«قازاقمىس» وندىرىسشىلەردىڭ جالاقىسىن كوتەرەدى

دۇيسەنبى كۇنى قازاق­مىس توبى بيىلعى جىل­دىڭ 1 ساۋىرىنەن باس­تاپ ءون­دى­رىس­تە جۇمىس ىستەي­تىن قىز­­مەتكەرلەردىڭ ەڭبەك­اقى­­لارىن 10 پايىزعا ءوسى­رە­تىن­دىگىن حابارلادى. 2014 جىل­عى 14 اقپاندا ۇكىمەتتىڭ كەڭەي­تىلگەن وتىرىسىنداعى پرە­زيدەنت نۇرسۇلتان نازار­­باەۆ­تىڭ ۇسىنىسىنا وراي وسىنداي شەشىم قابىلدانعان. «بۇل جونىندە ناق­تى شەشىم ءدال كەشە قابىلدانا قوي­ماعانىمەن, ەلباسىنىڭ ەڭبەك ادامىنىڭ جاعدايىن جاساۋعا قا­تىستى ويى مىس وندىرۋشىلەردىڭ جۇ­­مىسىن ۇيىمداستىرۋشىلار تا­­را­پىنان تۇسىنىستىك تاۋىپ وتىر. كومپانيا باسشىلىعى وسى ماسەلە بويىنشا تاياۋ كۇندەردە ارناۋلى مالىمدەمە جاساماقشى». – ارىپتەسىمىز ايقىن نەسىپبايدىڭ سەنبى كۇنى جاريالانعان «جالاقىنى ءوسىرۋ ماسەلەسى شەشىلەدى» اتتى ماقالاسى وسىلاي اياقتالعان ەدى. سولاي بولىپ تا شىقتى. «قازاقمىس» سوڭعى جىلدارى ءوز قىزمەتكەرلەرىنىڭ ەڭبەكاقىلارىن وسىرگەن وسى سالاداعى ساناۋلى كومپانيالاردىڭ ءبىرى ەكەن­دىگىمەن ماقتانا الادى. ماسە­لەن, 2012 جىلدىڭ وزىندە جۇمىس­شى­لاردىڭ ەڭبەكاقىسى ورتا ەسەپ­پەن 30 پايىزعا وسىرىلگەن. وسى­لايشا قازىرگە «قازاقمىستاعى» ءوندى­رىس­شى­لەردىڭ ەڭبەكاقى دەڭگەيى وسى سالا بويىنشا ەڭ جوعارى بولىپ وتىر. «تەڭگە باعامىنىڭ وزگەرۋى ءبىزدىڭ قىزمەتكەرلەرىمىزدىڭ دە الاڭداۋشىلىعىن تۋدىردى جانە ءبىز قابىلداعان شەشىم ولاردىڭ وتباسىلارىنا دەمەۋ بولادى دەپ سەنەمىز. قازاقستانداعى كاسىپ­ورىن­دارىمىزدا شامامەن 55 000 ادام جۇمىس ىستەيدى. ولاردىڭ باسىم بولىگى تىكەلەي وندىرىستە ەڭبەك ەتەدى جانە كومپانيا قاشان­دا وندىرىستە جۇمىس ىستەيتىن قىز­مەتكەرلەر ءۇشىن ءادىل جالاقى تولەۋ ساياساتىن ۇستانادى», دەپ مالىمدەدى قازاقمىس توبىنىڭ باسقارۋشى باس ديرەكتورى ولەگ نوۆاچۋك. ال «قازاقمىس» كورپوراتسياسى – مىس, التىن, مىرىش, كۇمىس, ەلەكتر ەنەرگياسىن وندىرۋدە ەلەۋلى اكتيۆتەرى بار, تابيعي رەسۋرستاردى ءوندىرۋ جانە وڭدەۋمەن اينالىساتىن حالىقارالىق جەتەكشى توپ بولىپ تابىلادى. «قازاقمىستىڭ» 16 كەنىشى, 8 تاۋ-كەن فابريكالارى جانە ەكى مىس بالقىتۋشى وندىرىستىك كەشەنى بار, قازىر ولاردىڭ بىرىندە قايتا قۇرۋ جۇمىستارى جۇرگىزىلۋدە. مىس ءوندىرىسى كەن وندىرۋدەن باستاپ مىس كاتانكاسىن جانە كاتودتى مىس تۇرىندەگى دايىن ءونىم شىعارۋعا دەيىن تولىقتاي ينتەگراتسيالانعان. 2013 جىلى مەنشىكتى كەننەن 294 مىڭ توننا كاتودتى تەڭگەرىمدەگى مىس ءوندىرىلدى. بۇل ءوندىرىس ەلەكتر ەنەرگياسىنىڭ ىشكى تاسىمالدارىمەن جانە اۋقىمدى تەمىرجول ينفراقۇرىلىمىمەن قامتاماسىز ەتىلگەن. ايناش ەسالي, «ەگەمەن قازاقستان». جەزقازعان.