڭادان باستاۋشىلارعا بۇل ۋلانۋ تەگىن ۇسىنىلادى. بۇل ىندەت جاقسى ومىرگە ەشكىمدى جەتكىزبەگەنىن تۇسىنگەن ادام عانا ءوزىن باتىل دەپ ساناي الادى.
ەسىرتكى - ز ۇلىم! ءاربىر سانالى ادام مۇنى تۇسىنەدى. ەڭ باستىسى – دەر كەزىندە «جوق» دەپ ايتۋ. ادامنىڭ مىقتى ىشكى وزەگى بولۋ كەرەك! كۇشتى رۋح بولۋ قاجەت! ادام – جەكە تۇلعا, ال جەكە تۇلعا ءوزىنىڭ دارالىعىن كورسەتە ءبىلۋ كەرەك! ەسىرتكىگە جول جوق! دانا بول! ءومىر كەرەمەت! مەن ءومىردى قالايمىن! ەسىرتكىسىز عاجايىپ ءومىردى قالايمىن.
ومىردە ءبارى دە وتكىنشى.
ءومىر — سەنىڭ مۇمكىندىگىڭ, پايدالانا ءبىل;
ءومىر — سۇلۋلىق, سۇيسىنە ءبىل;
ءومىر — ارمان, جۇزەگە اسىر;
ءومىر — پارىز, ورىنداي ءبىل;
ءومىر — ويىن, ويناي ءبىل;
ءومىر — بايلىق, باعالاي ءبىل;
ءومىر — ماحاببات, ءلاززات الا ءبىل;
ءومىر — قۇپيا, سىرىن اش;
ءومىر — قايعى, كوتەرە ءبىل;
ءومىر — كۇرەس, جەڭە ءبىل;
ءومىر — باقىت, باياندى ەتە ءبىل.
ءومىر سىنىنان سۇرىنبەي ءوتۋ – ءار ادامزاتتىڭ باستى پارىزى. مەن اڭساعان ارمانىما جەتۋ ءۇشىن ءومىر بويى كۇرەسەمىن. سەنى دە عاجايىپ ومىرگە شاقىرامىن.
ايىم مىرزاحانقىزى,
№50 اباي اتىنداعى ورتا مەكتەپ وقۋشىسى.
شيەلى اۋدانى.
