قوعام • 22 قازان، 2021

تىكەلەي ەفيردە دورەكى سويلەگەن شەنەۋنىك قاتاڭ سوگىس الدى

379 رەت كورسەتىلدى

ورالدىق شەنەۋنىك ونلاين رەجيمدەگى جينالىس كەزىندە ايتىپ قالعان دورەكى ءسوزى ءۇشىن جازالاندى، دەپ حابارلايدى Egemen.kz

بقو اكىمىنىڭ ورىنباسارى، مەملەكەتتىك باسقارما باسشىلارى، سونداي-اق جەكە ۇيىمدار وكىلدەرى قاتىسقان بەينەكونفەرەنتسيا 16 تامىزدا وتكەن ەكەن.

كەيىنىرەك، 22 قازاندا ادەپ جونىندەگى كەڭەستىڭ وتىرىسىندا بۇل ءىس قارالدى.

جەرگىلىكتى باسىلىم جازعانداي، شەنەۋنىك «بەسيت ۋجە» دەگەن ءسوزدى ايتقانىن مويىندادى، بىراق مۇنى بەينەكونفەرەنتسيا قاتىسۋشىلارىنا ارناماپ ەدىم، دەدى ول.

بقو تابيعي رەسۋرستار جانە تابيعات پايدالانۋدى رەتتەۋ باسقارماسى باسشىسىنىڭ ورىنباسارى بيسەنعالي حايرۋللين التى اي بويى ءۇش ادامنىڭ جۇمىسىن ءبىر ءوزى اتقارعانىن مالىمدەدى: ۆەدومستۆو باسشىسى جۇمىستان شىعىپ، ال ەكىنشى ورىنباسارى جۇرەگىنە وتا جاساتىپ، اۋرۋحانادا جاتقان ەكەن.

«مەن باسشى مىندەتىن اتقاردىم. بۇل سوزدەردى وزىنە ايتىلدى دەپ قابىلداعان جشس وكىلدەرى ماعان شاعىمداندى، بىراق ولاي ەمەس. جالپى، بۇل ۇيىممەن بىزدە 10 اي بويى سوت ءىسى ءجۇرىپ جاتىر. سول كونفەرەنتسيا بارىسىندا دىبىس بولماي، ءبىز 15 مينۋت بويى قوسىلا المادىق، باسقا كابينەتكە بارۋعا تۋرا كەلدى، مەن ءوز قىزمەتكەرلەرىمە نارازىلىق ءبىلدىرىپ، وسى سوزدەردى ايتتىم»، دەدى ول.

ادەپ جونىندەگى كەڭەستىڭ توراعاسى عالىم تۇرسىنباەۆ بۇل ءسوز بىرنەشە رەت ايتىلعانىن ايتتى.

ء«بىر مينۋت ىشىندە ءسىز بۇل ءسوزدى ءتورت رەت ايتتىڭىز، وبلىس اكىمىنىڭ ورىنباسارى سىزگە ەسكەرتۋ جاسادى. سوزدەر بايلانىس بارىسىنداعى اقاۋلىقتار كەزىندە ەمەس، سويلەپ بولعاننان كەيىن ايتىلدى. ءبىز بۇل سوزدەردىڭ كىمگە باعىتتالعانىن بىلمەيمىز. ءسىز «بەسيت ۋجە نا» دەپ سويلەمدى اياقتاعان جوقسىز. ءسوزىڭىز جازىلىپ جاتقاندا بۇلاي سويلەسەڭىز، جازىلمايتىن كەزدە ءوزىڭىزدى قالاي ۇستايسىز؟ ادەپ قارىم-قاتىناستارىن ساقتاۋىڭىزدى سۇرايمىن. جاسىڭىز الپىستا، ءوزىڭىز ءبىلۋىڭىز كەرەك، مەنىڭ سىزگە بۇل تۋرالى ايتۋىمنىڭ ءوزى ىڭعايسىز»، دەپ اشۋلاندى تۇرسىنباەۆ.

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار