سپورت • 26 قازان، 2021

ەلوردالىق ارداگەر الەم رەكوردىن جاڭارتتى

48 رەت كورسەتىلدى

ۆەنگريانىڭ بۋداپەشت قالاسىندا گىر تاسىن كوتەرۋدەن الەم چەمپيوناتى ءوتتى. بايراقتى باسەكەگە الەمنىڭ 32 ەلىنەن 650-گە جۋىق سپورتشى قاتىستى، دەپ حابارلايدى Egemen.kz.

ارداگەرلەر اراسىندا 73 كيلوعا دەيىنگى سالماقتا ەل نامىسىن قورعاعان نۇر-سۇلتان قالاسىنىڭ اعا جاتتىقتىرۋشىسى سەرىك ابداحين الەم رەكتوردىن جاڭارتتى. سەرىك ابداحين 24 كەلىلىك ەكى گىر تاسىن  10 مينۋتتا 123 رەت جۇلقىپ جانە 185 سەرمەپ، جالپى قوسسايىستىڭ قورىتىندىسى بويىنشا 215،5 رەت كوتەردى. وسىلايشا ول ءوزىنىڭ 2019 جىلى سەربيادا وتكەن الەم بىرىنشىلىگىندەگى رەكوردتىن جاڭارتتى. ال سەربيادا 24 كەلىلىك ەكى گىر تاسىن 205 رەت كوتەرگەن بولاتىن.

سەرىك ابداحين ارداگەرلەر اراسىندا الەم چەمپيونى اتانسا، جارىستىڭ كۇمىس جانە قولا جۇلدەلەرى  رەسەيلىك سپورتشىلارعا بۇيىردى. ۆياچەسلاۆ اۆدونين گىر تاستارىن 205 رەت كوتەرىپ، ەكىنشى ورىندى جەڭىپ السا، ەۆگەني رىباكوۆ 189 رەت كوتەرىپ ءۇشىنشى ورىنعا جايعاستى.

«الەم چەمپيوناتىنا 17-رەت قاتىسۋىم. سونىڭ ىشىندە 22 رەت چەمپيون اتاندىم. جارىس وتە جوعارى دەڭگەيدە ءوتتى. سوڭعى رەت 2019 جىلى ءوز رەكوردىمدى جاڭارتقان بولاتىنمىن. بۇل جولى دا الەم رەكوردىن جاڭارتۋ بۇيىرىپتى. اللاعا شۇكىر. بۇل جەڭىسىم جاستارعا ۇلگى بولسا دەيمىن. نۇر-سۇلتان قالاسىنىڭ قۇراماسى جارىستا جوعارى ناتيجە كورسەتتى. سپورتشىلارىمىز 7 التىن، 2 كۇمىس، 1 قولا مەدال جەڭىپ الدى. قۋانىشتىمىز»، دەدى نۇر-سۇلتان قالاسىنىڭ اعا-جاتتىقتىرۋشىسى سەرىك ابداحين.

سوڭعى جاڭالىقتار

ۇقساس جاڭالىقتار