قارجى • 24 قازان، 2021

توعىز بانكتىڭ قىزمەتى توقتايدى

1135 رەت كورسەتىلدى

قارجى نارىعىن رەتتەۋ جانە دامىتۋ اگەنتتىگى ليتسەنزياسى قايتارىلىپ، نارىقتاعى جۇمىسى توقتايتىن ەكىنشى دەڭگەيلى بانكتەر ءتىزىمىن جاريالادى. بانك قىزمەتىن توقتاتۋ كەزىندەگى نەگىزگى ماقسات – كرەديتورلاردىڭ تالاپتارىن قاناعاتتاندىرۋ، ولارمەن ەسەپ ايىرىسۋدى قامتاماسىز ەتۋ جانە بانكتىڭ بارلىق وپەراتسياسىن اياقتاۋ دەپ كورسەتىلگەن اگەنتتىك مالىمدەمەسىندە. 

اگەنتتىكتىڭ حابارلاۋىنشا، قازىرگى ۋاقىتتا 9 بانك تاراتىلۋ ساتىسىندا تۇر. بۇلار – «ۆاليۋت-ترانزيت بانك»، «قازين­ۆەست­بانك»، Delta Bank، «ەك­سيمبانك قازاق­­ستان»، «استانا بانكى»، Qazaq Banki، Tengri Bank، AsiaCredit Bank جانە Capi­tal Bank Kazakhstan. بانكتەردىڭ تاراتۋ وندىرىستەرىن جۇرگىزۋ ءتارتىبى جانە پروتسەسى تۋرالى حابارلاعان اگەنتتىك بانك كرەديتورلارىنىڭ تالاپتارى «قازاقستان رەسپۋبليكاسىنىڭ بانكتەر جانە بانك قىزمەتى تۋرالى» زاڭى نەگىزىندە ورىندالاتىنىن ايتادى:

ءبىرىنشى كەزەكتە، ەڭبەكاقى تولەۋ بو­يىنشا جانە ءومىرى نەمەسە دەنساۋلىعىنا زيان كەلگەنى ءۇشىن بانك جاۋاپكەرشىلىك اتقاراتىن جەكە تۇلعالار بويىنشا تالاپتار قاناعاتتاندىرىلادى. ەكىنشى كەزەكتە، جەكە تۇلعالاردىڭ دەپوزيتتەرى بو­يىن­شا كەپىلدىك بەرىلگەن سوما شە­گىن­دە «قازاقستاننىڭ دەپوزيتتەرگە كەپىل­دىك بەرۋ قورى» اق (قدكق) الدىن­دا ەسەپ ايىرىسۋ. ءۇشىنشى كەزەكتە، بانك مۇل­كىنىڭ كەپىلىمەن قامتاماسىز ەتىلگەن مىندەت­تەمەلەر بويىنشا ەسەپ ايىرىسۋ. ءتورتىنشى كەزەكتە، ۇلەستەس تۇلعالار بولىپ تابىلمايتىن جەكە تۇلعالاردىڭ قدكق كەپىلدىك بەرىلگەن سوماسىنان اساتىن دەپوزيتتەرى بويىنشا، سونداي-اق زەينەتاقى اكتيۆ­تەرى­نىڭ ەسەبىنەن جۇزەگە اسىرىلعان دەپو­زيتتەر بويىنشا جانە ء«ومىردى ساق­تان­دىرۋ» سالاسى بويىنشا جۇزەگە اسى­رىلعان ساقتاندىرۋ ۇيىمدارىنىڭ دەپوزيتتەرى بويىنشا ەسەپ ايىرىسۋ. بەسىنشى كەزەكتە، كوممەرتسيالىق ەمەس ۇيىمداردىڭ جەكەلەگەن ساناتتارىنىڭ (قايىرىمدىلىق ۇيىمدارى، ۇلى وتان سوعىسىنىڭ ارداگەرلەرى، مۇگەدەكتەر قوعامدارى) الدىندا ەسەپ ايىرىسۋ. التىنشى كەزەكتە، ۇلەستەس ەمەس زاڭدى تۇلعالاردىڭ دەپو­زيتتەرى بويىنشا ەسەپ ايىرىسۋ. جەتىن­شى كەزەكتە، سالىقتار، الىمدار جانە بيۋد­جەتكە تولەنەتىن باسقا دا مىندەتتى تولەم­دەر بويىنشا ەسەپ ايىرىسۋلار، رەس­پۋب­ليكالىق بيۋدجەت قاراجاتى جانە قازاق­ستان رەسپۋبليكاسى ۇلتتىق قورىنىڭ قارا­جاتى ەسەبىنەن بەرىلگەن قارىزدار. سەگىزىن­شى كەزەكتە، قالعان كەزەكتەرگە كىرمەگەن باسقا كرەديتورلار الدىنداعى ەسەپ ايى­رىسۋلار. توعىزىنشى كەزەكتە، ۇلەستەس جەكە جانە زاڭدى تۇلعالاردىڭ دەپوزيتتەرى بويىنشا ەسەپ ايىرىسۋ. ونىنشى كەزەكتە، رەتتەلگەن بورىش جانە مەرزىمسىز قارجى قۇرالدارى بويىنشا ەسەپ ايىرىسۋ.

