قوعام • 22 قازان، 2021

بيىل 16،1 ملن توننا استىق جينالدى – اشم

82 رەت كورسەتىلدى

بيىلعى 22 قازانداعى جاعداي بويىنشا ەلىمىزدە 15،8 ملن گەكتار ءداندى جانە ءداندى-بۇرشاقتى داقىلدار نەمەسە جالپى جيناۋ الاڭىنىڭ 99،7 پايىزى جينالدى، دەپ حابارلايدى Egemen.kz.

«ورتاشا ونىمدىلىك گەكتارىنا 10،2 تسەنتنەردى قۇراپ، 16،1 ملن توننا ءونىم باستىرىلدى، ونىڭ 11،8 ملن تونناسى بيداي. سونداي-اق 1،6 ملن توننا مايلى داقىلدار، 3،8 ملن توننا كارتوپ، 4،6 ملن توننا كوكونىس داقىلدارى، 2،6 ملن توننا باقشا داقىلدارى جينالدى»، دەلىنگەن اۋىل شارۋاشىلىعى مينيسترلىگى مالىمەتىندە.

نەگىزگى استىق ەگەتىن وڭىرلەر - اقمولا، قوستاناي جانە سولتۇستىك قازاقستان وبلىستارىندا 11،6 ملن گەكتار جينالدى، بۇل ولاردىڭ جالپى جيناۋ الاڭىنىڭ 100 پايىزىن قۇرادى. ورتاشا ونىمدىلىك 8،8 تسەنتنەرگە جەتىپ، 10،1 ملن توننا باستىرىلدى.

«ەگىن جيناۋ جۇمىستارىن ۋاقىتىلى جۇرگىزۋ ءۇشىن اۋىل شارۋاشىلىعى تاۋارلارىن وندىرۋشىلەرگە 396،5 مىڭ توننا جەڭىلدەتىلگەن باعاداعى ديزەل وتىنى ءبولىندى. ەنەرگەتيكا مينيسترلىگىمەن بىرلەسىپ، وبلىس وپەراتورلارىن ءموز-گە بەكىتۋ كەستەسى جاسالدى. 2021 جىلعى 22 قازانداعى جاعداي بويىنشا شىلدە-قازان ايلارىنىڭ كەستەسىندەگى 396،5 مىڭ توننانىڭ 370،1 مىڭ تونناسى (93%) تيەلدى»، دەلىنگەن ۆەدومستۆو مالىمەتىندە.

رەسپۋبليكاداعى استىق ساقتاۋدىڭ جالپى سىيىمدىلىعى 29،4 ملن توننا، ونىڭ ىشىندە استىق قابىلداۋ كاسىپورىندارىندا 12،8 ملن توننا، اۋىل شارۋاشىلىعى وندىرۋشىلەرىندە 16،6 ملن توننا. 15 قازانداعى جاعداي بويىنشا 3،5 ملن توننا استىق ساقتاۋعا جونەلتىلدى.

«جالپى ەگىن جيناۋ بولجانعان كولەمدە اياقتالدى. جينالعان داقىل ساپاسىنىڭ جوعارى كورسەتكىشتەرىن اتاپ وتكەن ءجون. اۋىل شارۋاشىلىعى مينيسترلىگىنىڭ ەسەپتەۋى بويىنشا قالعان كولەم قازان ايىنىڭ سوڭىنا دەيىن جينالادى»، دەلىنگەن مينيسترلىك حابارلاماسىندا.

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار