وقيعا • 26 قازان، 2021

ەلوردا تۇرعىنى سوت ورىنداۋشىسىن بالتامەن ۇرىپ ولتىرمەك بولدى

87 رەت كورسەتىلدى

ەلورداداعى جەكە سوت ورىنداۋشىلارىنىڭ ءبىرى جەرگىلىكتى تۇرعىننىڭ ۇستىنەن پوليتسياعا ارىز ءتۇسىردى. ونىڭ سوزىنشە، قىزمەت ەتۋ كەزىندە بورىشكەر ونى بالتامەن ۇرىپ ولتىرمەك بولعان، دەپ حابارلايدى Egemen.kz.

بۇل تۋرالى جەكە سوت ورىنداۋشىلارى ايماقتىق پالاتاسىنىڭ ءباسپاسوز قىزمەتى ءمالىم ەتتى.

انىقتالعانداي، ن. ەسىمدى ازاماتتىڭ جالپى سوماسى 196 545 تەڭگەنى قۇرايتىن 17 اكىمشىلىك ايىپپ ۇلى بولعان. سونداي-اق، بانككە 358 728 تەڭگە بەرەشەگى بار ەكەن.

«جەكە سوت ورىنداۋشىلارى بورىشكەرگە بەرەشەگىن قايتارتۋ ءۇشىن تالاپقا ساي بار ارەكەتتى جۇرگىزدى: م ۇلىكتەرىنە شەكتەۋ مەن بۇعات قويىلدى. ول 2020 جىلدىڭ قازان ايىنان بەرى بەرەشەگىن قايتارۋدان ءۇزىلدى-كەسىلدى باس تارتىپ كەلەدى. اتقارۋ شەشىمىن ورىنداۋ ماقساتىندا ونىڭ مەنشىگىندەگى ۆاز-2115 اۆتوكولىگىن تاركىلەۋ شەشىمى قابىلداندى»، دەلىنگەن اتالعان اقپاراتتا.

26 قازان كۇنى تاڭعى 8:45-تە جەكە سوت ورىنداۋشىسى بورىشكەر تۇراتىن مەكەنجايعا بارعان جانە جول جيەگىندە تۇرعان وعان تيەسىلى اۆتوكولىكتى كورگەن. ول اتالعان 17 اكىمشىلىك ايىپپۇلدى ءدال وسى اۆتوكولىكپەن جول ەرەجەسىن بۇزۋ ارقىلى ارقالاعان.

جەكە سوت ورىنداۋشىسى بورىشكەردەن كولىكتى بەرۋىن سۇراعاندا ول اشۋعا سالىنىپ، كىلتتى بەرۋدەن باس تارتقان.

«مۇنان كەيىن ول ۇيىنەن تەمىر بالتا الىپ شىعىپ، جەكە سوت ورىنداۋشىسى مەن پوليتسيا قىزمەتكەرىنە شابۋىلداعان. بۇل وقيعا بەينەباقىلاۋ كامەراسىنا جازىلىپ قالعان. پوليتسەي وعان كوزدى جاساۋراتاتىن گاز قولدانىپ، قولىنداعى بالتاسىن الىپ قويدى»، دەلىنگەن جەكە سوت ورىنداۋشىلارى ايماقتىق پالاتاسى تاراتقان حابارلامادا.

جەكە سوت ورىنداۋشىسى بورىشكەردىڭ ۇستىنەن پوليتسياعا ارىز ءتۇسىردى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار