كوروناۆيرۋس • 26 قازان، 2021

اكىمدەرگە وڭىرلەردەگى ۆاكتسينالاۋ قارقىنىن ارتتىرۋ تاپسىرىلدى

354 رەت كورسەتىلدى

قر پرەمەر-ءمينيسترى اسقار مامين ەلدەگى ەكپە سالدىرۋدىڭ قارقىنى تومەندەگەنىن ايتىپ، اكىمدەرگە حالىق اراسىندا ۆاكتسيناتسيانى ۇلعايتۋدى تاپسىردى، دەپ حابارلايدى Egemen.kz.

«قازىرگى ۋاقىتتا 8،2 ملن-نان استام ادام ءبىرىنشى كومپونەنتپەن، ال ەكىنشىسىمەن - 7،4 ملن-عا جۋىق ادام ەگىلدى. كورىپ وتىرعانىمىزداي، ۆاكتسيناتسيا قارقىنى تومەندەدى. ءبىرىنشى كەزەكتە ارتتا قالعان وڭىرلەردە ەكپە سالدىرۋدى ۇلعايتۋ كەرەك»، دەدى مامين.

ول ماڭعىستاۋ، باتىس قازاقستان، قوستاناي، اقمولا وبلىستارى مەن نۇر-سۇلتان قالاسى اكىمدەرى بۇل ماسەلەنى جەكە باقىلاۋعا الىپ، قاجەتتى ۆاكتسينالاۋدى قامتاماسىز ەتۋى قاجەت ەكەنىن ايتتى.

ونىڭ ايتۋىنشا، قازاقستاندا ەپيدەميولوگيالىق جاعداي باقىلاۋدا، الايدا كورشى ەلدەردەگى جاعدايدىڭ كۇردەلەنۋى بايقالادى.

«سوندىقتان وڭىرلەردىڭ، اسىرەسە شەكارا ماڭىنداعى وڭىرلەردىڭ اكىمدەرى سانيتارلىق-ەپيدەميولوگيالىق نورمالاردىڭ قاتاڭ ساقتالۋىن قامتاماسىز ەتۋى كەرەك. سىرقاتتانۋشىلىق دەڭگەيىنە ناقتى مونيتورينگ جۇرگىزۋ جانە جەدەل شارالار قابىلداۋ، مونيتورينگتىك توپتاردىڭ جۇمىسىن جانداندىرۋ، ال دەنساۋلىق ساقتاۋ مينيسترلىگى مەملەكەتتىك شەكارادا ەپيدەميولوگيالىق باقىلاۋدى كۇشەيتسىن»، دەپ تۇيىندەدى پرەمەر-مينيستر.

سوڭعى جاڭالىقتار

ۇقساس جاڭالىقتار