ۇرپاقتار ساباقتاستىعىن جاڭعىرتۋ, ەگەمەندى ەلىمىزدىڭ بولاشاعى – جاس ۇرپاقتى ۇلتتىق دۇنيەتانىم نەگىزىندە تاربيەلەۋ, جاس سۋرەتشىلەرگە قولداۋ كورسەتۋ, ولاردىڭ شىعارماشىلىعىن شىڭداۋ ماقساتىنداعى ءىس-شارا جاستارعا ەرەكشە شابىت سىيلادى.
سيمپوزيۋمنىڭ قورىتىندىسى رەتىندە تولەبي اۋداندىق مادەنيەت ءۇيى الدىندا جاس سۋرەتشىلەردىڭ تۋىندىلارى مەن قىلقالام شەبەرلەرىنىڭ جاڭا شىعارمالارى قويىلعان كورمە ۇيىمداستىرىلدى. وبلىستىق مادەنيەت باسقارماسى باسشىسىنىڭ ورىنباسارى اسىلحان تەمىرحان ۇلى بۇل ءىس-شارانىڭ سۋرەتشىلەر قاۋىمىنا سەرپىن بەرگەنىن ايتادى.
ال تولەبي اۋدانىنىڭ اكىمى تولەگەن تەلعاراەۆ پلە-نەردىڭ سۋرەتشىلەر ءۇشىن عانا ەمەس, جالپى تۇرعىندار ءۇشىن ماڭىزدى ەكەنىن جەتكىزدى. «سۋرەت ونەرىنىڭ قىر-سىرىن مەڭگەرگەن ماماندار تولەبي جەرىندە باس قوسىپ, ءوزارا پىكىر الماسىپ, شابىتىنا شابىت قوستى. جانرى جانە ءستيلى ارقيلى سۋرەتشىلەر باسقوسۋىنىڭ تولەبي تورىندە ءوتىپ جاتقانى ءبىز ءۇشىن ەرەكشە قۋانىش ءارى ماقتانىش. التى كۇنگە سوزىلعان ء«بىر ولكە – ءبىر سۋرەت!» اتتى وبلىستىق جاس سۋرەتشىلەر سيمپوزيۋمى جاس تالانتتار ءۇشىن پىكىر الماسۋ الاڭى عانا ەمەس, تاجىريبەلى مامانداردان ۇيرەنۋ, ولاردىڭ اعالىق اقىل كەڭەستەرىنە كوڭىل ءبولۋ كەزەڭى بولدى», دەيدى اۋدان اكىمى.
پلەنەرگە قاتىسقاندارعا اۋدان اكىمى مەن اۋداندىق ءماسليحاتتىڭ العىس حاتى مەن قۇرمەت گراموتالارى, باعالى سىيلىقتار, سونداي-اق سيمپوزيۋمعا قاتىسقان 16 جاس سۋرەتشىگە 50 مىڭ تەڭگە كولەمىندە قارجىلاي قولداۋ كورسەتىلىپ, سەرتيفيكاتتار تابىس ەتىلدى.
تۇركىستان وبلىسى
