«قايرات» ءوز الاڭىندا ەلدەگى فۋتبول چەمپيوناتى ءۇشىن كۇرەستە كوپ جىلعى قارسىلاسىن قابىلدادى.
الماتىلىقتار 8-ءشى مينۋتتا لەگيونەر نەبويشا كوسوۆيچتىڭ ارقاسىندا ەسەپ اشتى. 1:0 ناتيجەسى ماتچتىڭ سوڭىنا دەيىن وزگەرگەن جوق.
بۇل جەكپە-جەك جانجالمەن ەستە قالادى. ءبىرىنشى تايمنىڭ اياقتالۋىنا بەس مينۋت قالعاندا قوناقتاردىڭ جاتتىقتىرۋشىسى اندرەي تيحونوۆ تۇسىنىكسىز سەبەپتەرمەن ءوز جاساعىن فۋتبول الاڭىنان الىپ كەتتى. 10 مينۋتتان كەيىن ەلوردالىق كلۋب الاڭعا ورالىپ, ويىن جالعاسىن تاپتى.
ەندى سوڭعى تۋردا 30 قازاندا «استانا» «تۇراندى» قابىلداسا, «توبىل» «اقجايىققا» قوناققا بارادى. وسى كەزدەسۋلەردىڭ ناتيجەسىنە قاراماستان, «قايرات» بيىلعى بىرىنشىلىكتىڭ قولا مەدالىنە كەپىلدىك بەردى.
