كوروناۆيرۋس • 29 قازان، 2021

شەكارادان وتكەندەر باقىلاۋدا بولادى

48 رەت كورسەتىلدى

باتىس قازاقستان وبلىسى كوروناۆيرۋس ينفەكتسياسىنىڭ قاۋىپتىلىگى جونىنەن «سارى» ايماقتا تۇر. وڭىردە جىل باسىنان بەرى 29 515 ادامنىڭ ۆيرۋس جۇقتىرعانى تىركەلدى. ياعني 100 مىڭ تۇرعىنعا شاققاندا كورسەتكىش 4 468،3 قۇرادى.

سوڭعى اپتادا – قازاننىڭ 20-سى مەن 27-ءسى ارالىعىندا وبلىس اۋماعىندا 307 ادام Covid-پەن اۋىرعان. اۋرۋشاڭدىق دەڭگەيى وسىنىڭ الدىنداعى اپتامەن سالىستىرعاندا 4،6%-عا تومەندەگەنى بايقالدى. قازان­نىڭ 13-19 ارالىعىندا 322 سىر­قات تىركەلگەن بولاتىن.

جالپى، قازان ايىنىڭ باسىنان بەرى وبلىستا 1 264 ادام­­عا COVID-19 دياگنوزى قويىلعان. ناۋقاستاردىڭ ىشىن­دە 704 ادام جرۆي بەلگى­لە­رىنە شاعىمدانىپ، دارىگەرگە قارالعاندا انىقتالسا، ولار­مەن قارىم-قاتىناستا بولعان 326 ادامدى مەديتسينا قىز­مەت­كەر­لەرى وزدەرى انىقتاپ، تىر­كەۋگە العان. پروفي­لاك­تي­كا­لىق ماقساتتا تەكسە­رىلگەن 222 ادام، ەپيدەميا­لىق قاداعالاۋ ماقسا­تىن­دا سىناما الىنعان 12 ادام دا وسى دياگنوزبەن دارىگەر باقىلاۋىنا الىندى.

«كوروناۆيرۋس كوبىنە 41-60 جاس ارالىعىنداعى ناۋقاستار اراسىندا كەزدەسەدى» دەيدى وب­­لىستىق سانيتارلىق-ەپي­دە­ميالىق باقىلاۋ باس­قار­ما­­سى­نىڭ ءباسپاسوز حاتشىسى ادەمى عيبراتقىزى.

سوڭعى كۇندەرى رەسەي فەدە­راتسياسى كوروناۆيرۋس ينفەك­تسيا­سىنىڭ تارالۋى بويىنشا الەمدە الدىڭعى ورىندا تۇر. رەسەيدىڭ بەس گۋبەرنياسىمەن شەكتەسەتىن باتىس قازاقستان وبلىسى مەملەكەتتىك شەكارادان ءارى-بەرى وتەتىن جولاۋشىلاردى قاتاڭ باقىلاۋعا العان بولاتىن. 1 قازاننان بەرى وبلىس اۋماعىنا مەملەكەتتىك شە­كارادان COVID-19 انىق­تا­ماسىنسىز 1 008 جولاۋشى وتكەن. ولاردان پتر ادىسىمەن COVID-19-عا تەست الىنعان كەزدە، 2 ادامنىڭ تەست ناتيجەسى قاۋىپتى ۆيرۋس بار ەكەنىن كور­سەت­كەن. ەكى ەل اراسىندا حالىق­ارا­لىق جۇك تاسىمالىمەن اينالىساتىن 1 825 جۇرگىزۋشى دە وسىنداي تەكسەرۋدەن ءوتىپ، 3 ادامدا ۆيرۋس انىقتالعان.

2021 جىلعى 1 قازاننان بەرى باتىس قازاقستان وبلىسىندا سانيتارلىق-كارانتيندىك رە­­جىمدى بۇزعان 103 ازامات Ashyq قوسىمشاسىن پايدالانۋ ناتيجەسىندە بەلگىلى بولدى. اتاپ ايتقاندا، 87 ادام «قىزىل» مارتەبەسىمەن، 16 ادام «سارى» مارتەبەسىمەن كوشەدە قىدىرىپ، وزگەلەردى قاۋىپ-قاتەرگە قالدىرعان. وسىنداي زاڭ بۇزۋشىلىقتار بويىنشا 2021 جىلدىڭ 10 ماۋسىمىنان بەرى وڭىردە اكىمشىلىك قۇقىق بۇزۋشىلىق تۋرالى كودەكستىڭ 425-بابى، 1-بولىگى بويىنشا جەكە تۇلعالارعا 145 حاتتاما تولتىرىلىپ، 6 315 305 تەڭگەگە ايىپپۇل سالىنعان.

ۆاكتسينالاۋ كورونا­ۆي­رۋس­­­تىڭ جانە تۇماۋدىڭ الدىن الۋدىڭ ەڭ ءتيىمدى ءادىسى ەكە­نىن دارىگەرلەر كوپتەن ايتىپ كەلەدى. باتىس قازاقستان وبلىسىندا جىل سايىن تۇر­عىن­­داردىڭ 10%-دان استامى تۇماۋعا قارسى ەكپە الادى. بيىلعى 15 قىركۇيەكتەن بەرى وبلىستا تۇماۋعا قارسى جوس­پار­لى ۆاكتسينالاۋ جۇرگىزىلىپ جاتىر. جەرگىلىكتى بيۋدجەت قارا­جاتىنا رەسەيدە ون­دى­رىلگەن «گريپ­پول+» ۆاك­تسي­نا­سىنىڭ 68 مىڭ دوزاسى ساتىپ الىنعان. قازىردىڭ وزىندە تۇماۋعا قارسى 46 148 ادام ەكپە الدى، ونىڭ ىشىندە 14 جاسقا دەيىنگى 6 364 بالا، 39 784 ەرەسەك ادام بار.

 

باتىس قازاقستان وبلىسى

 

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار