كوروناۆيرۋس • 22 قازان، 2021

شىمكەنتتىڭ باس سانيتار دارىگەرىنىڭ جاڭا قاۋلىسى شىقتى

79 رەت كورسەتىلدى

شىمكەنت قالاسى باس سانيتار دارىگەرىنىڭ جاڭا قاۋلىسى بويىنشا كارانتين شەكتەۋلەرىنە وزگەرىستەر ەنگىزىلدى، دەپ حابارلايدى Egemen.kz.

قۇجات بويىنشا، جۇمىس ۋاقىتى دەمالىس كۇندەرى ساعات 01.00-گە دەيىن، Ashyq كوشباسشىلارىنىڭ جۇمىس ۋاقىتى ساعات 03.00-گە دەيىن دەپ بەلگىلەندى. بىراق ول ءۇشىن قىزمەتكەرلەر مەن كەلۋشىلەردە «جاسىل مارتەبە» بولۋى شارت.

«وسى تارماقتا كوزدەلگەن «جاسىل مارتەبەنىڭ» بولۋى جانە جۇمىس رەجيمىن شەكتەۋ تۋرالى تالاپ وبلىسارالىق جانە وبلىسىشىلىك تۇراقتى تاسىمالعا، وتەلدەرگە، قوناق ۇيلەرگە، اۋەجايلارعا، تەمىرجول، اۆتوموبيل ۆوكزالدارىنا، اۆتوستانتسيالارعا، جولاۋشىلارعا قىزمەت كورسەتۋ پۋنكتتەرىنە، ءبىلىم بەرۋ وبەكتىلەرىنە، جوو-عا، كوللەدجدەرگە، ينتەرناتتارعا، ءبىلىم بەرۋ ۇيىمدارىنىڭ جاتاقحانالارىنا قولدانىلمايدى»، دەپ جازىلعان جاڭا قاۋلىدا .

قاۋلىنىڭ تاعى ءبىر تارماعى بويىنشا Ashyq جوباسىنا قاتىساتىن بيزنەس وبەكتىلەرىنىڭ جۇمىس كۇندەرىندەگى قىزمەت كورسەتۋ ۋاقىتى دەمالىس كۇندەرىندەگى رەجيممەن تەڭەستىرىلەتىنى ايتىلعان.

ال تۇنگى كلۋبتاردىڭ قىزمەتى ءىشىنارا عانا شەكتەلمەك. ناقتىراق ايتساق، Ashyq جوباسىنا قاتىساتىن تۇنگى كلۋبتاردىڭ قىزمەتكەرلەر مەن كەلۋشىلەرىندە «جاسىل مارتەبە» بولعان جاعدايدا جۇكتەلىم 50%-عا دەيىن نەمەسە 70 ورىننان اسىرماي جۇمىس ىستەۋگە بولادى.

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار