ەلوردا • 23 قازان، 2021

بالامەن بىرگە 12-ءشى قاباتتان سەكىرمەك بولعان

278 رەت كورسەتىلدى

22 قازان كۇنى نۇر-سۇلتاندا جاس انا مەن بالا 12-ءشى قاباتتان سەكىرۋگە تىرىستى، دەپ حابارلايدى Egemen.kz.

«ساعات 17:30-دا كۋبرين كوشەسىندە پوليتسيا كاپيتانى قايرات ناريمانوۆ كوپقاباتتى ءۇيدىڭ 12-قاباتىندا قولىنا بالاسىن العان ايەلدى بايقادى. ول سەكىرگىسى كەلگەن. پوليتسيا قىزمەتكەرى بىردەن ارەكەت ەتە باستادى. ەسىك ساڭىلاۋىنان ايەلدىڭ ونى بايقامايتىنىنا كوز جەتكىزىپ، ونى ۇستاپ الدى»، دەلىنگەن نۇر-سۇلتان قالاسى پد ءباسپاسوز قىزمەتىنىڭ حابارلاماسىندا.

21 جاستاعى ايەل بۇل قادامعا وتباسىلىق جانجالدان كەيىن بارۋعا شەشتى. ولىمگە ءبىر جاسار بالاسىن دا ەرتپەك بولعان.

«بۇل كۇنى مەنىڭ كۇندەلىكتى كەزەكشىلىكتەن كەيىن دەمالىس كۇنىم بولدى. بالاباقشاداعى بالالارمەن قايتىپ كەلە جاتىپ، اۋلادا مازاسىز ازاماتتار مەن بالكوننىڭ قورشاۋىندا وتىرعان ايەلدى كوردىم. ويلانباستان پودەزگە قاراي جۇگىردىم، سول ساتتە مەنىمەن بىرگە ليفتكە كۋاگەرلەردىڭ ءبىرى جۇگىرىپ كەلدى. باقىتىمىزعا وراي، ءبارى ويداعىداي بولدى، مەن ايەلدى ۇستاپ الىپ قاۋىپسىز جەرگە اپاردىم»، دەدى پوليتسيا قىزمەتكەرى.

جاس انانى ۇمىتسىزدىككە جەتكىزگەن جۇبايىنا قاتىستى قورعانىس تۋرالى بۇيرىق شىعارىلىپ، وتباسى ەرەكشە باقىلاۋعا الىندى. ايەلمەن پروفيلاكتيكالىق اڭگىمە جۇرگىزىلىپ، پسيحولوگيالىق كومەك كورسەتىلدى.

سوڭعى جاڭالىقتار

ۇقساس جاڭالىقتار