كوروناۆيرۋس • 24 قازان، 2021

Pfizer ۆاكتسيناسى بالالارعا ءتيىمدى مە؟

245 رەت كورسەتىلدى

«Pfizer-BioNTech» COVID-19 ۆاكتسيناسى 5 پەن 11 جاس ارالىعىنداعى بالالارعا 90،7% تيىمدىلىگىن راستادى. بۇل تۋرالى Pfizer كومپانياسى جۇما كۇنى مالىمدەدى، دەپ حابارلايدى Egemen.kz.

فارماكولوگيالىق كومپانيا اقش-تا اتالعان جاس ساناتىنا ۆاكتسينانى جەدەل قولدانۋعا رۇقسات الۋ ءۇشىن ءوتىنىم جىبەردى. ول اقش-تىڭ ءدارى-دارمەك جونىندەگى فەدەرالدى اگەنتتىگىنىڭ سايتىندا جاريالانعان.

Pfizer كەلتىرگەن دەرەكتەرگە سايكەس، ەكىنشى دوزادان كەيىن كەم دەگەندە جەتى كۇن وتكەننەن كەيىن ۆيرۋستىڭ سيمپتومدىق فورمالارىنا قارسى ۆاكتسينانىڭ تيىمدىلىگى 90،7% كورسەتتى. زەرتتەۋ 5-11 جاس ارالىعىنداعى 2 250 بالاعا جۇرگىزىلدى. ولاردىڭ 1 500-ءى ۆاكتسينا، ال 750-ءى پلاتسەبو الدى. Pfizer كومپانياسى ۆاكتسينالاۋدان كەيىن اۋىر اۋرۋ تۇرلەرى مەن مۋلتي قابىنۋ سيندرومى نەمەسە ميوكارد جاعدايلارى تىركەلگەمەگەنىن حابارلادى. بالالارعا ارنالعان دوزانىڭ مولشەرى – 10 ميكروگرام. ەرەسەكتەرگە 30 ميكروگرامم سالىنادى.

ءبىر اي بۇرىن Pfizer ۆاكتسينانىڭ 5-11 جاستاعى بالالارعا قاۋىپسىز جانە ءتيىمدى ەكەنىن مالىمدەگەن، الايدا ونىڭ دالەلدەرى ءالى بولماعان.

ۆاكتسينالار بويىنشا ىشكى ساراپشىلاردان تۇراتىن اقش-تىڭ ءدارى-دارمەك جونىندەگى فەدەرالدى اگەنتتىگىنىڭ كەڭەس بەرۋ كوميتەتى 26 قازان كۇنى Pfizer ءوتىنىمىن قاراستىرۋ بويىنشا كەزەكتى وتىرىس وتكىزەدى. اقش-تىڭ دەنسۋلىق ساقتاۋ ورگاندارى 5-11 جاس ارالىعىنداعى بالالارعا Pfizer ۆاكتسينانىن ەگۋگە رۇقسات ەتسە، بالالاردى ۆاكتسينالاۋ ناۋقانى قاراشانىڭ باسىندا باستالادى دەپ كۇىلۋدە.

اقش بيلىگى وسى اپتانىڭ باسىندا ەل بويىنشا ۆاكتسينانىڭ ميلليونداعان دوزاسىن حالىق اراسىندا ءبولۋدى تەزدەتەتىنىن مالىمدەدى.

ەۋروپا ءدارى-دارمەك اگەنتتىگى وسى اپتادا بەس جاستان اسقان بالالارعا كوروناۆيرۋسقا قارسى Pfizer-BioNTech ۆاكتسيناسىن ەگۋدى كەڭەيتۋ بويىنشا ءوتىنىمدى قاراستىرا باستادى. بەلگيانىڭ ۆاكتسينالاۋ بويىنشا ماقساتتى توبىنىڭ وكىلى ەلدىڭ ەۋروپا ءدارى-دارمەك اگەنتتىگىنىڭ باعاسىنا سايكەس 12 جاسقا دەيىنگى بالالاردى ۆاكتسينالاۋ بويىنشا شەشىم قابىلدايتىنىن ايتتى.

قازىرگى كەزدە ۆاكتسينالاۋ سەرتيفيكاتى Green Pass ەۋرووداق ەلدەرىنىڭ كوبىندە 12 جاستان اسقان ازاماتتاردان قوعامدىق شارالارعا، ءدامحانالار مەن مەيرامحانالارعا بارعان كەزدە سۇرالادى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار