جوبانىڭ ماقساتى - ۇلتتىق-مادەني بىرەگەيلىكتى ساقتاۋ جانە مادەني ونىمدەردىڭ ساپاسى مەن الۋان تۇرلىلىگىن ارتتىرۋ ارقىلى ءاربىر قازاقستاندىقتىڭ كوركەمدىك-شىعارماشىلىق الەۋەتىن ىسكە اسىرۋ, سونداي-اق جاس ۇرپاقتىڭ بويىندا رۋحاني-ادامگەرشىلىك قۇندىلىقتاردى قالىپتاستىرۋ.
كۇتىلەتىن الەۋمەتتىك اسەر (ساپالىق جانە ساندىق ماندە):
- قازاقستاندىق بىرەگەيلىك پەن زياتكەرلىك الەۋەتتى دامىتۋ - حالىقتى «رۋحاني جاڭعىرۋ» باعدارلاماسىنا تارتۋ, پاتريوتيزم سەزىمىن ارتتىرۋ;
- مادەنيەت وبەكتىلەرىنە بارۋ سانىن ۇلعايتۋ;
- مادەنيەت سالاسىنداعى كورسەتىلەتىن قىزمەتتەردىڭ ساپاسىنا حالىقتىڭ قاناعاتتانۋ دەڭگەيىن ارتتىرۋ;
- مەملەكەتتىك قولداۋ شارالارى تۋرالى جاستاردىڭ حاباردار بولۋ دەڭگەيىن ارتتىرۋ;
- جاستار اراسىندا ۆولونتەرلىك مادەنيەت دەڭگەيىن ارتتىرۋ;
- NEET ساناتىنداعى جاستاردىڭ الەۋمەتتەنۋى;
- جاستاردىڭ تۇرعىن ءۇي قۇرىلىس جيناق جۇيەسىنە قاتىسۋى ءۇشىن جاعداي جاساۋ.
كۇتىلەتىن ەكونوميكالىق تيىمدىلىك - «تۋعان جەر» ارنايى جوباسى شەڭبەرىندە مەتسەناتتاردىڭ ينۆەستيتسيالار كولەمى - 7,2 ملرد تەڭگە; مادەنيەت وبەكتىلەرىن سالۋ جانە جوندەۋ كەزىندە 7 036 جۇمىس ورنىن قۇرۋ (تۇراقتى - 777, ۋاقىتشا - 6 259).
ۇلتتىق جوبانى ىسكە اسىرۋ ءۇشىن قاجەتتى قارجىلاندىرۋ كولەمى:
- 2021 جىل - 27 797 417 مىڭ تەڭگە;
- 2022 جىل - 26 695 141 مىڭ تەڭگە;
- 2023 جىل - 23 416 984 مىڭ تەڭگە;
- 2024 جىل - 20 781 813 مىڭ تەڭگە;
- 2025 جىل - 20 683 911 مىڭ تەڭگە;
بارلىعى - 119 375 266 مىڭ تەڭگە.
قۇجات بىرنەشە مىندەتتەردى شەشۋدى قاراستىرادى, اتاپ ايتقاندا:
- قازاقستاندىق بىرەگەيلىك پەن زياتكەرلىك الەۋەتتى دامىتۋ;
- مەملەكەتتىك ءتىلدى دامىتۋ ءۇشىن جاعداي جاساۋ;
- مادەنيەت سالاسىندا كورسەتىلەتىن قىزمەتتەردىڭ قولجەتىمدىلىگى مەن ساپاسىن ارتتىرۋ,
- وتاندىق مادەني ءونىمدى تانىمال ەتۋ;
- جاستار ءۇشىن جاڭا مۇمكىندىكتەردى دامىتۋ;
- جاستاردى الەۋمەتتەندىرۋ جانە جۇمىسقا ورنالاستىرۋ.
ۇلتتىق جوبانى ىسكە اسىرۋ 2025 جىلعا دەيىن كوزدەلەدى.
