قازاقستان • 26 قازان، 2021

قازاقستاندا جاڭا سالىقتار ەنگىزىلەدى

193 رەت كورسەتىلدى

بۇل ساۋالعا وكق بريفينگىندە قر قارجى مينيسترلىگى مەملەكەتتىك كىرىستەر كوميتەتىنىڭ ءىرى سالىق تولەۋشىلەر دەپارتامەنتىنىڭ ديرەكتورى ءانۋار سۇلەيمەنوۆ ايتتى، دەپ حابارلايدى Egemen.kz.

«كەلەسى جىلدان باستاپ سالىق زاڭناماسىنا ەنگىزىلەتىن نەگىزگى وزگەرىستەردىڭ ءبىرى – شەتەلدىك جانە وتاندىق كومپانيالار اراسىنداعى باسەكەلەستىك جاعدايلاردى تەڭەستىرۋگە مۇمكىندىك بەرەتىن Google سالىعى دەپ اتالاتىن ساندىق سالىق. ول 2022 جىلدىڭ قاڭتارىنان باستاپ ەنگىزىلەدى جانە تاۋارلار مەن قىزمەتتەردى ەلەكتروندىق سەرۆيستەر، ينتەرنەت-سايتتار ارقىلى وتكىزۋ كەزىندە شەتەلدىك كومپانيالار تولەيتىن بولادى»، دەدى سۇلەيمەنوۆ.

ونىڭ ايتۋىنشا، بۇل جاڭا سالىق ەمەس، ول قوسىلعان قۇن سالىعى اياسىندا ەنگىزىلەدى. سالىق 12% بويىنشا تولەم جاسالادى.

«سونداي-اق ەكسپورتتاۋشىلاردى ۆاليۋتالىق ءتۇسىمدى ىشكى نارىقتا وتكىزۋگە ىنتالاندىرۋ ماقساتىندا 80% مولشەرىندە قايتارۋدىڭ وڭايلاتىلعان ءتارتىبى سياقتى جەڭىلدىكتى ەنگىزۋ بولجانىپ وتىر. ول ەكسپورتتان تۇسكەن 50% - دان كەم ەمەس ۆاليۋتالىق ءتۇسىمدى ساتاتىن ەكسپورتتاۋشىلار ءۇشىن تاراتىلادى جانە ۇسىنىلادى.

ققس تولەۋشىلەردىڭ قىزمەتىن توقتاتۋدىڭ وڭايلاتىلعان ءتارتىبى دە ەنگىزىلەدى. بۇل ققس بويىنشا ەسەپتە تۇرعان سالىق تولەۋشىلەردىڭ ساناتى، بىراق ەشقانداي وپەراتسيالار، ءوزارا ەسەپ ايىرىسۋلار جۇرگىزبەدى، قىزمەتپەن اينالىسپادى»، دەپ ناقتىلادى ول.

سونىمەن قاتار 2022 جىلعى قاڭتاردان باستاپ سالىق بەرەشەگىنىڭ شەكتى شەگى 6 اەك مولشەرىندە ايقىندالاتىن بولادى، ودان تومەن شوتتارعا تىيىم سالۋ قولدانىلمايدى.

«سونداي-اق كەلەسى جىلدان باستاپ ساندىق تاۋ-كەن ءۇشىن تولەم ەنگىزىلەدى. ونىڭ تولەۋشىلەرى ساندىق تاۋ-كەن تۇلعالارى بولادى. ستاۆكا 1 كيلوۆاتتقا 1 تەڭگەنى قۇرايدى»، دەپ قوستى مكك دەپارتامەنتىنىڭ ديرەكتورى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار