قازاقستان • 23 قازان، 2021

جاڭا توراعا – جاڭا مىندەتتەر جۇكتەدى

68 رەت كورسەتىلدى

قر تۇڭعىش پرەزيدەنتى، ەلباسى ن.نازارباەۆ باستاعان سىندارلى ساياساتتىڭ جۇيەلى جالعاساتىنىن ايتقان مەملەكەت باسشىسى، قازاقستان حالقى اسسامبلەياسىنىڭ توراعاسى ق.توقاەۆ – جاڭا مىندەتتەر جۇكتەدى. قازاقستان حالقى اسسامبلەياسى كەڭەسىنىڭ كەڭەيتىلگەن وتىرىسى تىكەلەي ەفيردە كورسەتىلدى.

جيىندا ەلدىڭ ءال-اۋقاتىن جاقسارتۋ باعىتىنداعى تىڭ باستامالاردى ىسكە اسىرۋدا بىرلىكتىڭ ماڭىزدىلىعى ايرىقشا ايتىلىپ، ەتنوسارالىق تاتۋلىقتىڭ ەكونوميكاعا، الەۋمەتتىك احۋالعا تيگىزەر ىقپالى ءسوز بولدى. ەلدەگى تۇراقتىلىقتى ساقتاۋ ءۇشىن مادەنيەت پەن ءبىلىمنىڭ، اقپاراتتىق قاۋىپسىزدىكتىڭ ماڭىزدىلىعىنا ءمان بەرىلدى. ەتنوساياساتقا قۇزىرلى ورگانداردان بولەك، مەملەكەت پەن قوعام بىرلەسە جۇمىس ىستەۋ قاجەتتىلىگى تياناقتى ءتۇسىندىرىلدى.  

پرەزيدەنت بەيبىتشىلىك پەن كەلىسىمدى نىعايتۋ ءۇشىن ازاماتتىق قوعام ينستيتۋتتارىن بارىنشا قولداۋ كەرەكتىگىن جانە قوعامداعى الەۋمەتتىك، تۇرمىستىق داۋدىڭ الدىن الۋدى تاپسىردى. ەتنومەدياتسياعا باسىمدىق بەرۋدى  تاپسىردى. وڭىرلەردەگى دوستىق ۇيلەرى حالىقتىڭ يگىلىگى ءۇشىن قىزمەت ەتۋ قاجەتتىلىگىن اتاپ ءوتتى.

ءبىر ساعاتتان استام ۋاقىت كەڭەس مۇشەلەرىمەن تىلدەسىپ، جۇمىستى جۇيەلەۋ جايىندا ناقتى مىندەتەر جۇكتەگەن مەملەكەت باسشىسى ءوز ءسوزىن جالپىۇلتتىق بىرلىك – قۋاتتى مەملەكەت بولۋدىڭ باستى كەپىلى، دەپ تۇيىندەدى.

ماقسات – ايقىن جانە بارشامىزعا بەلگىلى. شىمكەنت قالاسىنداعى قازاقستان حالقى اسسامبلەياسىنىڭ مۇشەلەرى ىشكى بىرلىكتى بەكەمدەپ، ەل يگىلىگىنە باعىتتالعان باستامالاردى ىسكە اسىرۋعا، مەملەكەتتىك ساياساتتىڭ ءۇشىنشى مەگاپوليس اۋماعىندا جۇيەلى ورىندالۋىنا ءوز تاراپىمىزدان لايىقتى ۇلەس قوسامىز. الداعى ۋاقىتتا قوعامدىق كەلىسىمدى ساقتاۋ جانە دامىتۋ باعىتىندا مەملەكەتتىك جانە ازاماتتىق قوعام ينستيتۋتتارىمەن بىرلەسە جۇمىس ىستەيتىن بولامىز.

 

لاتيپشا اسانوۆ،

شىمكەنت قالاسى «احىسكا»

تۇرىك ەتنومادەني بىرلەستىگىنىڭ توراعاسى،

قالالىق قحا جانىنداعى قوعامدىق كەلىسىم

كەڭەسىنىڭ مۇشەسى

سوڭعى جاڭالىقتار

ۇقساس جاڭالىقتار