وقيعا • 28 قازان، 2021

الماتىدا تۇرعىن ءۇي ورتەنىپ، 2 ادام قازا تاپتى

921 رەت كورسەتىلدى

الماتى قالالىق توتەنشە جاعدايلار دەپارتامەنتىنىڭ مالىمەتىنشە، 28 قازان كۇنى ساعات 10:48-تا مەدەۋ اۋدانى كەڭساي-2 شاعىن اۋدانىندا ورنالاسقان «مولودوي سادوۆود» مەكەنجايىندا ءورت شىققانى تۋرالى حابارلاما تۇسكەن، دەپ حابارلايدى Egemen.kz.

«بيىك تاۋلى جەرگە قاراماستان، وقيعا ورنىنا ءورت سوندىرۋشىلەر جەدەل كوتەرىلدى، كەلگەن ساتتە 40 شارشى مەتر اۋماعىندا اشىق جالىنمەن 2 قاباتتى ساياجاي ءۇيى مەن اۋلاداعى قۇرىلىستاردىڭ ورتەنىپ جاتقانىن انىقتادى. دەرەۋ ورتوقپاندارى ەنگىزىلىپ، ءورت ءسوندىرۋ اۆتوتسيستەرنالاردان سۋ ۇزدىكسىز قامتاماسىز ەتىلدى. قىسقا مەرزىمدە ءورتتىڭ كورشى عيماراتتارعا تارالۋ قاۋپى جويىلدى. ءورت 12 مينۋتتا اۋىزدىقتالىپ، 11:40-تا ءسوندىرىلدى. ءورتتى سوندىرۋگە جەكە قۇرامنان 20-دان استام ادام، 5 بىرلىك تەحنيكا جۇمىلدىرىلدى»، دەپ حابارلادى دەپارتامەنتتەن.

ۆەدومستۆا مالىمەتىنشە، 1971 جىلى تۋعان وقيعا كۇاگەرى، كورشى باقىتجان قاعازبەكوۆ جانىپ جاتقان ۇيگە كىرىپ 62 جاستاعى ايەلدى قۇتقارىپ قالعان. ول №4 قالالىق اۋرۋحاناعا جەتكىزىلدى. باقىتجان ءوزى اۋرۋحاناعا جاتۋدان باس تارتقان. ءورتتى ءسوندىرۋ بارىسىندا 47 جاستاعى ەر ادام مەن 51 جاستاعى ايەلدىڭ دەنەسى تابىلدى. 

قىركۇيەك ايىندا مەدەۋ اۋداندىق توتەنشە جاعدايلار باسقارماسىنىڭ قىزمەتكەرلەرى وسى ءۇيدىڭ تۇرعىندارىمەن قاۋىپسىزدىك ەرەجەلەرىن ساقتاۋ تۋرالى تۇسىندىرمە اڭگىمە جۇرگىزگەن.

 

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار