ءسابيى شەتىنەگەن انالارعا سۇيەۋ بولماق

الماتىدا قاشىقتان باقىلاۋ ار­قىلى باستاپقى مەديتسينالىق-ساني­تارلىق كومەك كورسەتۋ دەڭگەيىندە تاۋە­كەل توبىنداعى جۇكتى ايەلدەرگە مونيتورينگ جۇرگىزۋ ءۇشىن اۋدانداردا­عى ۇيلەستىرۋشىلەر قالانىڭ باس اكۋشەر-گينەكولوگىن تاعايىنداپ، جۇكتى ايەلدەرگە مەديتسينالىق كومەكتىڭ ساپاسىن ارتتىرۋ مىندەتىن جۇكتەپ وتىر. ياعني ايەلدەر كونسۋلتاتسياسى جانە وتباسىن جوسپارلاۋ كابينەتتەرىنىڭ جۇمىسىنا مونيتورينگ جۇرگىزىلەدى. سونداي-اق جۇكتى ايەلدەردى باعىتتاۋ الگوريتمدەرى جانە توتەنشە جاعداي­لار كەزىندەگى ارەكەتتەر جاسالدى. ءبىرىن­­شى باسشىلاردىڭ جەكە جاۋاپكەرشىلىگى كۇشەيتىلدى. كوپبەيىندى ستاتسيونارلاردى بوساندىرۋ ۇيىمدارىمەن كلاس­ت­ەر فورماتىندا بىرىكتىرۋ جوس­پار­لانعان.

پەرزەنتحانالاردا كادرلار تاپشى­لىعىن جويۋ جانە ولاردىڭ بىلىكتىلىگىن ارتتىرۋ ماقساتىندا رەزيدەنتۋرادا 2021-2023 وقۋ جىلدارى 6 اكۋشەر-گينەكولوگ، 2022-2024 جىلدارى 4 مامان ارناۋلى دايارلىقتان وتەدى.

قالا اكىمى باقىتجان ساعىن­تاەۆ پەرزەنتحانالاردىڭ ماتەريال­دىق-تەحنيكالىق بازاسىن جاق­سار­تۋ مىندە­تىن العا قويدى. بۇل ءۇشىن بيىل جانە كەلەسى جىلدارى قاجەتتى جاب­دىقتار ساتىپ الىنىپ، 2023-2024 جىل­دارى پەرزەنتحانالارعا زاماناۋي سورۋ-سىرتقا تاراتۋ جەلدەتكىشىن ورناتا وتىرىپ، كەزەڭ-كەزەڭىمەن رەكونسترۋكتسيالاۋ قاراستىرىلعان.

سول سياقتى پەريناتالدىق جوعالتۋ جاعدايىندا پسيحولوگيالىق جانە باس­قالاي كومەك بەرەتىن تەلەگرام-چات ىسكە قوسىلدى. ويتكەنى ومىرگە جاڭا ادامدار كەلۋىمەن قاتار، بالا ءولىمى نەمەسە پەريناتالدىق جوعالتۋلار كەزەڭدەرى جايلى ەستىپ جاتامىز. شا­را­نادان ايىرىلۋ – اتا-انالارعا، اسىرەسە، ايەل ادامدارعا وتە اۋىر قاسى­رەت. وسى­نىڭ سالدارىنان قايعىلى جاعداي ورىن الۋى مۇمكىن. ماسەلەن، پسي­حولو­گيا­لىق تۇرعىدا كۇيزەلىس، تورىعۋ نەمەسە اينالاداعى تاعى باسقا فاكتورلار مورالدىق تۇرعىدا اناعا كەي جاع­دايدا كەرى اسەرىن تيگىزىپ جاتادى.

وسىنداي جاعدايلارعا بايلا­نىستى الماتى قالاسى مەدەۋ اۋدانىنىڭ «باقىتتى وتباسى» الەۋمەتتىك ورتالىعى ماسەلەنى شەشۋ جولىندا قازان ايىندا ورتالىقتا ارنايى قۇرىلعان تەلەگرام-چاتتىڭ تۇساۋكەسەرىن وتكىز­گەن ەدى. بۇل باسقوسۋدى پايدالا­نىپ، «قالالىق پەريناتالدىق ورتا­لىق» ديرەكتورىنىڭ نەوناتولوگيا جونىندەگى ورىنباسارى گۇلايىم باي­تا­ناتوۆا، كلينيكالىق پسيحولوگ ەلەنا اكچالوۆا، №2 «بالالار ءۇيىنىڭ» ديرەكتورى ءلاتيپا قوجامقۇلوۆا مەن مەدەۋ اۋدانى «باقىتتى وتباسى» الەۋمەتتىك ورتالىعىنىڭ جەتەكشىسى تولقىن سامەتوۆا وسى تاقىرىپتى انالارمەن بىرگە تالقىلادى.

كەزدەسۋ كەزىندە جاڭا تۋعان سابي­لەردىڭ شەتىنەۋى، وسىنداي جاعدايعا دۋشار بولعان اكە-شەشەلەرگە بوت ارقىلى پسيحولوگيالىق جانە دارىگەرلىك كو­مەك بەرۋ، انا اتانۋ جولىنداعى ۇقىپ­تى ءارى ساپالى پسيحولوگيالىق سۇيەمەلدەۋ، انانىڭ ءوزىن قاۋىپسىزدىك سەزىنۋى ماسەلەلەرى قارالدى. ياعني وسى ماسەلەلەردى شەشۋدە باستى كو­مەكشى قۇرال رەتىندە تەلەگرام-چات­تىڭ ەنگىزىلۋى كوزدەلگەن. ويتكەنى قوسىمشاداعى پسيحولوگپەن نەمەسە دارىگەرمەن 24/7 تاۋلىك بويىنشا كونسۋلتاتسيا الۋ جانە ونىڭ ءانونيمدى بولۋى – تاپتىرماس قۇرال. سونداي-اق وسىناۋ باستاما چاتتى قولدانۋشىنىڭ تۇرعىلىقتى مەكەنجايى، ماتەريالدىق جاعدايىنا قاراماي، ساپالى ءارى وتە پايدالى قولداۋ الۋعا كومەك بەرۋدى كوزدەيدى.