قوعام • 28 قازان، 2021

پەنجىمدەگى توبەلەس: قحا وكىلى پىكىر ءبىلدىردى

456 رەت كورسەتىلدى

قازاقستان حالقى اسسامبلەياسى الماتى وبلىسىنداعى جاپپاي توبەلەسكە بايلانىستى پىكىر ءبىلدىردى، دەپ حابارلايدى Egemen.kz.

بۇگىن قازاقستان حالقى اسسامبلەياسىنىڭ رەسمي وكىلى مايا بەكباەۆا ارنايى مالىمدەمە تاراتتى.

«قۇرمەتتى قازاقستاندىقتار! كەشە كۇندىزگى ۋاقىتتا الماتى وبلىسى پانفيلوۆ اۋدانى پەنجىم اۋىلىنىڭ جەرگىلىكتى مەكتەبىندە ەكى جوعارى سىنىپ تۇلەكتەرىنىڭ اراسىندا كەلىسپەۋشىلىك تۋىنداپ، وقۋشىلار اراسىندا توبەلەسكە ۇلاستى. وكىنىشكە قاراي، توبەلەس بارىسىندا وقۋشىلاردىڭ ءبىرى زارداپ شەكتى، وعان قاجەتتى كومەك كورسەتىلدى. ول قازىر اۋرۋحانادا دارىگەرلەردىڭ باقىلاۋىندا»، دەدى اسسامبلەيانىڭ رەسمي وكىلى.

ونىڭ ايتۋىنشا، كەشكە اۋىلدا جەرگىلىكتى تۇرعىندار جينالىپ، مەكتەپ اۋماعىندا بولعان جاپپاي توبەلەس سالدارىنان اتالمىش جاعدايدىڭ ورىن الۋىنا بايلانىستى نارازىلىق بىلدىرگەن. سونىمەن قاتار كەيبىر جاسوسپىرىمدەر مەن جاستار ەموتسيانىڭ جانە ارانداتۋشىلاردىڭ اسەرىنەن بىرنەشە جەكە ءۇي مەن كولىكتەردىڭ اينەگىن سىندىرعان.

«اۋىل تۇرعىندارى اراسىندا، ەتنوسارالىق نەگىزدە قانداي دا ءبىر جانجالدىڭ، اسىرەسە قاقتىعىستاردىڭ جوق ەكەندىگىن جانە وعان جول بەرىلمەيتىندىگىن ەرەكشە اتاپ وتكىم كەلەدى.

جەرگىلىكتى تۇرعىندار - قازاقتار دا، ۇيعىرلار دا كوپ جىلدار بويى بىرگە تۇرىپ كەلەدى، ءبىر ءبىرىنىڭ دوستارى مەن كورشىلەرى. ونىڭ بارلىعى شىن جۇرەكتەن بەيبىتشىلىك پەن تىنىشتىقتى قالايدى. جەرگىلىكتى اتقارۋشى جانە قۇقىق قورعاۋ ورگاندارىنىڭ وكىلدەرى، قازاقستان حالقى اسسامبلەياسى توراعاسىنىڭ قوعامدىق ورىنباسارى زاكىرجان كۇزيەۆ، قحا حاتشىلىعى جانە وبلىستىق ىشكى ساياسات باسقارماسىنىڭ ەتنوسارالىق قاتىناستار ماسەلەلەرى جونىندەگى ءبولىمىنىڭ باسشىسى م.باتىربەكوۆ جانە «قوعامدىق كەلىسىم» كمم ديرەكتورى قوعامدىق ءتارتىپتى قامتاماسىز ەتۋدە. ولارمەن بىرگە اقساقالدار، جيگيت-بەشي، ازاماتتىق قوعام وكىلدەرى جۇمىس ىستەيدى.

قازىرگى ۋاقىتتا پەنجىم اۋىلىنداعى جاعداي تۇراقتى»، دەدى قازاقستان حالقى اسسامبلەياسىنىڭ رەسمي وكىلى مايا بەكباەۆا.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار