دۋالدى وقۋ – ۋاقىت تالابى

بۇل كۇندە بارشا قازاق­ستان­دىقتارداي ءبىزدىڭ وقىتۋ­شى­لارىمىز بەن شاكىرتتەرىمىز دە ەلباسىنىڭ جولداۋىن قىزۋ تالقىلاۋ ۇستىندە. بۇل جولى دا جاڭالىقتى ويلارعا, قۇندى ۇسىنىستارعا تولى وندا قويىلعان ماسەلەلەردىڭ ءبارى وتە ماڭىزدى.سونىڭ ىشىندە, ۇلتتىق ءبىلىم بەرۋدىڭ بارلىق بۋىنىنىڭ ساپاسىن جاقسارتۋدا اۋقىمدى جۇمىستار كۇتىپ تۇرعاندىعىنا سايكەس ناقتى مىندەتتەردىڭ اتاپ كورسەتىلۋى ۇستازدار قاۋىمى كوڭى­لىنەن شىقتى. اتاپ ايتقاندا «تاياۋداعى 2-3 جىلدا دۋالدى, تەحنيكالىق جانە كاسىپتىك ءبىلىم بەرۋدىڭ ۇلتتىق جۇيەسىنىڭ نەگىزىن قالىپتاستىرۋ كەرەك. كەلەشەكتە جاستاردىڭ تەحنيكالىق ءبىلىم الۋىن مەملەكەتتىك كەپىلدەندىرۋگە كوشىرۋدى قاراستىرۋ قاجەت» دەپ ۇكىمەتكە 2014 جىلعى 1 ماۋسىمعا دەيىن وسى ماسەلە بويىنشا ناقتى ۇسىنىستار ەنگىزۋ تاپسىرىلۋى كوپتەن بەرگى ماقساتىمىزعا جەتۋى­مىزدى جەڭىلدەتەتىندىگىنە قۋانتتى. ويىمىزدان ءدوپ شىققانداي, بۇل ءبىزدىڭ سالا قىزمەتكەرلەرىن تولعانتىپ جۇرگەن ماسەلە بولاتىن. قاراعاندى كومىرى قازىناسىن يگەرۋ قولعا الىنعان ۋاقىتتان بەرى وعان ۇلەس قوسۋ ءۇشىن ورتا بۋىن ماماندار دايارلاۋعا ارنالىپ قۇرىلعان, 80 جىلدان استام تاريحى بار, ايماعىمىزداعى العاشقى تەحنيكالىق ءبىلىم وشا­عى ەلىمىز ءوندىرىسىن كوتەرگەن كوش­باسشىلارىمەن تانىمال بولسا, سوندايلىق تۇرپاتتاعى كادر­لاردى قالىپتاستىرۋ جولىن­داعى ءۇردىستى ساقتاپ, جاڭعىرتۋ جالعاستىرىلىپ كەلەدى. جىلدان-جىلعا ءوسىپ, تالاپ بيىگىنەن كورىنۋگە ۇمتىلىس ۇدايى نازاردا.كوللەدجىمىزدە بۇگىندە 15 ماماندىق يەلەرى دايارلانادى. بۇلار وبلىس ەكونوميكاسىنىڭ بارلىق سالاسىندا ەڭبەك ەتە الاتىن, ەلىمىزدىڭ يندۋستريالىق-يننوۆاتسيالىق دامۋىنا قاتىسۋ يكەمى ۇشتاتىلعان جاستار رەتىندە وقۋ ورنىمىز بەدەلىن كوتەرىپ ءجۇر. بۇل رەتتە جەتىستىككە قاناعات­تانىپ قالىپ وتىرعا­نىمىز جوق. ءبىلىم بەرۋدىڭ ءتيىمدى جۇيەسىن جەتىلدىرۋ جانە ساپاعا كوشۋگە دايىندىقتاعى ءىس-ىزدەنىستەر تولاسسىز. سولاردىڭ بىرىنە توقتال­عاندا, وقىتۋ مەن ماماندىق مەڭگەرتۋدىڭ دۋالدى ءتاسىلىن ءبىرىنشى بولىپ قولدانۋىمىزدى اتار ەدىم. «كول­لەدج – ستۋدەنت – كاسىپورىن» ارا­سىنداعى ۇشجاقتى كەلىسىمشارت اياسىندا ەۋروپا ەلدەرىندە بۇ­رىن­نان قالىپتاسقانداي اتال­عان جۇيە بويىنشا كاسىپتىك وقى­تۋ ۇدەرىسىنىڭ باسىم بولىگى كۇنى ۇزاققا وقۋ ورنىندا ەمەس, كاسىپ­ورىنداردا نەمەسە ارنايى جابدىقتالعان تاجىريبەلىك نىسانداردا وتەدى. ستۋدەنتتەر وقۋ ۋاقىتىنىڭ 70-80 پايىزىن تىكەلەي وندىرىستەردە وتكىزەدى. وڭىردەگى «ارسەلور ميتتال تەمىرتاۋ» كومپانياسى, «قازاقمىس» كورپورا­تسياسى, «قاراعاندىجىلۋ», «قا­راعاندىسۋ» جشس سياقتى ىرگەلى قۇرىلىمدارمەن جاسالعان شارتقا سايكەس بىلىمدەرى مەن كاسىبي بىلىگىن ءوندىرىس ۇستىندە شىڭدايدى. وزدەرىنە قانشا مامان كەرەك ەكەنىن انىقتاپ, وقۋ ورنىنا سۇرانىس جىبەرەدى. وقۋلارىن اياقتاعان سوڭ جۇمىسپەن قامتىلادى. وسىلايشا, وقىتۋدىڭ ءوندىرىستىڭ ناقتى تالابىنا, سۇرانىسىنا ساي جۇرگىزىلۋى جۇمىس بەرۋشىلەردى قاجەتتى ماماندىقتاردى ىرىكتەپ الۋلارىنا تارتۋدا. سونىڭ ارقا­سىندا جىل سايىن بىتىرەتىن 800-گە جۋىق تۇلەكتەرىمىزدىڭ دەنى بىردەن ەڭبەككە ارالاسا الىپ وتىر. ءوڭىر­دە ونەركاسىپ سالاسىنىڭ قايتا جان­دانۋى كاسىپتىك-تەحنيكالىق ماماندىقتاردى اسا قاجەت ەتە ءتۇ­سۋدە. وسىعان وراي, قالاعان ءتۇ­­­رىن مەڭگەرتۋگە مۇمكىندىكتى كە­ڭەيتۋگە جانە سوعان تالپىنۋشى­لار سانىن ۇلعايتۋ ويلاستىرىلۋدا. ءسوز ورايىندا ايتا كەتۋ كەرەك, ءدۋالدى جۇيە بويىنشا وقۋ ستاندارتتارىمەن بىرگە, كاسىپتىك ستاندارت جاسالۋى قاجەت. بۇل نە دەسەك, جۇمىس بەرۋشىلەر تاراپىنان قويىلاتىن تالاپتارعا ساي جەتكىنشەكتەر بولاشاق ما­ماندىقتارىنا ەرتە باستان بەيىمدەلۋ كەرەك. بىزدە ازىرگە وسى جاعىنا كوڭىل بولىنبەي وتىر. ماسەلەن, گەرمانيادا كاسىپتىك باعدار بەرۋ بالاباقشادان, باس­تاۋىش سىنىپتاردان باستالادى. وقۋشىلاردىڭ ءوزىنىڭ بەيىمى بار كاسىپكە بەت بۇرۋىنا قولداۋ جاسالادى. ءوندىرىس ورىندارى وقۋ ۇلگەرىمىنە, ەڭبەككە باۋلىنۋىنا, شەبەرلىگى جەتىلدىرىلۋىنە تىكەلەي ارالاسىپ, باسەكەگە قابىلەتتى كادر­دى قاناتتاندىرۋعا كومەك كورسەتەدى. جالپى العاندا, بۇل باعىتتا اتقارىلىپ جاتقان ءىس-شارالار از ەمەس, سىرت جەرلەرگە دە تا­نى­لۋدا. بىلتىرعى كۇزدە ەكاتە­رينبۋرگتە وتكەن قازاقستان-رە­سەي 10-ايماقارالىق فورۋمدا پرە­زيدەنتتەر ن.ءا.نازارباەۆ پەن ۆ.ۆ.ءپۋتيننىڭ قاتىسۋىمەن قول قويىلعان كەلىسىمدەردە قارا­عان­دى پوليتەحنيكالىق جانە پەر­ۆوۋرالسك مەتاللۋرگيالىق كوللەدجى اراسىندا دا ءوزارا ىنتىماقتاستىق تۋرالى شارت بە­كىتىلدى. ورتا بۋىن تەحنيكالىق ماماندار دايارلاۋدا جيناق­تالۋداعى تاجىريبەنى ءبولىسۋ, ستۋ­دەنتتەر الماسۋ, تەمىرتاۋ مەتال­لۋرگيالىق كومبيناتى مەن چەليابى مەتاللۋرگيالىق زاۋىتىندا, مۇناي-گاز جانە ەنەرگەتيكا, كولىك كەشەنىندە وندىرىستىك تاعىلىمنان ءوتۋ ءتارىزدى شارالار بەلگىلەندى. قازىر ورتاق ماقسات ويداعىداي ىسكە اسىرىلۋدا. زەكەن راحيموۆ, قاراعاندى پوليتەحنيكالىق كوللەدجىنىڭ ديرەكتورى, تەحنيكا عىلىمدارىنىڭ كانديداتى, پروفەسسور. قاراعاندى.