ەلوردا • 28 قازان، 2021

ەلوردا اۋەجايىندا جانارماي ماسەلەسى شەشىلدى

46 رەت كورسەتىلدى

نۇر-سۇلتان حالىقارالىق اۋەجايى جانارماي تاپشىلىعى ماسەلەسى شەشىلگەنىن ايتتى، دەپ حابارلايدى Egemen.kz.

«اۆياتسيالىق جانار-جاعارماي تاپشىلىعىنا قاتىستى ەلوردا اۋەجايى يندۋستريا جانە ينفراقۇرىلىمدىق دامۋ مينيسترلىگىمەن جانە ەنەرگەتيكا مينيسترلىگىمەن بىرلەسە وتىرىپ، اۆياتسيالىق وتىنمەن قامتاماسىز ەتۋ بويىنشا جۇمىس جۇرگىزىپ جاتقانىن مالىمدەيمىز. قازىرگى ۋاقىتتا سيپاتتالعان سىني جاعدايدىڭ الدىن العان»، دەدى نۇرسۇلتان نازارباەۆ حالىقارالىق اۋەجايىنىڭ ءباسپاسوز حاتشىسى ءانۋار شالەكەنوۆ.

ونىڭ ايتۋىنشا، اۋەجايدا تۇراقتى جولاۋشىلار جانە جۇك رەيستەرىن ۇزدىكسىز جانارمايمەن قامتاماسىز ەتۋ جۇمىستارى جۇرگىزىلىپ جاتىر، پاۆلودار مۇناي-حيميا زاۋىتى جۇمىسىن قالپىنا كەلتىرگەنگە دەيىن زاۋىتتاردان اۆياتسيالىق وتىندى جەتكىزۋ كەستەسى ازىرلەندى.

«قازىرگى تاڭدا ەلوردا اۋەجايىندا قالعان اۆياتسيالىق كەروسين نارىقتىڭ باسقا قاتىسۋشىلارى، Air Astana اۋە كومپانياسىنىڭ، اسكەريلەردىڭ، مەملەكەتتىك رەزەرۆتىڭ ساقتاۋىن ەسەپكە العاندا 3100 توننانى قۇرايدى. جاقىن كۇندەرى 3900 توننا جەتكىزىلەدى دەپ كۇتىلىپ وتىر. بۇگىندە 3800 توننا اۆياكەروسين جەتكىزۋگە كەلىسىم-شارت جاسالىپ، تولەندى»، دەپ تولىقتىردى ءباسپاسوز حاتشىسى.

ماسكەۋ ۋاقىتى بويىنشا ساعات 16.00-دە نۇرسۇلتان نازارباەۆ اۋەجايىنىڭ قويما بازاسىندا 921 توننا جانارماي بولسا، بۇگىندە 200 توننادان استامى اكەلىنگەنى ايتىلدى.

ەسكە سالايىق، 27 قازاندا نۇر-سۇلتان اۋەجايىندا جانارماي تاپشىلىعىنا بايلانىستى اۋە قاتىناسى توقتاۋ الدىندا تۇرعانىن ايتقان.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار