كوروناۆيرۋس • 29 قازان، 2021

«قىزىل» ايماقتان شىعا الماي وتىر

55 رەت كورسەتىلدى

وسىعان دەيىن وبلىس ورتالىعىنداعى قوعامدىق كولىكتەردە جۇرگەن مونيتورينگتىك توپ مۇشەلەرىن بىردە-ءبىر رەت بايقاماپپىز. ولاردى شاعىن دۇكەندەردەن دە ەشقاشان كورمەيسىز. قوعامدىق كولىك دەمەكشى، قازىر وبلىس ورتالىعىندا بۇرىنعىداي اۆتوبۋس­تاردى ۇزاق كۇتۋ باستالدى، ءبىر اۆتوبۋس كەلسە جولاۋشىلار لىق تولادى.

ال ىندەت قايدان تارايدى دەي­مىز؟ قوعامدىق كولىكتەردە كۇرك-كۇرك جوتەلگەندەرگە سەزىكتەنە ءارى قور­قىپ قارايسىز. جۇرگىزۋشىلەر دە بەت­پەردەسىز. باقىلاۋ دا، تەكسەرۋ دە جوق دەۋگە بولار.ءتىپتى زارارسىز­دان­دىراتىن سۇيىقتىقسىز بوس قال­عان قۇتىلار ابدەن ەسكىرىپ، ىشكە كىرە بەرەر جەردە ءىلىنىپ تۇرادى.

وبلىستىق سانيتارلىق-ەپيد­ە­ميالىق باقىلاۋ دەپار­تا­مەنتىنىڭ وكىلى عيزات ابىشەۆ­تىڭ مالى­مەتىنشە، وڭىردەگى ەپيدە­مي­يالىق احۋال ءالى دە تۇراقسىز. قازىرگە دەيىن وبلىس­تا كوروناۆيرۋس­تى جۇقتىرۋدىڭ 50 844 مىڭ جاع­دا­يى تىركەلدى. ولاردىڭ 41 530-ى سيمپتومدى، 9 314-ءى – سيمپتومسىز. وسىعان وراي ەندى Ashyq جۇ­­يەسى بويىنشا جۇمىس ىستەيتىن نى­­سان­داردىڭ جۇمىسىنا وزگەرىس ەن­گىزىلۋدە.

– 29 قازاننان باستاپ 12 قا­را­شا­عا دەيىن Ashyq ارقىلى جۇ­مىس ىستەيتىن نىساندارعا جۇمىس كۇندەرى تەك «جاسىل» مارتەبەسى بار ادامدار كىرە الادى، – دەيدى عيزات ابىشەۆ. – جەتى كۇننەن اسپاعان پتر-تەستىنىڭ ناتيجەسى تەرىس جانە ۆاك­تسينالاۋدان وتكەندەر وتە الادى.

بۇدان بولەك، اۋىل-قالا تۇر­عىن­دا­رىنىڭ كارانتيندىك رەجىمدى ءجيى بۇزۋى الاڭداتۋدا. شەك­تەۋلەرگە قارا­ماستان ساۋدا ۇيلەرىنە، دام­حا­نالارعا، Ashyq باع­دار­لا­ما­سى ورناتىلعان ورىن­دار­عا بارۋدا. مىسالى، دەپارتامەنت وكىلى ۇسىن­عان 26 قازانداعى مالىمەتكە ساي، وڭىردەگى 337 نىسانعا 2 مىڭعا جۋىق تۇرعىن، «قىزىل» تىركەۋىندەگى
1 400، «سارى» بەلگىسىندەگى 600-دەي تۇر­عىن جىبەرىلگەن جوق.

قازىر بارلىق قالالار مەن اۋدان­داردا 24 مونيتورينگتىك توپ جۇ­­مىس ىستەيدى. ەكىباستۇز قالا­سىندا 10 ايدىڭ ىشىندە كاران­تين­دىك تالاپتاردى بۇزعان 96 ادام انىق­تال­عان. وسى قازان ايىن­­­دا­ 85 رەيد جۇرگىزىلىپ، 279 بيز­نەس نىسانىنا كارانتين تالاپتارىن ساقتاپ، ىندەت تاراتپاۋ جايىنداعى تۇسىنىكتەمەلەر تاپسىرىلعان. قالادا 1 236 بيزنەس نىسانى Ashyq جۇيەسىنە تىركەلگەن. سون­دىقتان، وڭىردە باس سا­نيتار دا­رى­گەردىڭ شەشىمىمەن جاڭا تالاپ­تار ەنگىزىلدى. ياعني ەپي­دە­­ميالىق احۋالدىڭ تۇ­راق­سىزدىعى، ىندەت جۇقتىرعان ناۋقاس­تاردىڭ كوبەيۋى جاڭا تالاپتار قابىلداۋعا ءماجبۇر ەتكەنى بەلگىلى. ەندى 29 قازان مەن 12 قاراشا ارا­لىعىندا Ashyq جوباسىنا قاتى­سۋ­شى نىسانداردىڭ كۇندەلىكتى جۇ­مى­سىنا تولىقتىرۋلارمەن بىرگە، وزگە­رىستەر دە ەنگىزىلەدى.

بۇگىندە وبلىس كولەمىندە 6 830 الەۋمەتتىك جانە بيزنەس نىسانى Ashyq بويىنشا جۇمىس ىستەيدى. جالپى ەسەپ بويىنشا «قىزىل» ستاتۋسى بار 2 مىڭ ادام Ashyq بو­يىنشا كەرى قايتارىلعان. Ashyq جوباسىن بۇزۋشىلار پاۆ­­لودار، ەكىباستۇز جانە اقسۋ قالا­لارىندا انىقتالعان. ءوڭىر بو­يىنشا، 18 مامىر مەن 26 قازان ارا­لى­عىندا مو­ني­تورينگتىك توپتار 3 274 نى­ساننىڭ 114-ىنە شەكتەۋ شارا­لا­رىن بۇزۋ فاكتىسىن انىقتادى. ولار­­دىڭ بارلىعى Ashyq جوبا­سى­نىڭ قاتىسۋشىلارى بولعان. جال­پى، جوباعا 2،5 مىڭعا جۋىق قاتى­سۋ­شى انىقتالدى، ولاردىڭ 467-ءسى مەم­لەكەتتىك مەكەمەلەر. مو­ني­تورينگ­تىك توپتاردىڭ مۇشە­لەرى Ashyq جوباسىنىڭ قا­تى­سۋشى­لارىمەن ءتۇسىندىرۋ جۇ­مىس­تا­رىن جۇرگىزۋدە.

ءتارتىپ بۇزۋشىلارعا اكىمشىلىك قۇقىق بۇزۋ جونىندەگى زاڭ تالاپتارى بويىنشا قۇنى 8 ملن تەڭگەدەن استام 63 اكىمشىلىك قۇقىق بۇ­زۋ­شى­لىق تۋرالى حاتتاما تولتىرىلسا، قالعانى سوتقا جولدانعان.

وبلىستىق سانيتارلىق-ەپيدە­ميالىق باقىلاۋ دەپارتا­مەن­تىنىڭ مالىمەتىنشە، قازان ايى­نىڭ سوڭعى كۇندەرى وڭىردە ىندەت جۇق­تىرعان 49 331 ناۋقاس تىركەلسە، 27 035 ناۋقاس وبلىس ورتالىعىنىڭ تۇرعىندارى. ەپيدەميولوگتەردىڭ باعالاۋىنشا، ىندەت ينفەكتسياسى بويىنشا وڭىردە جاعداي ءالى تۇراقسىز.

 

پاۆلودار وبلىسى

 

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار