كوروناۆيرۋس • 26 قازان، 2021

شەكاراداعى باقىلاۋدى السىرەتكەن جوقپىز - الەكسەي تسوي

36 رەت كورسەتىلدى

قازاقستان شەكارالاس كورشى ەلدەردەگى ەپيدەميولوگيالىق احۋالعا ءجىتى مونيتورينگ جاساپ وتىر. بۇل جايىندا قر دەنساۋلىق ساقتاۋ ءمينيسترى الەكسەي تسوي ايتتى، دەپ حابارلايدى Egemen.kz.

«شىندىعىندا شەكارالاس كورشى ەلدەردەگى احۋالعا مونيتورينگ جاساپ وتىرمىز. وزدەرىڭىز دە بىلەتىندەي، مەملەكەتتىك شەكاراداعى باقىلاۋدى السىرەتكەن جوقپىز. بىزدە 30 كۇندە ءبىر رەت ءوتۋ مۇمكىندىگىنە، مىندەتتى تۇردە پتر-تەستىلەۋدىڭ تەرىس ناتيجەسى بولۋىنا قاتىستى تالاپ بولدى. بۇل تالاپتار ۇشاقپەن قاتىنايتىندارعا دا ساقتالادى. مۇنداي تالاپتى ەلىمىزدىڭ ازاماتتارى دا، شەتەلدىكتەر دە شەكارالىق وتكەلدەردەن وتكەندە نەمەسە اۋەجايدا مىندەتتى تۇردە ورىندايدى»، دەدى مينيستر ۇكىمەت وتىرىسىنان كەيىن باق وكىلدەرىنىڭ ساۋالىنا وراي.

وسى رەتتە الەكسەي تسوي «Covid-ءسىز ساياحاتتا» دەپ اتالاتىن ءموبيلدى قوسىمشا بار ەكەندىگىن، ول ەۋرازيالىق ەكونوميكالىق وداق ەلدەرىندە قولدانىلاتىندىعىن اتاپ ءوتتى. اتالعان قوسىمشادا پتر تەستىلەۋ ناتيجەلەرىنە قاتىستى اقپارات الماسىلاتىندىعىنا نازار اۋداردى.

ء«بىز تالاپتى وزگەرتكەن جوقپىز. تەك قازاقستان ىشىندە عانا بىرقاتار ءىس-شارانى جەڭىلدەتتىك. ەڭ باستىسى Ashyq جۇيەسى ەلەمەنتىن پايدالانامىز جانە بيزنەستىڭ جۇمىس ۋاقىتىن اتالعان باعدارلاما اياسىندا عانا كەڭەيتەمىز. سوندىقتان احۋال مونيتورينگىلەنىپ وتىرادى. جالپى، ەگەر دە كوشى-قون اعىنىڭ ارتقانىن بايقايتىن بولساق، وندا قوسىمشا ءىس-شارالار قولدانامىز»، دەدى ول.

سوڭعى جاڭالىقتار

ۇقساس جاڭالىقتار