بۇل تۋرالى ۇلتتىق بانكتىڭ ءباسپاسوز قىزمەتى مالىمدەدى.
تيىسىنشە وتىمدىلىكتى ۇسىنۋ جونىندەگى تۇراقتى قولجەتىمدى وپەراتسيالار بويىنشا مولشەرلەمە 10,75%, ال وتىمدىلىكتى الۋ جونىندەگى تۇراقتى قولجەتىمدى وپەراتسيالار بويىنشا مولشەرلەمە – 8,75% بولادى. شەشىم ەكونوميكادا ساقتالىپ وتىرعان ينفلياتسياعا قارسى قىسىم اياسىندا قابىلداندى, ونىڭ ناتيجەسىندە ينفلياتسيا 2021 جىلى 7,5-8,5% بولجامدى اۋقىمنان, الەمدىك نارىقتارداعى باعالاردىڭ وسۋىنەن, ساۋدا ارىپتەس ەلدەردەگى ينفلياتسيانىڭ جەدەلدەۋىنەن جانە ەل ىشىندەگى جوعارى ينفلياتسيالىق كۇتۋلەردەن جوعارى قالىپتاسادى.
سىرتقى ينفلياتسيالىق احۋال قولايسىز بولىپ قالۋدا. بۇل الەمدەگى ازىق-ت ۇلىك باعاسىنىڭ جوعارى بولۋىنا, جەتكىزىلىم قاتارىنىڭ ۇزىلىستەرىنە, تاسىمالداۋ, شيكىزات پەن ەنەرگيا تاسىمالداۋشىلار قۇنىنىڭ وسۋىنە, سونداي-اق ىشكى سۇرانىستىڭ قالپىنا كەلۋىنە بايلانىستى.
فاو ازىق-ت ۇلىك باعالارىنىڭ يندەكسى 2021 جىلعى قىركۇيەكتە ازىق-ت ۇلىك تاۋارلارىنىڭ بارلىق شاعىن توپتارىنا باعانىڭ ارتۋى ناتيجەسىندە جىلدىق كورسەتۋدە 32,8%-عا ءوستى.
