ءبىلىم • 22 قازان، 2021

ەلوردا مەكتەبىنە ىبىراي ءالتىنساريننىڭ ەسىمى بەرىلەدى

101 رەت كورسەتىلدى

ەلوردادا №83 مەكتەپكە ىبىراي التىنسارين اتاۋى بەرىلەدى. بۇل تۋرالى نۇر-سۇلتان قالاسى اكىمىنىڭ ورىنباسارى اسحات ورالوۆ ءمالىم ەتتى، دەپ حابارلايدى Egemen.kz.

«بيىل ەلوردادا ۇستازدار كۇنى قارساڭىندا ۇلت ۇستازى ىبىراي التىنسارينگە بيۋست اشىلدى. سالتاناتتى شاراعا زيالى قاۋىم وكىلدەرى قاتىستى. جانە قازىرگى تاڭدا ونوماستيكالىق كوميسسيا وتىرىسىندا قالاداعى №83 مەكتەپكە ىبىراي التىنسارين اتاۋىن بەرۋدى قاراستىرىپ جاتىرمىز. ارينە، زاڭ اياسىندا جۇزەگە اساتىن پروتسەسس، سوندىقتان ۋاقىتتى تالاپ ەتىلەدى. ونىڭ ۇستىنە شەشىمدى تەك اكىمدىك قانا قابىلدامايدى، جۇرتشىلىقپەن اقىلداسىپ شەشىلەدى. ونوماستيكا كوميسسياسى قۇرامىندا مەملەكەتتىك ورگان وكىلدەرىنەن بولەك، قوعام قايراتكەرلەرى، زيالى قاۋىم، ۇكىمەتتىك ەمەس ۇيىم وكىلدەرىمەن قوسا بەلسەندى ازاماتتار بار»،  دەدى ا. ورالوۆ.

ونىڭ ايتۋىنشا مەكتەپكە اعارتۋشىنىڭ ەسىمىن بەرۋ تۋرالى شەشىم وسى ايدىڭ سوڭىندا نەمەسە قاراشانىڭ باسىندا شىعادى.

«مەكتەپكە ىبىراي اتامىزدىڭ اتىن بەرۋ باستاماسىن ءبارى ءبىراۋىزدان قولدايدى دەپ ويلايمىن. تۇلعانىڭ ۇلتتىق ءبىلىم سالاسىنا سىڭىرگەن ەڭبەگى مەن قالدىرعان مۇراسى بارشامىزعا ايان»، دەيدى ول.

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار