تەحنولوگيا • 25 قازان، 2021

ونلاين الۋعا بولاتىن مەملەكەتتىك قىزمەتتەر كوبەيەدى

69 رەت كورسەتىلدى

قازاقستاننىڭ تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ۇيدەن شىقپاي-اق، ونلاين الۋعا بولاتىن مەملەكەتتىك قىزمەتتەر ءتىزىمىن كەڭەيتۋدى جوسپارلاپ وتىر، دەپ حابارلايدى Egemen.kz.

قر ءتسدياوم باسشىسى باعدات ءمۋسيننىڭ ايتۋىنشا، بۇگىنگى تاڭدا 690 مەملەكەتتىك قىزمەت ونلاين تۇردە ۇسىنىلادى. بىراق تەكسەرۋ ناتيجەسىندە ولاردىڭ كەيبىرەۋلەرىندە ءالى كۇنگە دەيىن اۆتوماتتاندىرىلماعان ۇساق تۇرلەرى بار ەكەنى بەلگىلى بولدى.

«ايتالىق، جىلجىمايتىن م ۇلىكتى تىركەۋ كەزىندەگى مۇنداي قىزمەتتەر 25-تەن اسادى. ءبىز بۇل قىزمەتتى ءاردايىم اۆتوماتتاندىرىلعان دەپ بەلگىلەدىك، ونلاين فورماتتا ۇسىنىلادى دەپ ويلادىق. قىزمەت اۆتوماتتاندىرىلدى، بىراق حالىق حقكو-عا بارۋدى جالعاستىرۋدا. ءبىز ونىڭ ۇساق تۇرلەرى بار ەكەنىن انىقتادىق – بۇل كەپىلدى تىركەۋ، جەر ۋچاسكەسىنە قۇقىقتاردى تىركەۋ، كەلىسىمشارت تالاپتارىن وزگەرتۋ. بۇل ىلەسپە قىزمەت تۇرلەرىنىڭ بارلىعى اۆتوماتتاندىرىلماعان»، دەپ ءتۇسىندىردى ول ماجىلىستەگى ۇكىمەت ساعاتى كەزىندە.

وسىعان بايلانىستى مينيسترلىك مەملەكەتتىك قىزمەتتەردىڭ بارلىق كىشى تۇرلەرىن اۆتوماتتاندىرۋدى ۇسىنادى، سونىڭ ارقاسىندا ولاردىڭ 2 مىڭعا جۋىعىن ونلاين الۋعا بولادى.

«قىزمەتتەردىڭ 90%-ى نەگىزىنەن، اۆتوماتتاندىرىلعان، بىراق قازىر ءبىز كىشى تۇرلەرىن ەسكەرە وتىرىپ، مەملەكەتتىك قىزمەتتەر ءتىزىمىن كەڭەيتۋ تۋرالى ۇسىنىسپەن كەلە جاتىرمىز. ءبىز ءار كىشى قىزمەت تۇرلەرىن اۆتوماتتاندىرۋدى باستايمىز. مىسالى، زاڭدى تۇلعالاردى نەمەسە بيزنەستى تىركەۋدى ەلەكتروندىق ۇكىمەت ارقىلى جۇرگىزۋگە بولادى، بىراق قۇرىلتايشىلار اۋىسقان كەزدە حقكو-عا بارۋعا تۋرا كەلەدى. سوندىقتان ءبىز قازىر بارلىق كىشى قىزمەت تۇرلەرىن بولەك بەكىتەمىز جانە 2 مىڭعا جۋىق مەملەكەتتىك قىزمەتتەردىڭ ءتىزىمىن كەڭەيتەمىز»، دەدى مۋسين.

مينيستر مەملەكەتتىك ورگاندار 1788 مەملەكەتتىك قىزمەتتى ونلاين قولجەتىمدى ەتۋگە ءوز كەلىسىمىن بەرگەنىن ايتتى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار