باعدارلامالار • 25 قازان، 2021

«جاسىل قازاقستان» جوباسى بويىنشا 60 مىڭعا جۋىق جۇمىس ورنى اشىلادى

59 رەت كورسەتىلدى

قر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ «جاسىل قازاقستان» ۇلتتىق جوباسى تۋرالى ايتىپ بەردى، دەپ حابارلايدى Egemen.kz.

«ۇلتتىق جوبا «تازا قازاقستان»، «ۇنەمدى قازاقستان»، «تابيعات»، «ەكولوگيا بولاشاعى» اتتى ءتورت نەگىزگى باعىتتان جانە 11 تاپسىرمادان تۇرادى. ولاردىڭ اياسىندا 19 كورسەتكىش پەن 48 شارانى اتقارۋ كوزدەلگەن. «جوبانى ىسكە اسىرۋ حالىقتىڭ ناقتى كىرىستەرىن ارتتىرۋعا، ءجىو-ءنى 231 ملرد تەڭگەگە ۇلعايتۋعا ىقپال ەتەتىن بولادى. ۇلتتىق جوبانى ىسكە اسىرۋدىڭ ارقاسىندا 60 مىڭعا جۋىق جۇمىس ورنى اشىلادى»،  دەدى سەرىكقالي برەكەشەۆ ورتالىق كوممۋنيكاتسيالار قىزمەتىندە وتكەن بريفينگتە.

سونداي-اق، مينيستر بارلىق باعىتتار تۋرالى ەگجەي-تەگجەيلى ايتىپ بەردى.

مىسالى، «ۇنەمدى قازاقستان» باعىتى اياسىندا 401 ارنانى قايتا جاڭارتۋ جانە 212 ارنانى تسيفرلاندىرۋ ەسەبىنەن سۋارۋ كەزىندە سۋ شىعىنىن 4 تەكشە كيلومەترگە ازايتۋ جوسپارلانۋدا. «ۇلتتىق جوبادا سۋارمالى جەرلەردى 600 مىڭ گەكتارعا ۇلعايتۋ بويىنشا ءىس-شارالار كوزدەلگەن، قوسىمشا سۋارۋ كوزدەرىن قۇرۋ ءۇشىن 2025 جىلعا دەيىن اقمولا، باتىس قازاقستان، جامبىل، قىزىلوردا جانە تۇركىستان وبلىستارىندا جيناقتاۋ كولەمى 1،7 كم3 بولاتىن 9 جاڭا سۋ قويماسىن سالۋ جوسپارلانۋدا»، دەپ اتاپ ءوتتى مينيستر.

ءمينيستردىڭ ايتۋىنشا، ۇلتتىق جوبانى جۇزەگە اسىرۋ كولدەردەگى سۋدىڭ ساپاسىن جاقسارتۋعا، سۋارۋعا سۋ بەرۋ كەزىندە شىعىندى ازايتۋعا مۇمكىندىك بەرەدى. سونىمەن قاتار، ورماندى ەلىمىزدىڭ جالپى اۋماعىن 5%-عا دەيىن ۇلعايتۋعا مۇمكىندىك بەرەدى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار