حالىقتىڭ الەۋمەتتىك جاعدايىن جاقسارتۋ, جۇمىسپەن قامتۋ باعىتىمەن وڭىردە وتكەن جىلى ناتيجەلى جۇمىستار اتقارىلعانىن ايتۋعا بولادى. بۇل جۇمىس اعىمداعى جىلى دا جالعاسىن تاۋىپ, “جول كارتاسىنا” 13,6 ملرد. تەڭگە قارالىپ وتىر.
بيىل ينۆەستيتسيالىق باعىت بويىنشا 12,7 ملرد. تەڭگەنىڭ جۇمىسى اتقارىلىپ, 220 جوبانىڭ تياناعى كەلتىرىلمەكشى. ناتيجەسىندە, الەۋمەتتىك جۇمىس ورنىن اشۋعا 384 ملن., مامانداردى قايتا وقىتۋعا 562 ملن. تەڭگە قارجى قاراستىرىلعان. “دايىنداۋ جانە قايتا وقىتۋ” باعدارلاماسىمەن 4500 ادام جاڭا كاسىپتى يگەرىپ, ەكى قولعا ءبىر جۇمىس تاباتىن بولادى. حالىقتى الەۋمەتتىك جۇمىس ورنىمەن قامتاماسىز ەتۋ ماقساتىندا 243 مەكەمەمەن كەلىسىم-شارت جاسالسا, قازىردىڭ وزىندە 1044 ادام ەڭبەكپەن قامتىلعان. بۇلاردىڭ قاتارى ەندى 3300-گە كوبەيىپ, مىڭداعان ادامنىڭ الەۋمەتتىك ماسەلەسى وڭ شەشىلمەكشى.
كۇمىسجان بايجان. الماتى وبلىسى.
722 000 000 وسىنشاما تەڭگەگە سپورت نىساندارىن جوندەۋ باستالىپ كەتتى. قاراعاندى ايماعى بۇقارالىق سپورتتىڭ جاقسى دامۋىمەن تانىمال. ەلباسى جولداۋىندا العا قويىلعانداي, وعان تۇرعىنداردى كەڭىنەن قامتۋعا مۇمكىندىكتەر جاسالا تۇسۋدە. بۇل باعىتتا اعىمداعى جىلى اتقارىلار جۇمىستار اۋقىمدى بولعالى وتىر. سونىڭ نەگىزگىسى, ءتيىستى نىسانداردى جوندەۋ-جاڭارتۋ بولىپ تابىلادى. بىلتىر “جول كارتاسى” شەڭبەرىندە وسى ماقساتتا 441 ميلليون تەڭگە يگەرىلسە, بيىل سول ءۇشىن بولىنگەن قاراجات ەكى ەسەگە جۋىق ارتىق, ياعني 722 ميلليون تەڭگەنى قۇرايدى. تەمىرتاۋداعى “جاستار” ءجۇزۋ باسسەينى, جەزقازعانداعى ەسكەك ەسۋ بازاسى, اقتوعاي, قارقارالى, وساكاروۆ, شەت اۋداندارىنداعى ستاديوندار قايتادان تۇرلەنەتىن 9 سپورتتىق نىساننىڭ قاتارىنا جاتادى.
ايقىن نەسىپباي. قاراعاندى وبلىسى.
250 800 000 باتىس قازاقستان وبلىسىندا بيىلعى ءبىرىنشى توقساندا وسىنشاما تەڭگەنىڭ ونەركاسىپ ءونىمى ءوندىرىلدى, بۇل وتكەن جىلعىدان 4,9 پايىزعا ارتىق. ستاتيستيكالىق دەرەكتەرگە سايكەس سونىڭ ىشىندە كەن ءوندىرۋ ونەركاسىبىندە 229,5 ملرد. تەڭگەنىڭ ءونىمى شىعارىلىپ, بۇل وتكەن جىلعى ءبىرىنشى توقسانداعىدان 6,2 پايىزعا اسىپ ءتۇستى. بۇل تابيعي گازدىڭ 9,6, گاز كوندەنساتى ءوندىرىسىنىڭ 5,7 پايىزعا كوبەيۋىنەن بولىپ وتىر. وڭدەۋ ونەركاسىبىندە 13,6 ملرد. تەڭگەنىڭ ءونىمى ءوندىرىلدى, بۇل وتكەن جىلعى دەڭگەيمەن سالىستىرعاندا 91,1 پايىز. مۇنىڭ ۇشتەن بىرىنەن استامىن نەمەسە 34,1 پايىزىن ازىق-ت ۇلىك ونىمدەرى قۇرايدى, بۇل سالادا 4,6 ملرد. تەڭگەنىڭ ءونىمى شىعارىلدى. سونىڭ ىشىندە كۇنباعىس مايى – 5,8, بالىق 2 ەسەگە, ىرىمشىك پەن سۇزبە – 27,1, ماكارون ونىمدەرى 16,0 پايىزعا ارتتى. ءبىرىنشى توقساندا مەتالل وڭدەۋ – 7,9, ماشينە جاساۋ 3,4 ەسەگە, توقىما ونىمدەرى 23,2 پايىزعا ءوستى.
تەمىر قۇسايىن. ورال.
