قوعام • 21 قازان، 2021

«ۇلتتىق رۋحاني جاڭعىرۋ» ۇلتتىق جوباسى تانىستىرىلدى

114 رەت كورسەتىلدى

قر پرەزيدەنتى جانىنداعى وكق-دە قر اقپارات جانە قوعامدىق دامۋ، مادەنيەت جانە سپورت، ءبىلىم جانە عىلىم مينيسترلىكتەرىنىڭ «ۇلتتىق رۋحاني جاڭعىرۋ» ۇلتتىق جوباسى: نەگىزگى باعىتتار» تاقىرىبىندا بريفينگى ءوتتى، دەپ جازادى Egemen.kz.

قر اقپارات جانە قوعامدىق دامۋ ءمينيسترى بريفينگ بارىسىندا ۇلتتىق جوبا مەملەكەت باسشىسى قاسىم-جومارت توقاەۆتىڭ تاپسىرماسى بويىنشا ازىرلەنىپ، قازاقستاندىق قوعامنىڭ مادەنيەت، اعارتۋ جانە ۇلتتىق رۋح دەڭگەيىن ارتتىرۋعا باعىتتالعانىن اتاپ ءوتتى.

ايدا بالاەۆا ۇلتتىق جوبا تۇڭعىش پرەزيدەنت – ەلباسى نۇرسۇلتان نازارباەۆتىڭ باعدارلامالىق ماقالاسىندا ايتىلعان «رۋحاني جاڭعىرۋ» قۇندىلىقتارىن ىلگەرىلەتۋدىڭ كەلەسى كەزەڭى بولىپ تابىلاتىنىن اتاپ ءوتتى.

«مازمۇنى جاعىنان بۇل ءمانى تەرەڭ، اۋقىمى وتە كەڭ جوبا. بۇل – قانشاما عاسىرلار بويى قالىپتاسقان حالقىمىزدىڭ مادەني بولمىسى، تاريحى مەن تامىرى. سوندىقتان، اسىرەسە قازىرگى جاھاندانۋ كەزەڭىندە ونى ساقتاپ قالۋ، ۇرپاق بويىنا ءسىڭىرۋدىڭ ماڭىزى زور. بۇگىنگى ۇرپاق بويىنا «ۇلتتىق كود» ۇعىمىن قانشالىقتى تەرەڭ سىڭىرسەك – ول ءبىزدىڭ ەرتەڭگى ۇلت بولىپ قالۋىمىزدىڭ كەپىلى»، دەپ اتاپ ءوتتى مينيستر.

ۇلتتىق جوبا ءۇش باعىت بويىنشا ىسكە اسىرىلادى، ولاردى ورىنداۋعا بىردەن ءۇش مينيسترلىك قاتىسادى. قۇجاتقا جەتى مىندەت، 20-دان استام كورسەتكىش جانە 60-تان استام ءىرى ءىس-شارالار كىرەدى.

ءبىرىنشى باعىت – ەلدىڭ زياتكەرلىك الەۋەتىن جانە مەملەكەتتىك ءتىلدىڭ مارتەبەسىن ارتتىرۋ. ول ساپالى كونتەنتتى ۇلعايتۋ ارقىلى ىسكە اسىرىلاتىن بولادى.

ەلىمىزدىڭ زياتكەرلىك الەۋەتىن دامىتۋ بويىنشا 38 جوبا جوسپارلانعان. 2025 جىلعا دەيىن بارلىق وقۋشىلاردى ەلىمىزدىڭ مادەني مۇراسىمەن تەرەڭىرەك تانىستىراتىن جوبامەن قامتۋ جوسپارلانۋدا، ال «وقيتىن ۇلت» جوباسى قازاقستاندىقتاردىڭ وقىرماندىق بەلسەندىلىگىن ارتتىرۋى ءتيىس.

مەملەكەتتىك ءتىل مارتەبەسىن دامىتۋ ءۇشىن وقۋ باعدارلامالارى مەن ادىستەمەلەر جاڭارتىلاتىن بولادى. قازاق ءتىلىنىڭ ۇلتتىق كورپۋسىن قۇرۋ، لاتىن ءالىپبيىن ەنگىزۋدى جالعاستىرۋ جانە قازاق ءتىلىن دامىتۋعا مۇددەلى بارلىق ادامداردى وقۋ ادەبيەتىمەن قامتاماسىز ەتۋ جوسپارلانۋدا.

ەكىنشى باعىت – «ەل رۋحى» قازاقستاندىق كينو ونىمدەرى مەن مۋلتفيلمدەر ءوندىرىسىن جەڭىلدەتۋگە، وتاندىق سۋرەتشىلەر مەن فوتوگرافتاردىڭ كورمەلەرىن، قازاقستاندىق ەسترادا مەترلەرىنىڭ كونتسەرتتەرىن قولجەتىمدى ەتۋگە مۇمكىندىك بەرەتىن شارالار كەشەنىن بىرىكتىرەدى.

ايدا بالاەۆا ەكىنشى باعىتتى ىسكە اسىرۋ 2025 جىلعا قاراي بەس ناقتى ناتيجەگە قول جەتكىزە وتىرىپ، شامامەن 13 ءىرى مادەني ءىس-شارانى قامتيتىنىن اتاپ ءوتتى. كونتسەرتتەر، سپەكتاكلدەر مەن ءتۇرلى كورمەلەر قازاقستاننىڭ ءىرى قالالارىندا عانا ەمەس، سونداي-اق ەلىمىزدىڭ شالعاي اۋداندارىندا دا وتەدى دەپ بولجانۋدا. 2025 جىلعا قاراي 40 انيماتسيالىق فيلم جاسالادى، ال كينوپروكاتتاعى وتاندىق فيلمدەردىڭ ۇلەسى كەمىندە 25%-دى قۇرايتىن بولادى.

قر اقپارات جانە قوعامدىق دامۋ ءمينيسترى ءوز سوزىندە «ە-culture.kz» بىرىڭعاي ەلەكتروندىق پلاتفورما جوباسىن اتاپ ءوتتى.
«جوبا وتاندىق مادەنيەتتىڭ بارلىق جەتىستىكتەرىنە ەركىن رەجيمدە ونلاين تۇردە قول جەتكىزۋگە مۇمكىندىك بەرەدى. جەر شارىنىڭ كەز كەلگەن نۇكتەسىنەن، ۇيدەن شىقپاي-اق، ءبىزدىڭ مۇراجايلار مەن تەاترلارعا، كىتاپحانالارعا جانە باسقا دا مادەني كورىكتى جەرلەرگە بارۋعا بولادى»، دەپ اتاپ ءوتتى ايدا بالاەۆا.

ءۇشىنشى باعىت – «تاۋەلسىزدىك ۇرپاقتارى» جاستار ءۇشىن جاڭا مۇمكىندىكتەر جاساۋعا باعىتتالعان.

مينيستر ايدا بالاەۆا بۇل باعىت جاستاردىڭ نەگىزگى پروبلەمالارىن – قولجەتىمدى ءبىلىم، جۇمىسپەن قامتۋ جانە تۇرعىن ءۇيدى شەشۋگە كومەكتەسۋى ءتيىس ەكەنىن ءتۇسىندىردى. وسى باعىت شەڭبەرىندە كەمىندە 800 مىڭ جاس تۇرعىن ءۇي جيناقتارى جۇيەسىن پايدالانا الادى; 1 ملن-عا جۋىق جاستار قازاقستاندىق الەۋمەتتىك قىزمەتتەرمەن قامتاماسىز ەتىلەدى; بارلىق باعدارلامالار بويىنشا جاس وتباسىلار ءۇشىن قارىز ۇلەسى 25%-عا دەيىن ارتادى; 1،5 ملن-عا جۋىق جاستار سپورتتىق جانە ەكولوگيالىق جوبالارعا تارتىلاتىن بولادى.

«NEET كاتەگورياسى دەپ اتالاتىن جاستاردى قولداۋ شارالارىنا ەرەكشە نازار اۋدارعىم كەلەدى، وندا ءبىز جۇمىسپەن قامتىلماعان جاستاردىڭ سانىن 5%-عا دەيىن تومەندەتۋدىڭ ناقتى مىندەتىن قويامىز»، دەدى ايدا بالاەۆا.

بريفينگ بارىسىندا باق وكىلدەرى «ۇلتتىق رۋحاني جاڭعىرۋ» ۇلتتىق جوباسى بويىنشا سۇراقتار قويىپ، ولارعا قر اقدم باسشىسى ايدا بالاەۆا، مادەنيەت جانە سپورت ۆيتسە-ءمينيسترى نۇرعيسا داۋەشوۆ، قر ءبىلىم جانە عىلىم مينيسترلىگىنىڭ وكىلى ادىلبەك قاباەۆ جاۋاپ بەردى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار