مەديتسينا • 25 قازان، 2021

بيىل 3 مىڭ دارىگەر بىلىكتىلىگىن ارتتىرادى

60 رەت كورسەتىلدى

بيىل 3 مىڭ جالپى پراكتيكا دارىگەرى بىلىكتىلىك ارتتىرۋ كۋرستارىنا جىبەرىلەدى. بۇل تۋرالى ءماجىلىس دەپۋتاتتارىنىڭ ساۋالىنا قر پرەمەر-ءمينيسترىنىڭ ورىنباسارى ەرالى توعجانوۆتىڭ جاۋابىنا ايتىلعان، دەپ حابارلايدى Egemen.kz.

ۆيتسە-پرەمەر جاۋابىندا قازاقستان بويىنشا رەزيدەنتۋرادا كادرلار دايارلاۋعا وبلىستىق دەنساۋلىق ساقتاۋ باسقارمالارى بەرگەن 1 656 ءوتىنىمىنىڭ 1 500-ءى قاناعاتتاندىرىلعانىن اتاپ وتەدى. ال دارىگەرلىك كادرلار تەڭگەرىمسىزدىگى بارىنشا جوعارى وڭىرلەردە ولاردىڭ قاجەتتىلىگى تولىق دەرلىك جابىلدى.

«ماسەلەن، اقمولا وبلىسى بويىنشا 257 مامانعا دەگەن قاجەتتىلىكتى، ءبىلىم جانە عىلىم ۇيىمدارىنا ولاردىڭ وڭىرلىك ورنالاسۋىن ەسكەرە وتىرىپ، 2021-2022 وقۋ جىلىنا مەملەكەتتىك ءبىلىم بەرۋ تاپسىرىسى بويىنشا 216 ورىن نەمەسە قاجەتتىلىكتىڭ 84 پايىزى ءبولىندى. قوستاناي وبلىسىندا وڭىرگە ءوتىنىم بەرگەن كەزدە 250 مامانعا رەزيدەنتۋرادا 233 ورىن نەمەسە قاجەتتىلىكتىڭ 93 پايىزى ورنالاستىرىلدى»، دەدى ەرالى توعجانوۆ.

سونىمەن قاتار ول 2021 جىلعى 12 قازاندا ۇكىمەتتىڭ قاۋلىسىمەن «دەنى ساۋ ۇلت» ءاربىر ازامات ءۇشىن ساپالى جانە قولجەتىمدى دەنساۋلىق ساقتاۋ» ۇلتتىق جوباسى بەكىتىلگەنىن اتاپ وتەدى.

«وندا مەديتسينا كادرلارىن، ونىڭ ىشىندە ارنايى جانە تاپشى ماماندىقتاردى دايارلاۋعا ارنالعان گرانتتاردىڭ سانىن 2021 جىلعا بولىنگەن 1500-دەن 2025 جىلى 2000-عا دەيىن ۇلعايتۋ جوسپارلاندى. 2021 جىلى 3000 جالپى پراكتيكا دارىگەرلەرىن (2020 جىلى – 2525 ادام وقىتىلدى) بىلىكتىلىگىن ارتتىرۋ كۋرستارىنا جىبەرۋ جوسپارلاندى»، دەدى ۇكىمەت باسشىسىنىڭ ورىنباسارى.

سوڭعى جاڭالىقتار

ۇقساس جاڭالىقتار