الەم • 25 قازان، 2021

حالىقارالىق بەيجىڭ مارافونى وتپەيتىن بولدى

56 رەت كورسەتىلدى

ەكىنشى جىل قاتارىنان مەرەيتويلىق، 40-شى حالىقارالىق بەيجىڭ مارافونى قىتاي حالىق رەسپۋبليكاسى استاناسىنداعى ەپيدەميولوگيالىق جاعدايعا بايلانىستى كەيىنگە قالدى. بۇل تۋرالى سپورت شاراسىن ۇيىمداستىرۋ كوميتەتىنىڭ حابارلاماسىندا ايتىلادى، دەپ حابارلايدى Egemen.kz.

حابارلامادا كوروناۆيرۋستىڭ كلاستەرلىك ورشۋىنە بايلانىستى، سونداي-اق ەپيدەميانىڭ تارالۋ قاۋپىنىڭ الدىن الۋ، جۇگىرۋشىلەر، قىزمەتكەرلەر جانە جۇرتشىلىقتىڭ دەنساۋلىعىن ساقتاۋدى قامتاماسىز ەتۋ ماقساتىندا 31 قازاندا وتكىزىلۋى ءتيىس بولعان. الايدا بەيجىڭ مارافونى كەيىنگە قالعانى ايتىلعان. جۇگىرۋدىڭ جاڭا داتاسى قوسىمشا جاريالانادى.

ەسكە سالا كەتسەك، 40-شى حالىقارالىق بەيجىڭ مارافونى 2020 جىلى ءوتۋى ءتيىس بولعان، بىراق كوروناۆيرۋس پاندەمياسىنا بايلانىستى كەيىنگە اۋىستىرىلعان.

بيىلعى 1 قازاندا قىتايداعى ابىرويلى سپورت جارىسىنا قاتىسۋشىلاردىڭ رەسمي تىركەلۋى باستالدى. بەيجىڭ مارافونىنا 30 مىڭعا جۋىق سپورتشى قاتىسۋعا نيەتتى بولعان.

ۇيىمداستىرۋ كوميتەتىنىڭ بۇعان دەيىن تاراتقان حابارلاماسىندا جازىلعانداي، مارافون قاتىسۋشىلارى كوروناۆيرۋسقا قارسى ۆاكتسينا الۋى، جارىسقا 21 كۇن قالعاندا كۇن سايىن دەنساۋلىعىنىڭ جاعدايى تۋرالى «رەسمي مالىمدەۋ» جانە بەيجىڭ سىرتىنا شىقپاۋى ءتيىس بولعان.

بۇدان باسقا، جۇگىرۋشىلەردىڭ قولىندا مارافون ستارتىنان 72 ساعات بۇرىن كۆي تەرىس قورىتىندىسىن كورسەتكەن تەست بولۋى ءتيىس. ۇزاقتىعى 42،195 شاقىرىم قاشىقتىق بەيجىڭ ورتالىعىنداعى تيانانمەن الاڭىنان باستالىپ، قحر استاناسىنىڭ سولتۇستىگىندەگى وليمپيادا سپورت كەشەنىندە اياقتالادى. بەيجىڭ مارافونى 1981 جىلدان بەرى جىل سايىن وتكىزىلىپ كەلەدى.

ونىڭ تراسساسى حالىقارالىق جەڭىلاتلەتيكالىق فەدەراتسيالار قاۋىمداستىعىنىڭ ولشەمدەرىنە سايكەس كەلەدى جانە وندا الەمدىك رەكوردتار ورناتىلۋى مۇمكىن.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار