ەكونوميكا • 26 قازان، 2021

زەينەتاقى رەفورماسى: جيىرما جىلدا قانداي وزگەرىستەر بولدى؟

106 رەت كورسەتىلدى

Freedom Finance Life ءومىردى ساقتاندىرۋ كومپانياسىنىڭ ماماندارى زەرتتەۋ بارىسىندا سوڭعى 20 جىل ىشىندە ەلىمىزدەگى زەينەتكەرلەر سانىنىڭ جانە زەينەتاقى مولشەرىنىڭ قانشالاقتى وزگەرگەنىن انىقتادى، دەپ حابارلايدى Egemen.kz.

قازاقستاندا 20 جىل ىشىندە ەلىمىزدەگى زەينەتكەرلەر سانى 27،43% وسكەن. جاق «ۇكىمەت ازاماتتار ءۇشىن» جانە ەڭبەك جانە الەۋمەتتىك قورعاۋ مينيسترلىگىنىڭ مالىمەتتەرى بويىنشا، 2021 جىلدىڭ 1 قازانىنا سايكەس قازاقستاندا 2 ميلليون 229 مىڭنان استام زەينەتكەرلەر بار. بۇل 2020 جىلمەن سالىستىرعاندا 0،99% كەم. زەينەتكەرلەر سانى الماتى وبلىسىندا (234 043)، شىعىس قازاقستان وبلىسى (233 109)  جانە الماتىدا (229 994) ادامدى قۇرايدى. زەينەتكەرلەردىڭ ەڭ ازى ماڭعىستاۋ (55 388)، اتىراۋ (61 252) جانە قىزىلوردا وبلىستارىندا (76 423) ەكەن.

2021 جىلى زەينەتاقىنىڭ ورتاشا مولشەرى بىلتىرعىمەن سالىستىرعاندا، 56،2% ءوسىپ، 99 897 تەڭگەنى قۇرادى. قازاقستاندا 20 جىل ىشىندە زەينەتاقى 20 ەسە وسكەن.

قر ۇلتتىق ستاتيستيكا بيۋروسىنىڭ مالىمەتتەرىنە سايكەس، ەڭ ۇلكەن زەينەتاقى نۇر-سۇلتان جانە الماتى قالالارىندا بەلگىلەنگەن (80 114 جانە 76 394 تەڭگە). ەڭ تومەن زەينەتاقى تۇركىستان جانە الماتى وبلىستارىندا (48 949 جانە 55 648 تەڭگە ).

2021 جىلى زەينەتاقى جۇيەسىندە بىرقاتار وزگەرىستەر ورىن العان. ەڭ باستىسى، قازاقستاندىقتاردىڭ بجزق قورىنان ءىشىنارا الۋ مۇمكىندىگى پايدا بولدى. 

تاعى ءبىر ماڭىزدى وزگەرىس: كەيىنگە قالدىرىلعان زەينەتاقىلىق اننۋيتەتتى ىسكە قوسۋ. ونىڭ ەرەجەلەرىنە سايكەس، ساقتاندىرۋشىمەن شارت جاساسۋ 45 جاسقا تولعاننان كەيىن عانا مۇمكىن بولادى. 2021 جىلدان باستاپ، جەتكىلىكتى سوما ەرلەر ءۇشىن 5،6 ملن تەڭگە، ايەلدەر ءۇشىن 7،4 ملن تەڭگەنى قۇرايدى. زەينەتاقىلىق اننۋيتەت شارتىن جاساسۋ ارقىلى ەرلەر زەينەتاقىنى 55 جاسىنان، ال ايەلدەر بيىل 52 جاسىنان الاتىن بولادى (2027 جىلى 55 جاستان). سونداي-اق شارتقا سايكەس، ءتيىستى جاسىنا جەتكەن تۇتىنۋشى زەينەتاقى تولەمدەرىن جىل سايىنعى (5%) يندەكستەۋ مولشەرىن ەسكەرىپ الاتىن بولادى. ال زەينەتاقىلىق اننۋيتەت شارتىن قۇنسىزدانۋدان قورعاۋ رەتىندە جاساعان كەزدە، دوللار باعامىنا سايكەس يندەكستەلگەن تولەمدەرىن الادى.

سونىمەن قاتار ورتاق زەينەتاقىلىق اننۋيتەتتى ىسكە ەنگىزۋ جوسپارلانىپ وتىر. اتاپ ايتقاندا، ءبىر شارتقا وتباسىنىڭ بىرنەشە مۇشەسى وتىرۋى مۇمكىن. ونىڭ ەرەكشەلىگى ەرلى-زايىپتىلاردىڭ ءبىرى قايتىس بولعاندا، ەكىنشىسى زەينەتاقى تولەمدەرىن شارت بويىنشا الۋدى جالعاستىرادى.

سوڭعى جاڭالىقتار

ۇقساس جاڭالىقتار