ءبىلىم • 25 قازان، 2021

حالىقارالىق وليمپيادادا التىن العان وقۋشىعا 4 ملن 375 مىڭ تەڭگە بەرىلەدى

83 رەت كورسەتىلدى

جاڭا جاھاندىق دامۋ بولاشاق ءبىلىمدى ۇرپاقتىڭ قولىندا ەكەنىن ايقىنداپ كەلەدى. سوندىقتان ەل بيلىگى جىل وتكەن سايىن بىلىمگە قۇيىلاتىن كاپيتال كولەمىن ارتتىرۋدا. بيىل مەملەكەت باسشىسى قاسىم-جومارت توقاەۆ حالىققا جولداۋىندا وسى باعىتتاعى جۇمىستاردى كۇشەيتۋگە تاپسىرما بەرگەن بولاتىن، دەپ جازادى Egemen.kz.

ارىپتەسىمىز ايدانا شوتبايقىزى وسى تاپسىرما نەگىزىندە اتقارىلىپ جاتقان شارالاردى سارالادى.

Egemen Qazaqstan گازەتىنىڭ 25 قازانداعى سانىندا جارىق كورگەن «ءبىلىمدىنى قولداۋ – بولاشاقتى ويلاۋ» ماتەريالىندا وقۋشىلار حالىقارالىق وليمپيادا مەن ءبىلىم بايگەلەرىندە وزا شاپقاندارعا مەملەكەت تاراپىنان بەرىلەتىن ءبىر رەتتىك سىياقى مولشەرى ايتىلدى.

«دارىندى بالالاردى قولداۋ ءۇشىن پرەزيدەنتتىڭ تاپسىرماسىنا سايكەس كون­كۋرس­قا قاتىسپاي-اق گرانتتار بەرۋ، سونداي-اق بىر­­­جولعى اقشالاي سىياقىلار كوز­دەلەدى: التىن مەدال ءۇشىن كەمىندە 1 500 اەك، كۇمىس مەدالعا – 1 000 اەك، قولا مە­دالعا 500 اەك ۇسىنىلادى»، دەگەن باس ۇستازدىڭ دەرەگىن العا تارتا وتىرىپ ءتىلشىمىز سىياقىنىڭ جالپى مولشەرىن ناقتىلادى.

«بيىلعى 1 ايلىق ەسەپتىك كورسەتكىش (اەك) – 2 917 تەڭگە. سوندا التىن مەدال العان وقۋشى ءبىر رەت 4 ملن 375 مىڭ 500 تەڭگەلىك اقشالاي سىياقى يەلەنەدى. ال كۇمىس مەدال يەگەرى 2 ملن 917 مىڭ تەڭگە، قولا مەدال يەسى 1 ملن 458 مىڭ 500 تەڭگەگە قول جەتكىزەدى»، دەپ جازدى ءتىلشى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار