وبلىستىق پوليتسيا دەپارتامەنتىنىڭ مالىمەتىنشە, جوعالعان ادامدار بۇگىن قازاننىڭ 21-دە, كۇندىزگى ۋاقىت 14:00 شاماسىندا بايتەرەك اۋىلىنان 35 شاقىرىم جەردەگى ورمان القابىنان تابىلعان.
«التىناي بالتاقوجاقىزى تۇندە ورماندا وتە سۋىق بولعانىن ايتتى. جۇبايى ەكەۋى جول ىزدەپ شارشاعان. جولداسى قايىرجان بارجاقسىم ۇلى تاياقتىڭ كومەگىمەن قوزعالادى. ەرلى-زايىپتىلار وزدەرىن ىزدەۋگە قاتىسقانداردىڭ بارلىعىنا العىسىن جەتكىزدى. ۇيلەسىمدى ءىس-ارەكەت پەن كۇش-جىگەردىڭ ارقاسىندا ەرلى-زايىپتى باياليندەردىڭ ءومىرى مەن دەنساۋلىعىنا قاۋىپ جوق», دەدى ۆەدومستۆودان.
ەسكە سالا كەتسەك, اقمولا وبلىسىندا ورماندا جوعالعان ەرلى-زايىپتىلارعا ىزدەۋ جاريالانعان بولاتىن.
وعان بارلىعى 140-تان استام ادام, ونىڭ ىشىندە جۇزگە جۋىق پوليتسيا قىزمەتكەرى (6 ءيىسشىل ءيتى بار كينولوگ جانە 25 سوبر قىزمەتكەرى), جەرگىلىكتى اتقارۋشى ورگانداردىڭ وكىلدەرى, قورىقشىلار, توتەنشە جاعدايلار دەپارتامەنتىنىڭ قىزمەتكەرلەرى جۇمىلدىرىلدى.
