الاش قوزعالىسىنىڭ جەتەكشىسى, كورنەكتى مەملەكەت جانە قوعام قايراتكەرى ءاليحان نۇرمۇحامەد ۇلى بوكەيحاننىڭ عۇمىرناماسى مەن تاريحي تۇلعاسىن زەردەلەۋگە ارنالعان زەرتتەۋ ەڭبەگىنىڭ تۇساۋكەسەرى سەمەي قالاسىندا ءاليحان بوكەيحان اتىنداعى ۋنيۆەرسيتەت قابىرعاسىندا ءوتتى.
كىتاپتىڭ تۇساۋكەسەر راسىمىنە زيالى قاۋىم وكىلدەرى, عالىمدار, جوعارى وقۋ ورىنداردىڭ وقىتۋشىلارى مەن ءبىلىم الۋشىلارى, اكىمشىلىك وكىلدەرى, ساياسي پارتيالار مەن قوعامدىق ۇيىمداردىڭ وكىلدەرى, مۋزەيلەر مەن كىتاپحانالاردىڭ باسشىلارى, ارحيۆ قىزمەتكەرلەرى مەن باق وكىلدەرى قاتىستى. ءراسىمدى الەۋمەتتىك جەلىلەر مەن ZOOM ۆيدەو بايلانىس جۇيەسى ارقىلى قازاقستان مەن رەسەيدەن مىڭداعان كورەرمەندەر تاماشالادى.
ەكى جارىم جىلدان استام عىلىمي ىزدەنىستەرىنىڭ ناتيجەسىندە جارىق كورگەن ەڭبەگىندە عالىم ءاليحان بوكەيحانعا – قازاقستان تاريحىنداعى تۇتاس ءداۋىردىڭ – اۋماقتىق, ساياسي, قوعامدىق بىتىراڭقىلىق مەرزىمىنەن باستاپ, ەل تاۋەلسىزدىگىن العانعا دەيىنگى كەزەڭنىڭ ءون بويىنا ىقپال ەتكەن تۇلعا دەگەن رەتىندە باعا بەرەدى. قازاق مەملەكەتتىلىگىنىڭ قالىپتاسۋىندا ايرىقشا ءرول اتقارعان قايراتكەردى اۆتور ء«داۋىر ادامى» دەپ اتادى.
كىتاپقا دەرەككوزدەر, ماتەريالدار مەن فاكتىلەر, ونىڭ ىشىندە عىلىمي اينالىمدا بۇرىن پايدالانىلماعان دەرەكتەر, ياعني مۇراعاتتىق قۇجاتتار, مەمۋارلار, ساياسي جانە مەملەكەتتىك, پارتيا جانە اسكەري قايراتكەرلەردىڭ ەستەلىكتەرى, سول جىلدارداعى گازەتتەر مەن جۋرنالدارداعى جاريالانىمدار ەنگىزىلگەن. كىتاپ تاريحشىلارعا, قوعامتانۋشىلار مەن ساياساتتانۋشىلارعا, ستۋدەنتتەرگە, سونداي-اق كوپشىلىك وقىرمان قاۋىمعا ارنالىپ جازىلعان.
ايتا كەتسەك, ءراسىم بارىسىندا عالىمعا سالتاناتتى تۇردە ءاليحان بوكەيحان ۋنيۆەرسيتەتىنىڭ قۇرمەتتى پروفەسسورى اتاعى بەرىلدى.
الداعى ۋاقىتتا كىتاپ تانىستىرىلىمى شوقان ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ۇيىمداستىرۋىمەن نۇر-سۇلتان, الماتى, پاۆلودار جانە قاراعاندى قالالارىندا وتەدى. كىتاپ قازاق تىلىنە دە اۋدارىلاتىن بولادى.
