وقيعا • 25 قازان، 2021

ماڭعىستاۋدا گاز قۇبىرى جارىلدى

67 رەت كورسەتىلدى

ماڭعىستاۋدا جەڭىل كولىك گاز قۇبىرىنا سوعىلىپ، سالدارىنان 16 ءۇي كوگىلدىر وتىنسىز قالدى، دەپ حابارلايدى Egemen.kz.

وقيعا مۇنايلى اۋدانىنىڭ باسقۇدىق اۋىلىندا تۇنگى مەزگىلدە بولعان. ماس جۇرگىزۋشى كولىك رۋلىنە يە بولا الماي، كوشە بۇرىلىسىنداعى قۇبىردى سوققان. سول جەردە ءورت تۇتانىپ، «ۋاز پاتريوت» كولىگى تۇگەل جانىپ كەتتى. زارداپ شەككەندەر جوق. قازىرگى تاڭدا ب ۇلىنگەن قۇبىردى قالپىنا كەلتىرۋ جۇمىستارى جۇرگىزىلىپ جاتىر. پوليتسيا دەپارتامەنتىنىڭ حابارلاۋىنشا، جۇرگىزۋشىگە اكىمشىلىك حاتتاما تولتىرىلعان. ول 7 جىلعا كولىكتى باسقارۋ قۇقىعىنان ايىرىلۋى مۇمكىن.

«جۇرگىزۋشىگە قر اكىمشىلىك قۇقىقبۇزۋشىلىق كودەكسىنىڭ 608-بابى، 3-بولىگى بويىنشا اكىمشىلىك حاتتاما تولتىرىلدى. جول-كولىك وقيعاسىنىڭ الدىن الۋ جانە بولدىرماۋ شارالارىن كۇشەيتۋ ماقساتىندا ماڭعىستاۋ وبلىسىنىڭ پوليتسيا قىزمەتكەرلەرى وبلىس تۇرعىندارىن جولدارداعى ەرەكشە جاۋاپكەرشىلىك تۋرالى ەسكەرتەدى»، دەيدى مو پوليتسيا دەپارتامەنتى ءبولىم باسشىسىنىڭ م. ا. ايگەرىم يباتۋللاەۆا.

سوڭعى جاڭالىقتار

ۇقساس جاڭالىقتار