بۇل رەتتە ءاربىر كەزەكتىڭ تالاپتارى الدىڭعى كەزەكتىڭ تالاپتارى تولىق ورىن­­دالعاننان كەيىن قاناعاتتان­دىرى­لادى. تاراتۋ ءوندىرىسىن جەدەل اياقتاۋ جانە كرەدي­تورلاردىڭ تالاپتارىن وتەۋ ماق­ساتىن­دا اگەنتتىك بانكتىڭ تاراتۋ كوميس­سيا­سىن تاعايىندايدى. تاراتۋ كوميسسيا­سى­نىڭ قۇرامىنا تاراتۋ كوميسسياسىنىڭ تور­اعاسى مەن مۇشەلەرىنە قويىلاتىن تالاپ­تارعا سايكەس كەلەتىن كانديداتتار، قدكق قىزمەتكەرلەرى نەمەسە اگەنتتىك قىز­مەت­كەرلەرى كىرەدى. ول كوميسسيا تاراتى­لاتىن بانكتىڭ اتىنان ارەكەت ەتەدى جانە ءوز قۇزىرەتىنە كىرەتىن ماسەلەلەر بو­يىن­شا دەربەس شەشىم قابىلداي الا­دى: ياعني كرەديتورلار ءتىزىلىمىن قالىپتاس­تىرا­­دى، م ۇلىكتى ساتۋ بويىنشا ساۋدا-سات­ت­ىق ۇيىمداستىرادى، بەرەشەكتى سوت تارتىبىم­ەن ءوندىرىپ الۋ بويىنشا ارەكەت ەتەدى.

«بانكتى ماجبۇرلەپ تاراتۋ كەزىندە كرەديتورلاردىڭ مۇددەلەرىن قامتاماسىز ەتۋ جانە ولاردىڭ قاتىسۋىمەن شەشىمدەر قابىلداۋ ءۇشىن كرەديتورلار كوميتەتى قۇرىلادى، ونىڭ نەگىزگى وكىلەتتىگى – بانكتىڭ اكتيۆتەرىن (مۇلكىن) وتكىزۋ جوسپارىن بەكىتۋ جانە تاراتۋ شىعىستارىنىڭ سمەتاسىن بەكىتۋ. كرەديتورلار كوميتەتى­نىڭ قۇرامىنا تالاپتاردىڭ ەڭ كوپ سوماسى بار كرەديتورلار، ءاربىر كەزەكتەگى كرەديتورلار ساناتىنان ءبىر-ءبىر وكىلدەن كىرەدى. كوميتەتكە ەنگىزىلگەن كرەديتورلاردىڭ سانى ءۇش وكىلدەن كەم بولماۋى ءتيىس» دەلىنەدى اگەنتتىك حابارلاماسىندا.

تاراتىلاتىن توعىز بانكتىڭ سەگىزىندە («قازينۆەستبانكتەن» وزگەسىندە) كرەديتورلار كوميتەتى بار ەكەن. سونداي-اق تاراتۋ ءوندىرىسىنىڭ شەڭبەرىندە بانك اكتيۆتەرى­نەن تاراتۋ ماسساسى قالىپ­تاستىرىلادى. تاراتىلاتىن بانكتىڭ اكتيۆتەرى: بانكتىڭ مەنشىكتى مۇلكىنەن; زاڭدى جانە جەكە تۇلعالارعا بەرىلگەن قارىز­داردان; اقشادان; باعالى قاعازدار­دان; جىلجىمالى جانە جىلجىمايتىن م ۇلىكتەن تۇرادى.

«تاراتىلاتىن بانكتىڭ ۇيلەرى مەن عيماراتتارى، وزگە جىلجىمايتىن م ۇلىك وبەكتىلەرى، كولىك قۇرالدارى قۇنىنا قاراماستان، سونداي-اق تاراتىلاتىن بانكتىڭ مۇلكىنىڭ بىرەۋىنىڭ باعالاۋ قۇنى 100 ايلىق ەسەپتىك كورسەتكىشتەن اساتىن وزگە مۇلكى جاريا ساۋدا-ساتتىق (اۋكتسيون) ارقىلى عانا وتكىزىلەدى. بانكتەردىڭ بۇكىل مۇلكىن وتكىزۋ تۋرالى اقپارات تاراتىلاتىن بانكتىڭ سايتىندا جاريالانادى. تاراتىلاتىن بانكتەردەگى اكتيۆتەردىڭ نەگىزگى ءتۇرى قارىزدار بويىنشا بەرەشەك جانە دەبيتورلىق بەرەشەك بولىپ تابىلادى. بۇل رەتتە تاراتىلاتىن بانكتەردىڭ نەسيە پورتفەلىندەگى NPL دەڭگەيى 84 پايىزدان 99 پايىزعا دەيىنگى ارالىقتى قۇرايدى» دەلىنەدى حابارلامادا.

