ونەر • 28 قازان، 2021

تسيركتە قايتا ەستىلگەن كۇلكىلەر كۇمبىرى

72 رەت كورسەتىلدى

جاھاندىق پاندەميا اسىرەسە، تسيرك جانرىنا قىزمەت ەتەتىن ونەرپازدارعا وڭايعا تيگەن جوق. وسى ءبىر كۇردەلى كەزەڭدە ساحنا سالتاناتى مەن كىشكەنتاي كورەرمەندەردىڭ قوشەمەتىنە بولەنىپ كەلگەن جانۋارلار دا تىنشۋ تاپقانداي بولعانىمەن، قازاق مەملەكەتتىك تسيركى قاراپ جاتپاي، وقشاۋلانىپ، جاڭا نومىرلەرىن دايىنداپ جاتقان ەدى.

ەندى مىنە، قاراشانىڭ ىز­عارى كۇشىنە مىنگەنگە دەيىن جال­عاساتىن Excentriko اتتى جاڭا تسيرك باعدارلاماسى العاشقى كورەرمەندەرىنىڭ كوڭىلىنەن شىق­تى. مەكتەپتەردىڭ كۇزگى دەمالىسىنا ارنايى دايىندالعان جاڭا باعدارلاما قىزىقتى دا تارتىمدى دەۋگە ەندى نەگىز بار. تسيرك كۇمبەزىنىڭ استىنا قايتا كۇلكىگە كومكەرگەن نومىرلەر كارانتين جەڭىلدەگەننەن كەيىن، وتە قىسقا مەرزىمدە دايىندالسا دا كورەرمەندەر كوڭىلىنەن شىعىپ جاتىر.

بۇعان دەيىن دە اراعا ەكى ورىندىق سالىپ كورەتىن جانە ءداس­تۇرلى تۇردە دەمالىس كۇندەرى وتەتىن قويىلىمعا Ashyq جۇيە­سىمەن «جاسىل» مارتەبەلى كو­رەر­­مەندەر عانا كىرە الاتىنى ەسكەرتىلگەن-ءدى. كارانتيندىك شەك­تەۋلەرگە بايلانىستى كورەر­مەندەر زالى تەك 30 پايىزعا عانا ادام قابىلدايدى.

قازاق تسيركىنىڭ قانداي جا­ڭالىعى بار دەسەك، جاس اۋە گيم­ناس­تى يرينا حرامەنكوۆانىڭ «كور-دە-پارەل» دەبيۋتى – تسيرك­تىڭ تاڭعاجايىپ نومىرلەرىنە قو­سىلدى. يرينا بۇل ونەرىمەن تۇڭ­عىش رەت ارەناعا شىعىپ تۇر­عان جوق، ول وعان دەيىن دە ەلىمىزدە گاس­ترولدەردە بولعان. تەك ال­ماتىلىقتار عانا بۇل ءنومىردى ءبىرىنشى رەت كورىپ وتىر.

سول سياقتى ادىلەت تي­كا­نوۆتىڭ جەتەكشىلىگىندەگى «تو­ميريس» اكروباتيكالىق نو­مى­رىمەن مە­گا­پوليستىڭ كىشكەنتاي ونەر سۇيەر كورەرمەندەرى العاش رەت قا­ۋىشىپ وتىر. ايتقانداي، «تو­ميريس» اكروباتتارى جاڭا جىل­دىڭ باسىندا ۆەنگريادا وتەتىن حالىقارالىق تسيرك ونەرى فەس­تيۆالىنە قاتىسۋعا دايىندالىپ جاتىر.

شەڭبەردەگى اۋە گيمناستيكاسى جانرىنا تيەسىلى تاعى ءبىر پرەمەرا – اننا دەميدوۆانىڭ ءونەرى دە باتىل تريۋكتەرگە تولى. اننا – ەكۆيليبر جانرىن­داعى ءارتىس. پاندەميا كەزىندەگى دا­­­يىندىقتار تسيرك ساڭ­لا­عىن جاڭا شەشىمدەر قا­بىل­داۋ­عا، تو­سىن ونەر كور­سەتۋگە يتەر­مەلە­گەن.

جاڭا باعدارلامانىڭ پرەم­ەراسى باستالعان كۇندەرى ايگىلى دەميدوۆتار تسيرك اۋ­لەتىنىڭ وكىلى – قازاق مەم­لە­كەتتىك تسيركىنىڭ اۋە گيمناستى اناس­تاسيا دە­ميدوۆا بۇ­­كىل­­رەسەيلىك «تسيرك حانشايىمى» فەستيۆالىنىڭ قولا ءتاجىن جە­ڭىپ الدى. اناستاسيا ارەناعا جاتتىقتىرۋشى-ۇس­تازى ولگا دەميدوۆانىڭ جەتەك­شىلىگىمەن بەلدىكتەگى اۋە گيم­ناس­تيكاسى جانرىن­داعى نو­مى­رىمەن شىققان بولاتىن. ال «تسيرك حانشايىمى» فەستيۆالى بيىلعى 18-24 قازان ارالىعىندا رەسەيدىڭ ساراتوۆ قالاسىندا وت­كەنىن، بە­­دەلى جو­عارى تسيرك ونەرى فەس­تي­ۆالىنە 13 ەلدەن 100-دەن اس­­تام قاتىسۋشى قاتىسقانىن اي­تا كەتۋ كەرەك.

تسيرك ونەرى تۋرالى ءسوز قوزعاپ وتىرىپ، وسى كۇندەرى قازاق مەملەكەتتىك گيمناستى ۆارۆارا كوشكينا World pole sport championship 2021 پيلونىندا سپورت بويىنشا الەم چەمپيوناتىندا ون ەكىنشى ورىننان تابىلسا، تاعى ءبىر ونەرپازىمىز سۇلتان سەنبەك گيمناستيكا فەدەراتسياسى پرەزيدەنتىنىڭ كۋبوگىندا ەكىنشى ورىنعا يە بولدى.

– كەز كەلگەن كورەرمەندى قۋان­­تا الاتىن Excentriko باع­دارلاماسى تسيركتى ساعىنعان با­لالار ءۇشىن عانا ەمەس، ەرەسەكتەرگە دە قىزىقتى بولىپ تۇر. قازىرگى تسيركتەر كەز كەلگەن جاستاعى كورەرمەنگە ارنالعان. ءبىز بۇل باعدارلامادا وتە كۇر­دەلى نومىرلەردى ۇسىندىق. ونەر­پازدارىمىز كوبىنەسە ساقتاندىرۋ بەلدىگىنسىز ورىندالاتىن تريۋكتەرمەن كورەرمەندى تاڭ-تاماشا ەتەدى. جاڭا نومىرلەرمەن بىرگە كو­ڭىلدى سايقىمازاقتار مەن با­لا­­لاردىڭ سۇيىكتى يتتەرى ۇي­رەتىلگەن ايۋلار مەن جىلقىلار بار، – دەيدى قازاق مەملەكەتتىك تسير­­كىنىڭ ديرەكتورى باقىت بوكە­باەۆ.

سوڭعى جاڭالىقتار

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار