ۇكىمەت • 28 قازان، 2021

مينيسترلىكتەر قۇزىرەتى قايتا بولىنەدى

1320 رەت كورسەتىلدى

سەنات سپيكەرى ماۋلەن اشىمباەۆتىڭ توراعالىعىمەن پالاتا وتىرىسى ءوتتى. وندا دەپۋتاتتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك باسقارۋ دەڭگەيلەرى اراسىندا وكىلەتتىكتەردى قايتا ءبولۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قارادى.

قۇجاتتى سەناتورلارعا ۇلتتىق ەكونوميكا ءمينيسترى اسەت ەرعاليەۆ تانىس­تىردى. زاڭ جوباسىن قابىلداۋداعى ماق­ساتى – مەملەكەتتىك باسقارۋ دەڭ­گەيلەرى اراسىندا قۇزىرەتتەردى ودان ءارى قايتا ءبولۋ. بۇل الدىڭعى اكىمشىلىك رەفورمالاردىڭ جالعاسى بولادى.

جوبا مەملەكەت باسشىسىنىڭ تاپسىرمالارىن، ستراتەگيالىق قۇجاتتاردا جانە ساراپشىلاردىڭ ۇسىنىمدارىندا ايقىندالعان باسىمدىقتاردى ەسكەرە وتىرىپ دايىندالدى.

«ونى ازىرلەۋ كەزىندە ورتالىق جانە جەرگىلىكتى دەڭگەيلەردەگى مەملەكەتتىك فۋنك­تسيالاردى تالداۋ بويىنشا اۋقىم­دى جۇمىس جۇرگىزىلدى. زاڭ جوباسىندا 46 زاڭنامالىق اكتىگە، ونىڭ ىشىندە 2 كودەكس پەن 44 زاڭعا تۇزەتۋلەر كوزدەلىپ وتىر. زاڭ جوباسى شەڭبەرىندە 68 فۋنكتسيا قايتا بولىنەدى، ونىڭ ىشىندە ۇكىمەتتەن مي­نيسترلىكتەرگە 63 فۋنكتسيا، جەرگىلىكتى ات­قارۋ­شى ورگاندارعا 5 فۋنكتسيا بەرى­لەدى. سونىمەن قاتار 4 مەملەكەتتىك ورگان­عا قوسىمشا وكىلەتتىكتەر بەرىلەدى»، دەدى ۇلت­تىق ەكونوميكا ءمينيسترى اسەت ەرعاليەۆ.

ونىڭ ايتۋىنشا، جالپى، زاڭ جوباسىن قابىلداۋ مەملەكەتتىك باسقارۋدىڭ ءتيىمدى جۇيەسىن قالىپتاستىرۋداعى كەزەكتى قادام بولادى جانە ونىڭ دەربەس­تىگىن ودان ءارى ارتتىرۋعا ىقپال ەتەدى.

قۇجاتقا ەنگىزىلەتىن جاڭا نورما­لارعا سايكەس، ۇكىمەتتىڭ بىرقاتار وكىلەت­تىك­تەرىن مينيسترلىكتەرگە بەرۋ كوزدەل­گەن. ال مينيسترلىكتەردىڭ كەيبىر وكىلەتتى­ك­تەرى جەرگىلىكتى اتقارۋشى ورگاندارعا بەرىلەدى.

ناقتى ايتقاندا، ءبىلىم جانە عىلىم مينيسترلىگىنە قارجى ۇيىمدارى بەرەتىن ءبىلىم بەرۋ كرەديتتەرىنە جانە ولاردىڭ مولشەرىنە كەپىلدىك بەرۋ قاعيدالارىن بەكىتۋ قىزمەتى جۇكتەلەدى. سىرتقى ىستەر مينيسترلىگى حالىقارالىق شارتتاردىڭ ورىندالۋىن قامتاماسىز ەتۋ ىسىنە مونيتورينگ جۇرگىزۋگە جاۋاپتى بولادى.

تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنە اەروتۇسىرىلىم جۇمىستارىن جۇرگىزۋگە رۇقساتتاردى تىركەۋ، ەسەپكە الۋ جانە بەرۋ جونىندەگى قاعيدالاردى ازىرلەۋ جانە بەكىتۋ ۇسىنىلىپ وتىر. سونداي-اق زاڭ جوباسىندا مينيسترلىكتەردىڭ موي­نىنداعى قىزمەتتەردىڭ ءبىر بولىگىن اكىمدىكتەرگە بەرۋگە قاتىستى جاڭاشىل­دىقتار جازىلعان.

«وسى زاڭ جوباسى ارقىلى قازاق­ستان رەسپۋبليكاسىنىڭ 46 زاڭناما­لىق اكتىسىنە، ونىڭ ىشىندە بيۋدجەتتىك جانە قىلمىستىق اتقارۋ كودەكستەرىنە وزگەرىس­تەر مەن تولىقتىرۋلار ەنگىزۋ كوزدەلگەن. ودان بولەك، ءبىلىم جانە عىلىم، يندۋستريا جانە ينفراقۇرىلىمدىق دامۋ، اۋىل شارۋاشىلىعى مينيستر­لىك­تەرىنىڭ كەيبىر فۋنكتسيالارىن جەرگى­لىكتى اتقارۋشى ورگاندارعا بەرۋ قاراس­تىرىلعان. كەيبىر ماسەلەلەردە ەكولو­گيا، گەولوگيا جانە تابيعي رەسۋرستار، قورعانىس، ىشكى ىستەر، تسيفرلىق دامۋ، ين­نوۆاتسيالار جانە اەروعارىش ونەر­كاسىبى مينيسترلىكتەرىنىڭ وكىلەتتىكتەرىن كۇشەيتۋ ءۇشىن ولارعا دا بىرقاتار قوسىمشا قىزمەتتەر بەرىلەدى»، دەدى سەناتور ءلاززات رىسبەكوۆا.

مەملەكەتتىك باسقارۋ دەڭگەيلەرى اراسىنداعى وكىلەتتىكتەردى ناقتى بولۋگە ارنالعان بۇل زاڭ جوباسى ءتيىمدى مەم­لەكەتتىك باسقارۋ جۇيەسىن قالىپتاستىرۋ جولىن­داعى ماڭىزدى قادام بولىپ سانا­لا­دى. سەناتورلار جان-جاقتى تالقى­لاعاننان كەيىن قۇجاتتى ءبىرىنشى وقىلىمدا ماقۇلداپ، پالاتانىڭ ءارى قاراي قاراۋىنا جىبەردى.

سونىمەن قاتار سەنات وتىرىسىندا بىرقاتار دەپۋتاتتىق ساۋال جولداندى. ناريمان تورەعاليەۆ ماڭعىستاۋ وبلى­سىنىڭ تۋريزم سالاسىنداعى الەۋە­تىن كۇشەيتۋ ءۇشىن كەشەندى جۇمىس جۇر­­گىزۋ­دىڭ، ءوڭىردى تازا اۋىزسۋمەن قامتا­ما­سىز ەتۋ ماسەلەسىن شەشۋدىڭ، اۋە رەيس­تەرىن ارتتىرۋدىڭ جانە اۆتوموبيل جولدارىن جوندەۋدىڭ ماڭىزدى ەكەنىن ايتتى.

دەپۋتات پرەمەر-مينيستر اسقار ءماميننىڭ اتىنا جولداعان ساۋالىندا ماڭعىستاۋ وبلىسىنىڭ تۋريستىك ايماقتارىندا 1100 شاقىرىمنان استام جولدى كۇردەلى جوندەۋ جانە قايتا جاڭارتۋ قاجەت ەكەنىن اتاپ ءوتتى. سونىمەن قاتار وڭىردە قۇرعاق جۇكتەر مەن مۇناي ونىمدەرىن تاسىمالداۋعا ارنالعان «اقتاۋ تەڭىز ساۋدا پورتى» جانە «قۇرىق» پورتتارى بار. ولاردىڭ ەكەۋى دە ەل ەكونوميكاسى ءۇشىن ماڭىزدى ءرول اتقارادى. الايدا ولار تەك جۇك تاسىمالداۋ باعىتىنا ارنالعان. ال جولاۋشى كەمەلەرىن قابىلداۋدىڭ مۇمكىندىكتەرى قاراستىرىلماعان.

«وڭىردە ءتۋريزمدى ودان ءارى دامىتۋعا سەرپىن بەرۋ ءۇشىن جولاۋشىلار تەڭىز ۆوك­زالىن سالۋ قاجەت. جالپى، تەڭىز ۆوكزا­لىنىڭ سالىنۋى تۋريزممەن بىرگە، ءوڭىردىڭ ەكونوميكاسىنا جاڭا سەرپىن بەرەتىنى ءسوزسىز»، دەدى سەناتور ناريمان تورەعاليەۆ.

سەناتور مۇرات باقتيار ۇلى ەلىمىزدىڭ پرەمەر-ءمينيسترىنىڭ اتىنا جولداعان دەپۋتاتتىق ساۋالىندا قىزىلوردا وبلىسىنداعى سۋ تاپشىلىعى ماسەلەسىن كوتەردى. ونىڭ ايتۋىنشا، قىزىلوردا وبلىسىنىڭ الەۋمەتتىك-ەكونوميكالىق جاعدايى سىرداريا وزەنى باسسەينىن سۋمەن قامتاماسىز ەتۋگە جانە سۋارما­لى جەرلەردىڭ مەليوراتسيالىق جاع­دايى­نا تىكەلەي بايلانىستى. وبلىس ترانس­شەكارالىق وزەننىڭ تومەنگى اعىسىندا ورنالاسقان، سوندىقتان ونىڭ جوعارعى اعىسىنان كەلەتىن سۋ كولەمىنە تاۋەلدى.

وسىعان بايلانىستى سىرداريا وزەنى­نىڭ جوعارعى اعىسىندا ورنالاسقان مەم­لەكەت­تەرگە سۋ تاۋەلدىلىگىنىڭ تومەن­دەۋى ءوڭىر ءۇشىن وتە ماڭىزدى. دەپۋتاتتىڭ پىكى­رىن­شە، قاراوزەك جانە كۇمىسكەتكەن سۋ قويما­لارىن سالۋ بۇل ماسەلەنى شەشۋگە كومەكتەسەدى.

«2022 جىلعا ارنالعان رەسپۋبلي­كالىق بيۋدجەتتىڭ پارامەترلەرىندە كۇمىس­كەتكەن سۋ قويماسىنا جانە قاراوزەك سۋ قويما­سىنىڭ قۇرىلىسىن باستاۋعا 500 ملن تەڭگە قارجى قاراستى­رىلۋىنا جانە سونىمەن قاتار 30 مىڭ گەكتار سۋارمالى ەگىستىك جەرلەرىن سۋمەن قامتاماسىز ەتۋ ماقساتىندا، ەكولوگيا، گەولوگيا جانە تابيعي رەسۋرستار مينيسترلىگىنىڭ «قازسۋشار» رمك سۋ جەتكىزىپ بەرۋ قىزمەتى ەسەبىنەن قىزىلوردا وبلىسى، جاڭاقورعان اۋدانىندا سۋ توسپاسىن قايتا سالۋعا ىقپال جاساۋىڭىزدى سۇرايمىن»، دەدى دەپۋتات.

باۋىرجان قانيەۆ ۇكىمەتتىڭ نەگىزگى ازىق-ت ۇلىك ونىمدەرىنىڭ باعاسىن ۇستاپ تۇرۋ بويىنشا قابىلداعان شارالارىن سىنعا الىپ، پرەمەر-ءمينيستردىڭ اتىنا جولداعان دەپۋتاتتىق ساۋالىندا جاعدايدى جاقسارتۋعا ىقپال ەتەتىن بىرقاتار قادامدار ۇسىندى.

سەناتوردىڭ ايتۋىنشا، ىشكى جالپى ءونىمنىڭ قۇرامىنداعى وتاندىق تاۋار وندىرۋشىلەردىڭ ۇلەسى شامامەن 30 پا­يىزدى قۇرايدى، ال ازىق-ت ۇلىكتىڭ 70%-ى ەلگە يمپورتتالادى، بۇل باعانىڭ وسۋىنە ىقپال ەتپەي قويمايدى.

دەپۋتات ۇلتتىق ستاتيستيكا بيۋرو­سىنىڭ 2021 جىلدىڭ باسىنان باستاپ ءسابىز 45 پايىزعا، كارتوپ 38،5 پايىزعا، كۇنباعىس مايى 16،7 پايىزعا، پياز 10،9 پايىزعا جانە قانت 9،2 پايىزعا قىمباتتاعانىن جەتكىزدى.

«ۇكىمەت باعانى ەكى تاسىلمەن تۇراق­تاندىرۋعا تىرىسىپ جاتىر، بىراق ايتار­لىقتاي ناتيجە جوق. ءبىرىنشىسى – 6 پايىزبەن  كاسىپكەرلەرگە نەسيە بەرۋ. وعان كوپ كاسىپكەرلەردىڭ جانە شارۋا قوجالىقتارىنىڭ قولى جەت­پەي وتىر. ەكىنشىسى – ازىق-ت ۇلىك­تى تومەن­دەتىل­گەن باعامەن ساتاتىن الەۋمەتتىك دۇ­كەن­­دەر. بۇل دۇكەندەردىڭ سانى از، ىشكى نارىقتى تولىعىمەن قامتا­­­ما­سىز ەتە المايدى. بۇل تاسىلدەر نارىقتاعى باعاعا كوپ اسەرىن تيگىزە الماي وتىر. سوندىقتان ۇكى­­­مەت، ەڭ ال­دىمەن، الەۋمەتتىك ماڭىزى بار تا­ۋار­­لارعا قاتىستى شەكتى باعانى بەكى­­تىپ، وكى­لەت­تى ورگان باعانىڭ وزگەرۋىن قاتاڭ تۇر­دە باقىلاۋى ءتيىس»، دەدى دەپۋتات.

باۋىرجان قانيەۆ، سونداي-اق سەنات­تىڭ ەكونوميكالىق ساياسات، يننو­ۆا­تسيا­لىق دامۋ جانە كاسىپكەرلىك كوميتەتى مەم­لەكەت باسشىسىنىڭ جولداۋىن ىسكە اسىرۋ اياسىندا كوتەرمە ساۋدا ورتا­لىق­تارى جەلىسىن دامىتۋ جانە باعا بەل­گىلەۋدى جەتىلدىرۋ ماسەلەلەرى بويىنشا ۋاكىلەتتى مەملەكەتتىك ورگاندارمەن جانە مۇددەلى ۇيىمدارمەن كەزدەسۋ وتكىزگەنىن اتاپ ءوتتى. كەزدەسۋ قورىتىندىسى بو­يىنشا ارنايى ازىرلەنگەن ۇسىنىستار ۇكىمەتتىڭ اتىنا جولداندى.

سوڭعى جاڭالىقتار

حاتتوننىڭ ۇلى اتتيلانى اتىنان ءتۇسىردى

كاسىپقوي بوكس • بۇگىن، 10:35

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار