قازاقستان • 23 قازان، 2021

تاتۋلىق – قۋاتتى مەملەكەتتىڭ تىرەگى

81 رەت كورسەتىلدى

ەل تاۋەلسىزدىگىنىڭ 30 جىلدىعى قارساڭىندا قازاقستان حالقى اسسامبلەياسى كەڭەسىنىڭ كەڭەيتىلگەن وتىرىسى ءوتتى.  مەملەكەت باسشىسى  ق.توقاەۆ ءوز سوزىندە سەگىز باسىمدىق بويىنشا ناقتى تاپسىرمالار بەردى.

حالىقتىڭ ءال اۋقاتىن جاقسارتىپ، ەكونوميكاسىن كوتەرىلۋى، قوعامداعى كەلىسىم مەن تۇراقتىلىقتىڭ ەڭ باستىسى – ىشكى بىرلىكتىڭ ناتيجەسى ەكەنى ايتىلدى.

اسسامبلەيا توراعاسى ەتنوساياسات سالاسىندا جوسپارلى جۇمىستى جۇيەلەپ،  اسسامبلەيا قىزمەتىن ءارى قاراي دامىتۋ، ۇلتارالىق تاتۋلىققا سىزات تۇسىرەتىندەرگە زاڭ اياسىندا قاتاڭ شارا كورۋ، جەرگىلىكتى قحا جۇمىسىن جانداندىرۋ قاجەتتىلىگىن ايتتى. سالاداعى جاۋاپكەرشىلىكتى تەك قۇزىرلى ورگاندارعا ارتىپ قويماي مەملەكەت پەن ازاماتتىق قوعام ينستيتۋتتارىن دامىتۋ قاجەتتىلىگىن اتاپ ءوتتى. قحا جانىنداعى قوعامدىق قۇرىلىمداردىڭ قىزمەتىن اتاپ ايتقاندا، انالار كەڭەسى مەن «جاڭعىرۋ جولى» جاستار قوزعالىسىن دامىتۋعا قولداۋ كورسەتۋ كەرەكتىگىن تاپسىردى. جاس بۋىننىڭ كوپ ءتىل مەڭگەرۋىنە كوڭىل ءبولدى. اقپاراتتىق كەڭىستىكتى ءتيىمدى پايدالانۋدى تاپسىردى. بالالار سپورتىنا نازار اۋدارىپ، مەملەكەتتىك ءتىلدى دامىتۋعا قاتىستى ۇسىنىستارعا قولداۋ ءبىلدىردى.

تۇسىنگەن جانعا مەملەكەت باسشىسى تەك اسسامبلەيا مۇشەلەرىنە عانا ەمەس بارشا قازاقستاندىقتارعا اۋقىمدى مىندەت جۇكتەدى. جۇمىس اۋقىمى بەلگىلى. ءبىز ىشكى بىرلىككە ىرىتكى سالاتىنداردى جاۋاپكەرشىلىككە تارتىپ، باياندى بولاشاعىمىز ءۇشىن تۇعىرلى تاتۋلىقتى تۋ ەتىپ، ادال ءارى ناتيجەلى ەڭبەك ەتۋىمىز كەرەك.   

ءبىز، جەتكەن جەتىستىگىمىز بەن باعىندىرعان بەلەسىمىز – بەرەكەلى بىرلىك پەن ىرىستى ىنتىماققا نەگىزدەلگەن سىندارلى ساياساتتىڭ جەمىسى جانە جەڭىسى ەكەنىن مويىنداۋىمىز قاجەت.

 

يكرام حاشيمجانوۆ،

قازاقستان وزبەكتەرى ەتنومادەني بىرلەستىكتەرى

«دۋستليك» قاۋىمداستىعىنىڭ توراعاسى

سوڭعى جاڭالىقتار

ۇقساس جاڭالىقتار