قۇجاتقا سايكەس 46 زاڭنامالىق اكتىگە, ونىڭ ىشىندە 2 كودەكسكە جانە 44 زاڭعا وزگەرىستەر مەن تولىقتىرۋلار ەنگىزۋ كوزدەلىپ وتىر. مىسالى, ۇلتتىق ەكونوميكا مينيسترلىگى ەڭ تومەنگى الەۋمەتتىك ستاندارتتىڭ بىرىڭعاي نىسانىن ازىرلەۋ جانە بەكىتۋ فۋنكتسياسىن وزىنە الادى. يندۋستريا جانە ينفراقۇرىلىمدىق دامۋ مينيسترلىگى جولاۋشىلار مەن ولاردىڭ زاتتارىن, ونىڭ ىشىندە قول جۇگى مەن باگاجىن تەكسەرىپ قاراۋدى جۇرگىزۋ ءتارتىبى مەن تالاپتارىن بەكىتەتىن بولادى.
دەپۋتاتتاردىڭ ايتۋىنشا, زاڭ جوباسىن قابىلداۋ مەملەكەتتىك باسقارۋ جۇيەسىنىڭ تيىمدىلىگىن ارتتىرۋعا جانە اسا ماڭىزدى فۋنكتسيالاردى ورىنداۋعا نازار اۋدارۋعا مۇمكىندىك بەرەدى. سونىمەن قاتار ورتالىق جانە جەرگىلىكتى ورگانداردىڭ دەربەستىگى عانا ەمەس, قابىلدانعان شەشىمدەر ءۇشىن دەربەس جاۋاپكەرشىلىك تە ارتا تۇسەتىن بولادى.
سەناتورلار وتىرىس قورىتىندىسى بويىنشا زاڭ جوباسىن پالاتانىڭ قاراۋىنا بەرۋ تۋرالى شەشىم قابىلدادى.
