«الماتى حالىقارالىق اۋەجايىندا ۇزدىكسىز جۇمىستى قامتاماسىز ەتۋ ماقساتىندا تۇراقتى جولاۋشىلار رەيستەرىنىڭ جانارماي قۇيۋ كولەمىن شەكتەۋ جانە ءبىر رەتتىك چارتەرلىك رەيستەردىڭ جانارماي قۇيۋىن توقتاتا تۇرۋ تۋرالى شەشىم قابىلداندى. بۇل شارالار قازاقستاندا اۆياتسيالىق وتىننىڭ تاپشىلىعىنا بايلانىستى قابىلداندى», دەپ حابارلادى الماتى حالىقارالىق اۋەجايىنىڭ ءباسپاسوز قىزمەتىنىڭ باسشىسى نايليا جاباعينا.
بۇعان دەيىن قر يندۋستريا جانە ينفراقۇرىلىمدىق دامۋ مينيسترلىگى ەلوردالىق اۋەجاي مەن «SCAT» اۆياكومپانياسىنىڭ اۆياوتىنداردىڭ جەتىسپەۋىنە قاتىستى مالىمدەمەسىنە تۇسىنىكتەمە بەرگەن بولاتىن.