قازىر ءار بانك كرەديتورلار تالاپتارىن ورىنداۋدىڭ ءتۇرلى ساتىسىندا ءجۇر. «قازينۆەستبانك»، «ەكسيمبانك قازاقستان» جانە Delta Bank-ءتىڭ تاراتۋ كوميسسيالارى دەپوزيتور-جەكە تۇل­عا­لارعا تولەنگەن كەپىلدىك وتەماقىلار بويىنشا قدكق الدىنداعى، سونداي-اق قدكق-نىڭ كەپىلدىك تولەمىنىڭ ەڭ جوعارى مولشەرىنەن اسىپ تۇسەتىن دەپوزيتتەر بويىنشا جەكە تۇلعالار الدىنداعى ءوز مىندەتتەمەلەرىن تولىق وتەگەن. سونىمەن قاتار «قازينۆەستبانك» زاڭدى تۇلعالار الدىنداعى تالاپتاردى 5،8 پايىزعا نەمەسە 6،3 ملرد تەڭگەگە، «ەكسيمبانك قازاقستان» 19،1 پايىزعا (2 ملرد تەڭگە) جانە Delta Bank م ۇلىك كەپىلىمەن قامتاماسىز ەتىلگەن كرەديتوردىڭ الدىندا 15،9 پايىزعا (2،2 ملرد تەڭگە) قاناعاتتاندىردى. ال «ۆاليۋت-ترانزيت بانك»، «استانا بانكى»، Qazaq Banki جانە Tengri Bank-ءتىڭ تاراتۋ كوميسسيالارى دەپوزيتور-جەكە تۇلعالارعا تولەنگەن كەپىلدىك وتەماقىسى بويىنشا قدكق الدىنداعى تالاپتاردى قاناعاتتاندىرۋ ساتىسىندا تۇر. 2021 جىلعى 1 قازانداعى جاعداي بويىنشا Tengri Bank قدكق الدىنداعى تالاپتاردى 87 پايىزعا نەمەسە 15،4 ملرد تەڭگەگە، «ۆاليۋت-ترانزيت بانك» 57 پايىزعا (10،4 ملرد تەڭگە)، «استانا بانكى» 43،9 پايىزعا (16،5 ملرد تەڭگە)، Qazaq Banki 16،3 پايىزعا (3،3 ملرد تەڭگە) قاناعاتتاندىرعان.

اگەنتتىك AsiaCredit Bank-ءتىڭ ارالىق تەڭگەرىمدى قالىپتاستىرىپ، Capital Bank Kazakhstan-نىڭ ىستەردى ۋاقىتشا اكىم­شىلىكتەن تاراتۋ كوميسسياسىنا بەرۋ بو­يىنشا جۇمىس جۇرگىزىپ جاتقانىن ايتادى. وسى ىستەردى اياقتاعان سوڭ ولار كرەديتورلار ءتىزىلىمىن قالىپتاستىرۋ جانە كرەديتورلار كوميتەتىن قۇرۋعا كىرىسپەك. تۇتاس­تاي العاندا، كرەديتورلاردىڭ تالاپ­­تارىن ودان ءارى قاناعاتتاندىرۋ مول­­شەرى بانك­تەردىڭ تاراتۋ ماسساسىنا كىرەتىن اكتيۆ­تەردىڭ ساپاسىنا بايلانىستى بولماق.

ازاماتتار قىزمەتى توقتايتىن بانك­تەردىڭ تاراتۋ ءوندىرىسىنىڭ بارىسى تۋرالى اقپاراتتى اگەنتتىكتىڭ رەسمي سايتى­نان تابا الادى. ال دەپوزيتور-جەكە تۇلعا­لارعا كەپىلدىك بەرىلگەن وتەمدى تولەۋ بارى­سى تۋرالى اقپارات قدكق رەسمي سايتىن­دا جاريالانعان. تاراتىلاتىن بانك­تەر دە وزدەرىنىڭ رەسمي رەسۋرسىندا بانكتەردىڭ ساتىلاتىن مۇلكى تۋرالى اقپار شىعارادى.

سوڭعى جاڭالىقتار

«كانەلو» قارسىلاس تاڭدادى

كاسىپقوي بوكس • بۇگىن، 10:00

ق ۇلىباەۆ قىزمەتىنەن كەتتى

قوعام • بۇگىن، 09:20

قىرعىزعا قارسى شىعادى

بوكس • بۇگىن، 09:00

فاتيما حانىمنىڭ كويلەگى

تاريح • بۇگىن، 08:59

ۆاگنەر لاۆ دانيادا وينايدى

فۋتبول • بۇگىن، 08:57

مىقتىلار مەلبۋرندە باس قوستى

تەننيس • بۇگىن، 08:51

كوكتالعا كوپىر سىيلاعان

ايماقتار • بۇگىن، 08:49

كاسىپ مەڭگەرگەن قاتاردان قالمايدى

قازاقستان • بۇگىن، 08:40

دونور بولۋ – ءومىر سىيلاۋ

مەديتسينا • بۇگىن، 08:35

الماتىعا 10 رەانيموبيل سىيلادى

مەديتسينا • بۇگىن، 08:31

«وميكرون» جەدەل تارالۋدا

الەم • بۇگىن، 08:23

ۇقساس جاڭالىقتار