سپورت • 26 قازان، 2021

دەۆيس كۋبوگى-2021: قازاقستان قۇراماسىنىڭ فينالداعى قارسىلاستارى انىقتالدى

36 رەت كورسەتىلدى

2021 جىلعى 25 قاراشادان 5 جەلتوقسانعا دەيىن تەننيستەن كوماندالىق الەم چەمپيوناتى – دەۆيس كۋبوگىنىڭ فينالدىق ويىندارى وتەدى، دەپ حابارلايدى Egemen.kz.

بۇل جارىسقا قازاقستان قۇراماسى دا قاتىسادى. يۋري ششۋكين باستاعان قازاقستاندىق كوماندانىڭ جاتتىقتىرۋشىلار شتابى شەشۋشى كەزەڭگە قاتىسۋ ءۇشىن كەلەسى ويىنشىلاردى تاڭدادى: الەكساندر بۋبليك (ATP رەيتينگىنىڭ 34-ءشى ءنومىرى)، ميحايل كۋكۋشكين (159)، دميتري پوپكو (162)، اندرەي گولۋبەۆ (ATP جۇپتىق رەيتينگىنىڭ 35-ءشى ءنومىرى)، الەكساندر نەدوۆەسوۆ (جۇپتىق رەيتينگتىڭ 76-شى ءنومىرى)، دەپ حابارلادى قتف ءباسپاسوز قىزمەتى.

قازاقستان قۇراماسى ۆ توبىندا كانادا جانە شۆەتسيا قۇرامالارىمەن وينايدى.

قازاقستاندىقتاردىڭ قارسىلاستارى دا اقتىق كەزەڭدە كىم كۇرەسەتىنىن جاريالادى. شۆەدتەردىڭ قۇرامى كەلەسىدەي: ميكاەل يمەر (101)، ەلياس يمەر (168)، اندرە يورانسسون (66 جۇپ رەيتينگ ءنومىرى)، دجوناتان مريدا (511).

كانادا قۇراماسى يسپانياعا كەلەسى قۇرامدا كەلەدى: فەليكس وجە-الياسسيم (12)، دەنيس شاپوۆالوۆ (13)، ۆاشەك پوسپيشيل (85) برەيدەن شنۋر (226)، پيتەر پولانسكي (284).

قازاقستان مەن شۆەتسيا قۇرامالارىنىڭ ماتچى 27 قاراشادا وتەدى، ال 28 قاراشادا قازاقستاندىق جاساق 2019 جىلى دەۆيس كۋبوگىنىڭ فينالىنا دەيىن جەتكەن كانادامەن وينايدى.

دەۆيس كۋبوگىنىڭ فينالدىق ويىندارى العاش رەت ءبىر ۋاقىتتا ءۇش قالادا – ينسبرۋك، مادريد جانە تۋريندە ساراپقا سالىنادى. تۋرنيرگە التى توپقا بولىنگەن 18 كوماندا قاتىسادى. ا توبىندا – يسپانيا، رەسەي جانە ەكۆادور قۇرامالارى، س توبىندا – فرانتسيا، ۇلىبريتانيا جانە چەحيا، D توبىندا – حورۆاتيا، اۆستراليا جانە ۆەنگريا، ە توبىندا - اقش، يتاليا جانە كولۋمبيا، F توبىندا - سەربيا، گەرمانيا جانە اۆستريا. تۋرنيردەگى ءار ماتچ ەكى جەكە ويىننان جانە ءبىر جۇپتان تۇرادى.

توپتىڭ التى جەڭىمپازى جانە ەكىنشى ورىن العاندار اراسىنداعى ەكى ۇزدىك كوماندا ءتۋرنيردىڭ شيرەك فينالىنا شىعادى. جارتىلاي فيناليستەر دەۆيس-2022 كۋبوگىنىڭ فينالدىق بولىگىنە قاتىسۋعا كەپىلدىك بەرەدى.

دەۆيس كۋبوگى 1900 جىلدان بەرى جىل سايىن وتكىزىلىپ كەلەدى. تۋرنيردەگى جەڭىستەر سانى بويىنشا اقش قۇراماسى رەكوردشى بولىپ تابىلادى. ال قازىرگى جەڭىمپازدار - يسپاندىقتار.

سوڭعى جاڭالىقتار

ۇقساس جاڭالىقتار