سپورت • 24 قازان، 2021

قحل: ەلوردالىق «بارىس» «سەۆەرستالمەن» كەزدەسەدى

56 رەت كورسەتىلدى

بۇگىن «بارىس» قۇرلىقتىق حوككەي ليگاسىنداعى كەزەكتى ويىنىن وتكىزەدى. ەلوردالىق حوككەيشىلەر رەسەيدىڭ «سەۆەرستال» كومانداسىمەن كەزدەسەدى، دەپ حابارلايدى Egemen.kz.

كەزدەسۋ ەلوردا ۋاقىتىمەن 17:00-دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.

ەكى كوماندا بۇگىنگە دەيىن 25 مارتە شەبەرلىك بايقاستى. ونىڭ 13-ءى «بارىستىڭ» باسىمدىعىمەن اياقتالسا، قالعانىندا رەسەيلىك العا وزدى. دەسە دە، قوس كوماندا اراسىنداعى سوڭعى التى كەزدەسۋدىڭ بەسەۋىندە قازاقستاندىق كلۋب جەڭىسكە جەتتى.

«بارىس» بيىلعى ءتۋرنيردىڭ سوڭعى التى كەزدەسۋىنىڭ ەكەۋىندە مەرەيى ۇستەم بولسا، قالعانىندا قارسىلاستارىنا ەسە جىبەردى. ال «سەۆەرستال» سوڭعى التى كەزدەسۋدىڭ تورتەۋىندە قارسىلاستارىن تىزە بۇكتىردى.

ايتا كەتسەك، قازاقستاندىق كلۋب بۇدان بۇرىن رەسەيدىڭ «لوكوموتيۆ» كومانداسىنان جەڭىلىپ قالدى. ال «سەۆەرستال» لاتۆيانىڭ «دينامو» كومانداسىنان باسىم ءتۇستى.

قازىر «بارىس» 21 ويىننان كەيىن 18 ۇپايمەن تۋرنير كەستەسىندە 17-ءشى ورىندا تۇراقتادى. ال «اۆانگارد» 22 ۇپايمەن 14-ءشى ورىندا تۇر.

سوڭعى جاڭالىقتار

ۇقساس جاڭالىقتار