قوعام • 25 قازان، 2021

الماتى وبلىسىندا دا دۇنيەگە ۇشەم كەلدى

149 رەت كورسەتىلدى

الماتى وبلىسىندا 26 جاستاعى جاس انا دۇنيەگە ۇشەم اكەلدى. سابيلەردىڭ ۇشەۋى دە قىز بالا، دەپ حابارلايدى Egemen.kz.

ۇشەمدەردىڭ اناسى - كوكسۋ اۋدانىنىڭ تۇرعىنى ارداگۇل اسكەربەك. ول - تالدىقورعانداعى قوعامدىق-ساياسي «الاتاۋ» گازەتىنىڭ ءتىلشىسى. بۇل باسىلىمدى بەلگى ايتىستار اقىن ايتاقىن بۇلعاقوۆ باسقارادى.

«26 جاستامىن.تۇڭعىشىم بەس جاستا. ءبىر قىزىم، ەكى ۇلىم بار. بۇگىن مىنە ۇشەمنىڭ اتا-اناسى اتانىپ، 6 بالالى بولدىق. ءتاۋبا، اللانىڭ قالاۋى. نەگىزى جولداسىم جاقتان دا، ءوزىم جاقتان دا تۇقىمىمىزدا ەگىز بار. بىراق ۇشەم جوق»، دەيدى جاس انا ارداگۇل اسكەربەك.

ارداگۇل بۇگىن تالدىقورعان قالاسىنداعى وبلىستىق پەريناتالدىق ورتالىقتا تاڭەرتەڭ ساعات 10:10 شاماسىندا بوسانعان.

«سابيلەرىمنىڭ جاعدايى جاقسى. سالماعى - 1 كگ 900، 1 كگ 800 جانە 1كگ 700 گرامم. قازىر دارىگەرلەردىڭ باقىلاۋىندا»، دەدى جاس انا.

شاڭىراعى شاتتىققا بولەنىپ جاتقان جاس وتباسى اتا-اناسىمەن بىرگە تۇرادى.

ايتا كەتەيىك، بۇعان دەيىن تۇركىستان وبلىسىنىڭ № 2 وبلىستىق پەريناتالدىق ورتالىعىندا ۇشەم دۇنيەگە كەلگەنىن حابارلاعان بولاتىنبىز. 

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار