كوروناۆيرۋس • 28 قازان، 2021

ەلوردادا كوروناۆيرۋسپەن كۇرەسكە قانشا قاراجات جۇمسالدى

47 رەت كورسەتىلدى

ەلوردادا كوروناۆيرۋستىق ينفەكتسيامەن كۇرەس اياسىنداعى ءىس-شارالاردى قارجىلاندىرۋعا 35،38 ملرد تەڭگە جۇمسالدى. بۇل تۋرالى «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالالىق فيليالىنىڭ ديرەكتورى نۇرلىبەك قابدىقاپاروۆ ايتتى، دەپ حابارلايدى Egemen.kz.

«وسى جىلى قور امبۋلاتوريالىق-ەمحانالىق دەڭگەيدەگى مەديتسينالىق قىزمەتتەردىڭ قولجەتىمدىلىگىن كەڭەيتىپ، كۇندىزگى ستاتسيونار قىزمەتىن قارجىلاندىرۋ كولەمىن كوبەيتتى. ءبىرشاما قارجى پاندەميا جاعدايىن جانە تسيفرلاندىرۋ مۇمكىندىكتەرىن ەسكەرە وتىرىپ، قاشىقتىقتان كورسەتىلەتىن مەديتسينالىق قىزمەتتەردى ودان ءارى ەنگىزۋگە جۇمسالۋدا»، دەدى ول ونلاين بريفينگ بارىسىندا.

نۇرلىبەك قابدىقاپاروۆتىڭ ايتۋىنشا، نۇر-سۇلتان قالاسى بويىنشا 2021 جىلدىڭ 9 ايىندا كوروناۆيرۋستىق ينفەكتسيامەن كۇرەس اياسىنداعى ءىس-شارالاردى قارجىلاندىرۋ 35،38 ملرد تەڭگەنى قۇرادى. ونىڭ ىشىندە: مەديتسينا قىزمەتكەرلەرىنە ۇستەمەاقىلار – 17،38 ملرد تەڭگە; مەديتسينالىق كومەككە جانە كۆي تارالۋىن بولدىرماۋ جونىندەگى قىزمەتتەرگە – 13،75 ملرد تەڭگە جۇمسالدى.

كارانتيندىك جانە ينفەكتسيالىق ستاتسيونارلارعا 42،7 مىڭنان استام ادام ەمدەۋگە جاتقىزىلدى جانە ەمدەلدى. كۆي تارالۋىن بولدىرماۋ ءۇشىن ستاتسيونار اياسىندا ۇيگە كەپ كورسەتىلەتىن مەديتسينالىق كومەككە 1،88 ملن تەڭگە جۇمسالىپ، 60 ادام ەمدەلدى. پتر دياگنوستيكا قىزمەتىنە 3،41 ملرد تەڭگە ءبولىنىپ، 482،1 مىڭ پتر-تەست جاسالدى. ءموبيلدى بريگادالاردىڭ شىعۋىنا 838،73 ملن تەڭگە كەتتى. ولار 145،5 مىڭ شاقىرتۋعا شىقتى.

«ەلوردا تۇرعىندارى كوروناۆيرۋستىق ينفەكتسيا جانە پنەۆمونيا كەزىندە مەديتسينالىق كومەكتى مەديتسينالىق ساقتاندىرۋ جۇيەسىندەگى مارتەبەسىنە قاراماستان تەگىن الادى. كوروناۆيرۋستىق ينفەكتسيامەن نەمەسە ورتاشا، اۋىر جانە اسا اۋىر دەڭگەيدەگى پنەۆمونيامەن اۋىرعان پاتسيەنتتەر مەديتسينالىق ساقتاندىرۋ قورىنىڭ قاراجاتى ەسەبىنەن وڭالتۋدان وتە الادى. ازاماتتار ۇيىندە ەمدەلدى مە، الدە اۋرۋحانادا ەمدەلدى مە، وعان قارامايدى. مەديتسينالىق وڭالتۋعا جولداما رەابيليتولوگ ماماننىڭ قاتىسۋىمەن اۋرۋحانانىڭ نەمەسە ەمحانانىڭ مۋلتيديستسيپلينارلىق كومانداسىنىڭ قورىتىندىسى بويىنشا بەرىلەدى»، دەدى فيليال ديرەكتورى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار