قاشاندا سەنىمدى ستاتيستيكالىق دەرەكتەر قاجەت

مەملەكەت باسشىسى نۇر­سۇلتان نازارباەۆ ستا­تيستيكا اگەنتتىگىنىڭ توراعاسى ءاليحان سمايىلوۆتى قابىلدادى, دەپ حابارلادى پرەزيدەنتتىڭ باس­پاسوز قىزمەتى. اگەنتتىك توراعاسى 2013 جىلعى قىزمەتتىڭ قورىتىندىلارى تۋرالى باياندادى جانە الداعى كەزەڭدەگى جۇمىستىڭ پەرسپەكتيۆالىق باعىتتارى جونىندە ايتتى. مەملەكەت باسشىسى نەگىزگى مەم­لە­كەتتىك شەشىمدەر قابىلداۋ ءۇشىن سەنىمدى ستاتيستيكالىق دەرەكتەر قاجەتتىگىن اتاپ ءوتتى, سونداي-اق, قايتالاناتىن ستاتيستيكالىق اق­پا­راتتار جيناقتاۋدى ودان ءارى قىس­قارتۋعا نازار اۋداردى. – ەلىمىزدىڭ ەكونوميكالىق دامۋى ءۇشىن سەنىمدى ستاتيستيكالىق دەرەكتەر, اتاپ ايتقاندا, ەڭبەك ونىمدىلىگى, جۇمىسپەن قامتۋ دەڭگەيى جانە تاعى باسقا كورسەتكىشتەردى دەر كەزىندە ۇسىنۋ اسا ماڭىزدى. وسىنىڭ ءبارى مەملەكەتتىك ور­گان­داردىڭ جۇمىسىن جانە مەم­لەكەتتىك باعدارلامالاردىڭ ىسكە اسىرىلۋىنىڭ تيىمدىلىگىن باعا­لاۋعا مۇمكىندىك بەرەدى, – دەدى نۇرسۇلتان نازارباەۆ. قازاقستان پرەزيدەنتى زاماناۋي اقپاراتتىق تەحنولوگيالاردى مەملەكەتتىك ستاتيستيكاعا ودان ءارى ەنگىزىپ, مەتوديكالىق جانە مەتودولوگيالىق بازانى جەتىلدىرۋ ارقىلى ونىڭ ساپاسىن ارتتىرۋ قاجەتتىگىن اتاپ ءوتتى. نۇرسۇلتان نازارباەۆ حالىق پەن بيزنەس ءۇشىن اشىق ساياسات ۇستانۋدىڭ, مەملەكەتتىك ستا­تيس­تيكاعا قولجەتىمدىلىكتىڭ ماڭىز­دىلىعىنا, سونداي-اق, بۇقارالىق اقپارات قۇرالدارىمەن زاڭنامانىڭ ستاتيستيكا بولىگىندەگى نەگىزگى ەرە­جەلەردى ءتۇسىندىرۋ جۇمىسىن ودان ءارى جۇرگىزۋدىڭ ءمانى زور ەكەنىنە دە توقتالدى. ءا.سمايىلوۆ اگەنت­تىك وڭىرلەر­دىڭ الەۋ­مەتتىك-ەكونوميكالىق دا­مۋ رەي­تين­گىسىن جاساپ جات­قا­نىن, وندا قۇجات اينالى­مىن ازايتۋ ماق­ساتىندا ەسەپ­تىلىك كورسەتكىشتەرى ەكى ەسە قىسقار­تىلعانىن ايتتى. كەزدەسۋ قورىتىندىسىندا مەم­لەكەت باسشىسى بىرقاتار ناق­تى تاپسىرمالار بەردى.