«كوپشىلىكتى جوبانى قارجىلاندىرۋ ماسەلەسى قىزىقتىرادى, سوندىقتان ۇلتتىق جوبانىڭ شوعىرلاندىرىلعان بيۋدجەتى 119 ملرد تەڭگەنى قۇرايتىنىن بىردەن ايتقىم كەلەدى», دەدى ول وكق بريفينگىندە.
ونىڭ ايتۋىنشا, جوبا 2025 جىلعا دەيىن جۇزەگە اسىرىلادى.
«وزدەرىڭىز بىلەتىندەي, يدەولوگيا - بۇل ارقاشان مەملەكەتتىڭ ارتىندا قالاتىن بەلگىلى ءبىر دامۋ سالاسى. شىن مانىندە, بۇل ادامداردىڭ ساناسىنا ينۆەستيتسيا, ونىڭ قايتارىمى قوعام ءومىرىنىڭ بارلىق سالالارىندا كورىنەدى: مادەنيەت, ەكونوميكا, ءبىلىم جانە ت.ب. سوندىقتان بۇل سومانىڭ باسىم بولىگى, ارينە, رەسپۋبليكالىق بيۋدجەتتەن بولىنەتىن بولادى - 110 ملرد جانە 9 ملرد - جەرگىلىكتى بيۋدجەتتەن», دەپ قوستى بالاەۆا.
ول ءاربىر تەڭگەنى ماماندار ەگجەي-تەگجەيلى ەسەپتەگەنىن جانە ءاربىر جوبا مۇقيات قارجىلىق ساراپتامادان وتكەنىن سەندىردى.
«سونىمەن قاتار, بۇل جوبالاردى ىسكە اسىرۋ بارىسى تۇراقتى باقىلاۋدا بولادى. بىزدە تاعايىنداۋ تۇرىندە ينۆەستيتسيا تارتۋدىڭ جاقسى تاجىريبەسى بار. وسىلايشا, «تۋعان جەر» ارنايى باعدارلاماسىن ىسكە اسىرۋدىڭ بارلىق جىلدارىندا جاناشىر مەتسەناتتار ەسەبىنەن 280 ملرد تەڭگە سوماسىنا 7 مىڭ نىسان سالىندى. وسى جوبانىڭ شەڭبەرىندە وسى ۇلگىلى پراكتيكانى ەسكەرە وتىرىپ, ءبىز كەم دەگەندە 7 ملرد تەڭگە سوماعا ينۆەستيتسيالار تارتۋ مىندەتىن قويدىق. جوبانى ىسكە اسىرۋ بارىسىندا سوما ەسەلەنە تۇسەتىنىنە سەنىم بىلدىرەمىن», دەپ تۇيىندەدى مينيستر.
