ادەبيەت • 27 قازان، 2021

انكارادا اقىن باۋىرجان قاراعىز ۇلىنىڭ كىتابى تانىستىرىلدى

72 رەت كورسەتىلدى

تۇركيانىڭ استاناسى انكارا قالاسىنداعى «ATO Congresium» كورمە ورتالىعىندا وتكەن ء«حVى» انكارا كىتاپ» جارمەڭكەسىندە اقىن باۋىرجان قاراعىز ۇلىنىڭ تۇرىك تىلىنە اۋدارىلعان «KRAVAT» كىتابى تانىستىرىلدى، دەپ حابارلايدى Egemen.kz.

ءىس-شارا قازاقستاننىڭ تۇركياداعى ەلشىلىگىنىڭ قولداۋىمەن ۇيىمداستىرىلدى. وعان قازاقستاننىڭ تۇركيا ەلىندەگى توتەنشە جانە وكىلەتتى ەلشىسى ابزال ساپاربەك ۇلى، پروفەسسورلار، تۇركسوي وكىلدەرى، بەلگىلى اۋدارماشى اشۋر وزدەمير قاتىسىپ، پىكىرلەرىمەن ءبولىستى.  

654

كىتاپتىڭ تانىستىرىلىمىندا ءسوز سويلەگەن ەلشى ا. ساپاربەك ۇلى باۋىرجان اقىننىڭ شىعارماشىلىعى جايلى ويىمەن ءبولىستى.

«باۋىرجاننىڭ جىرلارى قازاقستاندا عانا ەمەس، وزگە مەملەكەتتەردە دە تانىلا باستادى. تۇرىك وقىرماندارىنىڭ قاتىسۋىمەن ءوتىپ جاتقان ءىس-شارا ورتاسىنان تابىلعانىمىزعا قۋانىشتىمىز»، دەدى ول.  

«كىتاپ – رۋح دارۋمەنى، ادامزاتتىڭ اقىل-ويىن ۆيرۋستان قورعايتىن ءۇمىت ۆاكتسيناسى» دەگەن اۆتور ءىس-شارانى ۇيىمداستىرعان ازاماتتارعا العىسىن ايتتى. سونداي-اق ول اۋدارماشى اشۋر وزدەميرگە ريزاشىلىعىن جەتكىزدى. ءوز كەزەگىندە اشۋر وزدەمير دە باۋىرجان قاراعىز ۇلىنىڭ شىعارماشىلىعى جايلى جىلى پىكىرىن ءبىلدىردى.

1298

«قازاق پوەزياسىندا قازىرگى نەمەسە دالىرەك ايتساق، پوستمودەرنيست قازاق اقىندارى اراسىندا باۋىرجان قاراعىز ۇلىنىڭ ورنى ەرەكشە ءھام ماڭىزدى ەكەنىن ايتقىم كەلەدى. ءار اقىن ءوز ۇستانىمىن داستۇرگە دەگەن كوزقاراسىمەن انىقتايدى. ءداستۇر – اقىننىڭ وزىنە دەيىنگى بۇكىل پوەزيا جيناعى. وسى تۇرعىدان الىپ قاراساق، باۋىرجان قاراعىز ۇلىن ءداستۇردى جوققا شىعاراتىن اقىن دەۋ دۇرىس بولماس. سەبەبى باۋىرجان قاراعىز ۇلى پوستمودەرنيزمگە داستۇردەن باس تارتقانى ءۇشىن ەمەس، داستۇردەن باسقا جولدى العىسى كەلگەندىكتەن بەت بۇرعان»، دەيدى اۋدارماشى اشۋر وزدەمير. 

ءىس-شارا سوڭىندا اۆتور وقىرمانداردىڭ سان ءتۇرلى ساۋالدارىنا جاۋاپ بەردى.

سوڭعى جاڭالىقتار

قارسىلاسىن 7 راۋند بويى سابادى

كاسىپقوي بوكس • بۇگىن، 10:32

يندونەزيادا جەر سىلكىندى

الەم • بۇگىن، 09:32

ءۇشىنشى جەڭىلىس

جەكپە-جەك • بۇگىن، 09:02

جوسپارىن جوققا شىعاردى

كاسىپقوي بوكس • كەشە

ۇزدىك وندىقتا گولوۆكين جوق

كاسىپقوي بوكس • كەشە

جەكپە-جەكسىز وتكەن العاشقى جىل

كاسىپقوي بوكس • كەشە

ۇقساس جاڭالىقتار