تەننيس • 28 قازان، 2021

تەننيس: الەكساندر بۋبليك جەڭىلىپ قالدى

40 رەت كورسەتىلدى

قازاقستاننىڭ ءبىرىنشى، الەمنىڭ 34-راكەتكاسى الەكساندر بۋبليك سانكت-پەتەربۋرگ ATP 250 ءتۋرنيرىنىڭ شيرەك فينالىنا شىعا المادى، دەپ حابارلايدى Egemen.kz.

جارىستىڭ 7-راكەتكاسى بولىپ تىركەلگەن قازاقستاندىق تەننيسشى ەكىنشى اينالىمدا دۇنيەجۇزىلىك رەيتينگتە 53-ورىندا تۇرعان گەرمانيالىق يان-لەننارد شترۋفپەن شەبەرلىك بايقاستى.

ءبىرىنشى پارتيادا ەسەپ 4:4 بولعان مەزەتتە گەرمانيالىق سپورتشى برەيك جاساپ، ءوز گەيمىن دە الدى – 6:4. ەكىنشى سەتتە دە 4:2 ەسەبىمەن العا كەتتى. اقىرى تاعى ءبىر برەيكپەن ماتچتى تۇيىندەدى – 6:3.

نەبارى 1 ساعات 14 مينۋتقا سوزىلعان ماتچتا ا.بۋبليككە جيناقىلىق جەتىسپەدى. ول 15 ەيس جاساعانىمەن، قاتەلىككە دە ءجيى جول بەردى.

قارسىلاسى 7 ەيسپەن بىرگە 9 برەيك-پوينتتىڭ ۇشەۋىن پايدالانا ءبىلدى.

گەرمانيالىق تەننيسشى جارتىلاي فينالعا شىعۋ ءۇشىن الەمنىڭ 13-راكەتكاسى، كانادالىق دەنيس شاپوۆالوۆپەن تالاسادى.

سوڭعى جاڭالىقتار

ۇقساس جاڭالىقتار